ЯҢАЛЫКЛАР

Элек–электән безнең татар халкына хас сыйфат бу. Нәкъ менә бердәмлек, татулык күп кенә авырлыкларны җиңеп чыгарга, дошманнарны җиңәргә мөмкинлек биргән. Нәкъ менә шушы бердәмлек безнең илебезнең тынычлыгына, мөстәкыйльлегенә китергән. Безнең республикабызда төрле милләт халыклары яши: татарлар, руслар, чувашлар, марилар, башкортлар. Барлык милләт кешеләре дә үзара дус яшиләр: бер-берләренә кунакка йөриләр, бергәләп күңел ачалар, бәйрәм итәләр.  Төрле милләт кешеләренең иң югары максатларга ирешү өчен берләшүе, Ватанга карата чиксез мәхәббәте һәм ватанпәрвәрлеге илебезгә тарих сынауларын җиңеп чыгарга ярдәм иткән. Шул уңайдан 3 ноябрь көнне Олы Мәтәскә авылы мәдәният хезмәткәрләре  “Бердәмлек белән көчле без ” дип исемләнгән танып белү сәгате уздырдылар.  Чарада авыл яшьләре  катнаштылар, алар  бәйрәм тарихы  белән таныштылар.

Әлеге дата уңаеннан Урта Мишә авыл китапханәсендә клуб белән бергә “Без- көчле, без- бердәм” дип исемләнгән мәгълүмат сәгате үткәрелде. Әлеге чарада укучылар Халыклар бердәмлеге көненең нилектән барлыкка килүе белән таныштылар. Шулай ук дуслык темасына багышланган мәкальләрне аерым сүзләрдән җыйдылар. Бу көн илебез тарихына хөрмәт белдерү һәм аның данлыклы традицияләрен дәвам иттерүнең бер күркәм билгесе.

Ул безне бердәм булырга, ата-бабаларыбызның каһарманлыгын хөрмәт итәргә өйрәтә. Бу көн - илебез тарихына хөрмәт белдерү һәм аның данлыклы традицияләрен дәвам иттерүнең бер билгесе. Ул тынычлык, иминлек, бәйсезлек өчен бердәмлек символын чагылдыра. 4 нче ноябрь көнне Югары Кибәхуҗа авыл китапханәчесе берләшмәгә йөрүче укучылар белән “Татулыкка ни җитә” дип исемләнгән тәрбия сәгате үткәрде.

Ләкин яхшы үткәрелгән каникуллар – диванда яки компьютер экраннары артында түгел. Иң яхшы ял – ул яңа тәэсирләр. Шуны истә тотып Олы Мишә авыл китапханәсе балалар өчен “көзге” күңелле һәм танып белү сәгатьләре үткәрде, аларның һәркайсы яшь укучыларның күңелен ачуга гына түгел, ә бәлки аларга ниндидер яңа, файдалы нәрсәләр белергә, нәрсәгәдер өйрәнергә мөмкинлек бирүгә юнәлдерелгән иде. Каникулда китапханәнең яшь укучылары белән беррәттән, үсмерләр белән дә эш алып барылды. «Китап замогы сере» исемле әдәби сәгатьләребездә катнашып, гаҗәеп китаплар дөньясына сәяхәт итү мөмкинлеге туды, анда һәркемгә рәссам, әкиятче һәм супер Эрудит ролендә булу мөмкинлеге бирелде.

Күргәзмәдә тәкъдим ителгән басмалар балаларда юлда үз-үзеңне тоту кагыйдәләре, юл билгеләре турында белемнәр формалаштыруга ярдәм итә, аларны йөртүчеләргә генә түгел, җәяүлеләргә дә белергә кирәк. Китапханәче яшь укучыларны җәяүлеләр, пассажирлар һәм велосипедчылар өчен кагыйдәләр белән таныштырды, балаларга юл хәрәкәте кагыйдәләре һәм юл билгеләре турында сөйләүче кызыклы һәм файдалы китаплар табарга булышты. Балалар шулай ук «Угадай транспорт» викторинасында үз белемнәрен тикшерделәр.

16 ноябрь көнне Зеленодольск районының Осиново авылында тренер В.Е. Белоусова, педагог А. Р. Шәйхетдинов һәм ата-аналар ярдәмендә, балалар  кул көрәше буенча республика фестивалендә катнаштылар.

Шул уңайдан район балалар китапханәсендә Теләче урта мәктәбенең уртанчы сыйныф укучылары белән «Толерантлык – тынычлыкка юл» дип исемләнгән аралашу сәгате булып узды. Бер – береңә карата түзем булу – бүгенге көндә иң җитеп бетмәгән әйберләрнең берсе.

Бүген, 15 ноябрь көнне, Баландыш төп мәктәбенең 5-9нчы сыйныф укучылары  сыйныф җитәкчелэре белән Казанда "Рәсәй-минем тарихым" дип исемләнгән тарихи паркка сәяхәт кылдылар. Алар үзләре өчен күп кызыклы тарихи мәгълүмат туплап кайттылар. Оештыручыларга зур рәхмәтлебез.

Ел саен ноябрьнең өченче якшәмбесендә үткәрелә торган Бөтендөнья юл-транспорт һәлакәтләре корбаннарын искә алу көне уңаеннан,Теләче 3нче номерлы балалар бакчасында мәктәпкә әзерлек төркемендә тәрбияләнүчеләрнең ата-аналары белән юл-транспорт һәлакәтләрен профилактикалау һәм юл хәрәкәте кагыйдәләре буенча әңгәмә үткәрелде.

Балаларның хокукый белемнәрен киңәйтү, бурычларны да, хокукларны да тормышта дөрес итеп кулланырга, бер-берсен хөрмәт итәргә, кеше хокукларын бозмаска өйрәтү максатыннан оештырылды. Бала хокуклары турындагы Конвенция белән танышканнан соң, укучылар төрле биремнәр эшләделәр, сорауларга җавап эзләделәр. Бурыч, вазифа, хокук кебек  төшенчәләрнең нәрсә аңлатканы турында фикер алыштылар, тормышта очрый торган  авыр ситуацияләрдән чыгу юлларын уйладылар. Иң соңыннан викторинада катнашып, белемнәрен тикшереп карадылар. Балалар китапханәдән киләчәктә үзләре өчен кирәк булачак файдалы мәгълүмат алып киттеләр.