ЯҢАЛЫКЛАР
Китапханәдә 10 декабрь көнне әлеге бәйрәмгә «Дәүләтнең төп законы» дигән китап күргәзмәсе оештырылды. Күргәзмәдә Конституция төзелү тарихына багышланган китаплар һәм уку материаллары тәкъдим ителде. Китапханәче китап күргәзмәсенә күзәтү ясады. Чарада катнашучылар Россия Конституциясе - дәүләтнең төп законы, ягъни илебез гражданнары үзләре өчен билгеләгән иң төп кагыйдәләр исемлеге икәнен белделәр. Конституциядә иң мөһиме - кеше, аның хокуклары һәм ирекләре.
Бу көн рухи көче, намусы, батырлыгы иң югары әхлакый сыйфатларны һәм Ватан алдындагы җаваплылыкны чагылдыру үрнәге булган, лаеклы рәвештә герой дип аталган барлык кешеләргә багышлана. Ватан Геройлары көненә Баландыш авыл китапханәсендә “Геройлар даны мәңгелек!” дигән күргәзмә ясап куелды. Күргәзмәдә якташларыбыз Сафин Миннегали Мәгъсүм улы , Александр Ксенофонтов, Габделхак Галиев, Николай Капитонов һәм Гөлбикә Каримовалар турында мәгълүмат куелды.
Чараның максаты: укучыларда социаль актив позиция, башкарган гамәлләр өчен җаваплылык хисе һәм ришвәтчелеккә каршы торучанлык тәрбияләү. Укучыларга тәкъдим ителгән презентация илебездәге ришвәтчелек тарихына багышланды.
Бу дата хәрби батырлыкны һәм хәрби хәрәкәтләрдә һәлак булган һәм исемнәре билгесез калган совет һәм Россия сугышчыларының үлемсез батырлыгын мәңгеләштерергә чакырылган. Бу көнне бөтен Россия буйлап истәлекле чаралар уза. Шул уңайдан Күкчә авылы мәдәният хезмәткәрләре “Билгесез солдат көне” темасына әңгәмә үткәрделәр. Алар Бөек Ватан сугышында Россия һәм совет солдатларының батырлыгы турында сөйләделәр. Шул ук темага презентация дә күрсәтелде. Бу истәлекле көннең символы булып “Беркем дә, берни дә онытылмый!” дигән сүзләр тора.
Россиядә Ватан Геройлары көне замандашлары һәм Советлар Союзы Геройларын, Россия Федерациясе Геройларын, Изге Георгий һәм Дан орденнары кавалерларын хөрмәтләүгә юнәлдерелгән. 10 декабрьдә мәдәният хезмәткәрләре балалар белән Хезмәт Кызыл Байрагы ордены кавалеры Н.М. Шәйхиева йортында булдылар. Алар аңа кызыксындырган сораулар бирделәр һәм очрашу ахырында герой белән истәлеккә фотога төштеләр.
Россиядә Ватан Геройлары көне замандашлары һәм Советлар Союзы Геройларын, Россия Федерациясе Геройларын, Изге Георгий һәм Дан орденнары кавалерларын хөрмәтләүгә юнәлдерелгән. 10 декабрьдә мәдәният хезмәткәрләре балалар белән Хезмәт Кызыл Байрагы ордены кавалеры Н.М. Шәйхиева йортында булдылар. Алар аңа кызыксындырган сораулар бирделәр һәм очрашу ахырында герой белән истәлеккә фотога төштеләр.
Бу истәлекле дата Ватаныбызны Бөек саклаучыларның Екатерина II дән бүгенге көнгә кадәр батырлыкларын мәңгеләштерергә тиеш. Ватан Геройлары көне алдыннан Олы Нырсы авылы мәдәният хезмәткәрләре «Россия Геройларына Дан» дигән тематик сәгать үткәрде. Чара барышында катнашучылар Ватан геройлары көненең истәлекле датасы тарихы, Россия сугышчыларының батырлык һәм батырлык үрнәкләре белән таныштылар. Балалар үзләренең танышлары, туганнары, Ватанны саклау өчен кылган батырлыклары турында сөйләделәр. Рухи көче, батырлыгы иң югары әхлакый сыйфатларны чагылдыру үрнәге булган Ватанны саклаучылар күрсәткән батырлык һәм каһарманлыкны искә алу һәркемнең бурычы. Яклауга һәм гаделлеккә мохтаҗ булган һәркемгә ярдәмгә килергә әзер булган геройларга хөрмәт.
8 декабрь көнне Максабаш авылы китапханәсендә «Геройлар даны белән горурланабыз» дигән чара узды. Укучыларда Ватаныбыз тарихында кылынган батырлыклар турындагы белемнәрен арттыру, патриотлык, гражданлык, горурлык һәм үткәнебезгә хөрмәт хисләре тәрбияләү – әлеге чараның төп максатлары иде. Биредә укучылар хәрби бүләкләр, ватандашларыбызның күрсәткән батырлыклары, кыюлыклары турында мәгълүматларын арттырдылар.
Ватан турындагы мәкальләрне искә төшерделәр. Балаларга Украинадагы махсус хәрби операция турында, безнең якташларыбыз – СВО да катнашучылар, хәзерге вакытта аларнын күрсәткән батырлыклары турында сөйләнде. Авылыбыз Геройларын алар олы хөрмәт белән искә алдылар.
.
10 декабрь көнне Күкчә авылы мәдәният хезмәткәрләре башлангыч сыйныф укучылары белән «Батырларны онытмыйк!» дигән исем астында әңгәмә үткәрделәр. Чара барышында Ватан Геройлары көне бәйрәменең барлыкка килү тарихы, Ватаныбыз Геройлары-якташларыбыз, батырлыкның нәрсә булуы һәм кем булуы турында сөйләштеләр. Шулай ук, әлеге темага багышланган видеоролик күрсәтелде.
Ватан Геройлары көне-безнең өчен мөһим истәлекле дата, ул тарихи традицияләрнең дәвамы һәм илебез геройларының нинди батырлыклар кылуы турындагы хәтерне саклау булып тора. 8 декабрь көнне Субаш авыл китапханәсендә "Батырлар даны белән горурланабыз" дигән патриотик сәгать үткәрелде. Чараны үткәрүнең максаты, балаларда патриотизм, үз Ватаннары, батырлыклар кылган һәм тынычлыкны саклап калган геройлар өчен горурлык хисләре формалаштыру.