ЯҢАЛЫКЛАР
Чара балалар язучысы, иллюстратор, талантлы рәссам Евгений Иванович Чарушинның 120 еллыгына багышланган иде. Балалар язучының биографиясеннән табигатькә, хайваннар дөньясына булган мәхәббәте турында күп кенә кызыклы фактлар белделәр, әдәби уеннар уйнадылар, хикәяләр укыдылар.
Ноябрь аенда мәктәпкәчә белем бирү учреждениеләрендә тәрбияләнүче балалар арасында пожарга каршы профилактика максатында “Иң әйбәт рәсем яки кисеп ябыштыру” исеме астында конкурс булып үтте. Конкурс 3 төрдә, “Мин үзем”, “Мин һәм минем семья” номинациялэрендә үткәрелде. Конкурста барлык балалар бакчасыннан 119 эш тәкъдим ителде. Конкурска нәтиҗә комиссия тарафыннан 17 нче ноябрь көнне ясалды. Призлы урыннарны Теләченең №1, №2, №3, Сауш, Алан, Иске Җөри, Үзәк, Лесной, Олы Нырсы, Олы Кибәхужа, Шәдке, балалар бакчалары һәм Югары Кибәхуҗа, Баландыш мәктәпләренең мәктәпкәчә төркем балалары алды.
13 ноябрьдә Шармыш авыл китапханәсендә "Почемучки" клубы балалары өчен "Китап геройлары" әдәби һәм уен программасы үткәрелде. Китапханәче балаларның игътибарын "Минем хайваннар турында яраткан китапларым" күргәзмәсенә юнәлтте, анда К.Ушинский, Э.Чарушин, В.Бианки, Б. Житков, М.Пришвин һәм башка язучыларның китаплары тәкъдим ителде.
Россия Федерациясе Граждан кодексының 23 статьясындагы 1 пункты нигезендә граждан, индивидуаль эшкуар буларак дәүләт теркәвенә алынганнан соң, юридик зат оештырмыйча гына, эшкуарлык эшчәнлеге белән шөгыльләнергә хокуклы.
Бу чара мәктәптә башлангыч сыйныф укучылары катнашында үтте. Балаларны борынгы көнкүреш әйберләр белән таныштыру, аларның кулланышлары турында әңгәмә алып бару, элеккеге бизәнү әйберләрен, чиккән әйберләрне күрсәтү булды . Укучылар бик игътибар белән тыңладылар, кызыксынып сораулар бирделәр.
Тарихи вакыйгалар бер-берсе белән алмашына, әмма алар арасында һәрвакыт истә тотарга кирәклеләр дә бар. Урта Мишә авыл китапханәсендә, клуб белән берлектә “Көн узган горур эзләр” дип исемләнгән хәтер сәгате үткәрелде. Сәяси репрессияләр - илебез елъязмасының иң фаҗигале сәхифәләреннән берсе. Һәр кешенең биографиясенең кыска юллары артында авыр язмыш, аның гаиләсенең кайгысы һәм күз яшьләре, чынга ашмаслык хыяллары һәм өметләре.
Иртәнге салкыннар, агачларның матур төсләр белән бизәлеше, салмак җилдә яфракларның җиргә төшүе-үзе бер сихри могҗизага тиң. Югары Мәтәскә авыл клубында "Көзге урманга сәяхәт" дип аталган чара үтте. Мэктэп укучылары табигатькә чыгып ял иттелэр. Көзге урман балаларга бик ошады. Экскурсиядән балалар бик күп тәэсирләр һәм файдалы мәгьлүматлар алып өйләренә таралыштылар.
Язучының Ватан һәм дөнья әдәбиятына керткән күренекле өлешен исәпкә алып, Россия Федерациясе Президенты В.Путин «Ф. М. Достоевскийның 200 еллыгын бәйрәм итү турында»гы Указга кул куйды. Шул уңайдан Олы Мәтәскә авылы мәдәният хезмәткәрләре дә “Федор Михайлович Достоевский - бөек язучы, рус әдәбияты классигы” дип исемләнгән танып-белү сәгате уздырдылар. Бу чарада югары сыйныф укучылары катнаштылар. Китапханәче аларны язучының тормыш юлы, китаплары белән таныштырды. “Достоевский бүген – дөньяда рус авторларының иң күп цитаталы һәм тәрҗемәчеләреннән берсе. Аның сәнгать мирасы әдәбият белгечләре тарафыннан анализлана, заманча мәктәп укучылары һәм студентлар тарафыннан өйрәнелә, язучының әсәрләре буенча спектакльләр куялар, кинофильмнар төшерәләр” - дип тәмамлады ул сүзен.
Теләче районының яңадан торгызылуына 30 ел тулу уңаеннан Алан авылы мәдәният йортында китапханә белән берлектә “Моңнар агыла туган җирдә” дип исемләнгән иҗат фестивале үткәрелде.Фестиваль кысаларында районыбыз, авылыбыз тарихын яктыртучы китап күргәзмәләре, кул эшләре күргәзмәләре һәм концерт оештырылды.
Шул уңайдан Максабаш мәдәният хезмәткәрләре “Халык җәүһәрләре” исемле берләшмәгә йөрүче укучылар белән “Татарстан – дуслык иле, һәрбер милләт аның гөле” дип исемләнгән мәгълүмат сәгате үткәрделәр. Чара барышында балалар республикабызда яшәүче төрле милләт халыкларының яшәү рәвеше, теле, милли бәйрәмнәре белән таныштылар.