ЯҢАЛЫКЛАР

Алар миллионлаган гаепсез кешеләрне юк итү символлары. Дөнья тарихында Холокост дип, 1941-1945 еллардагы Икенче Бөтендөнья сугышында өченче рейх тарафыннан төрле милләтләргә карата кылынган геноцид фаҗигасен атыйлар. 27 гыйнвар-Холокост корбаннарына искә алу көне. Ерткыч сәяси корбаннары булганнарны һәм бу мәхшәрне туктаткан батыр йөрәкле кешеләрне искә алу көне. 25 гыйнварда Олы Мәтәскә мәдәният хезмәткәрләре төрле сыйныф укучылары белән "Нәрсә ул Холокост? " дип исемләнгән мәгълүмати әңгәмә үткәрделәр. Укучылар Холокост фаҗигасе белән бәйле төп төшенчәләр, Икенче Бөтендөнья сугышы чорының фаҗигале сәхифәсе буларак, Освенцим концлагереның тарихы белән таныштылар.

1944 елның 27 гыйнвары - Ленинградның камалыштан чыккан көне. Бөек Ватан сугышы тарихындагы бөек вакыйгага быел 81 ел тула. Әлеге дата уңаеннан Урта Мишә авыл китапханәсе клуб белән берлектә “Ленинград блокадасы – онытылмас тарих” дип исемләнгән батырлык дәресе үткәрделәр. Ленинградның тиңдәшсез батырлыгы тарихка халыкның гаҗәеп кыюлыгы һәм геройлыгы эпопеясы булып кереп калды. Блокадалыларның икмәк нормасы һәм кешеләргә ач үлем белән үлмәскә ярдәм иткән "Тормыш юлы" турында презентация күрсәтелде. Шулай ук “Блокадалы Ленинград битләре” дип исемләнгән күргәзмә куелды.

Илебезнең барлык халыклары белән бергә авыр көрәштә татар язучылары да катнаштылар; язучы, шагыйрь, журналист буларак фронт газеталарында хезмәт иттеләр; кулларына корал алып, алгы сызыкларда сугыштылар; ялкынлы сүз белән җиңүгә ярдәм иттеләр. Әдәбият Җиңүгә ышанычны ныгытуга зур иҗат ялкыны белән хезмәт итте. Сугыш чоры шартларының чиксез авырлыкларына карамастан, ут эчендә, дошман пулялары астында татар поэзиясе яңа баскычка күтәрелде.

Террорчылык гамәлләре күпләп кеше корбаннары китерә, матди, рухи кыйммәтләрне җимерә, дәүләтләр, халыклар арасында дошманлык чәчә һәм сугышлар китереп чыгара. Шушы проблемаларны булдырмау максатыннан, Күкчә авылы клубында  китапханә белән берлектә «Терроризм проблема века» дип исемләнгән әңгәмә үткәрелде. Балалар “терроризм" төшенчәсе, теракт куркынычы туганда үз-үзләрен тоту кагыйдәләре белән таныштылар. Чарада катнашучылар әлеге әңгәмәдә толерантлык, шәфкатьлелек, Ватанга хөрмәт тәрбияләү һәм иң мөһиме – террорчылык проблемасын булдырмауны аңладылар.

27 гыйнвар көне Халыкара Холокост корбаннары көне буларак һәр елны билгеләнеп үтелә.   Холокост корбаннарын искә алу атналыгы кысаларында Китапханәдә клуб  белән берлектә «Холокост корбаннары » дип исемләнгән патриотик сәгать үткәрелде. Чара барышында китапханәче чарада катнашучыларны Холокост фаҗигасе белән бәйле төп төшенчәләр һәм үлем лагерьларының чәнечкеле тимер чыбыгы артында фашистларның коточкыч явызлыклары турында сөйләде. Китапханәдә шул вакыйгага багышланган күргәзмә эшләнде.

Агымдагы елның 25 гыйнварында Байлар Сабасында «Татарстанның бадминтон өметләре – 1 тур» республика ярышларының зона этабы узды. Әлеге ярышта өстәмә белем бирү педагоглары Җаббаров Алмаз Фоат улы, Нәҗметдинов Әсгать Тимершәех улы, Галимҗанов Рәмис Рәфис улы, Вәлиуллин Айдар Илдар улы җитәкчелегендә 19 бала катнашты.

Ел саен 27 гыйнварда бөтен дөньяда Халыкара Холокост корбаннарын искә алу көне билгеләп үтелә, бу көнне Кызыл Армия солдатлары Освенцим концлагеры тоткыннарын азат итә. 2006 елдан, БМО Генераль Ассамблеясе карары белән, әлеге көн Халыкара Холокост корбаннарын искә алу көне дип игълан ителде. Бу егерменче гасырның иң танылган фаҗигаләренең берсе - бөтен милләтләрне шул исәптән ир-атларны, хатын-кызларны һәм балаларны тулысынча юк итәргә омтылу.

23 гыйнвар  көнне  Иске Җөри модель китапханәчеләре "Ак каен" балалар бакчасы балалары өчен “Әкиятләр аланына сәяхәт” дип исемләнгән виртуаль сәяхәт үткәрделәр . Китапханәчеләр белән бергә балалар искиткеч әкиятләр дөньясы буйлап сәяхәткә чыктылар. Балаларга укылган әкиятләр буенча табышмаклар тәкъдим ителде.

Ул күзгә күренмәс җепләр белән үзенә тарта, һәм аның тарихын белмәскә, аны хәтерләмәскә һәм кайгыртмаска ярамый. Туган як-кешелек нәселенең “тамыры " ул. Үсемлек тамырсыз яши алмаган кебек, кешедә дә тамыр булырга тиеш.  Туган ягыбызны туган ягыбызны өйрәнү максатыннан  14 гыйнвар көнне Иске Җөри авылы  модель китапханәсендә  “Җир бизәге туган авылым белән, мактанырлык минем хакым бар” дип исемләнгән  мәгълүмәт сәгате узды. Китапханәчеләр  чара  барышында туган авылыбызның тарихы, табигате, гореф-гадәтләре һәм зыялы кешеләре, авылның истәлекле урыннары белән таныштырды.

Әлеге дата уңаеннан Иске Җөри авылы  модель китапханәсендә  “Әдәбиятыбызның ак йөзе Шәйхи Маннур” дип исемләнгән китап күргәзмәсе куелды. Китапханәгә килгән укучылар Шәйхи Маннурның әдәби иҗаты һәм тормыш юлы белән таныштылар. Үзе исән чагында аның дүрт дистәгә якын китабы басылып чыга.