ЯҢАЛЫКЛАР

6 нчы августан  20 нче августка кадәр балаларның һәм яшьләрнең төбәкара  иҗат форумы "Тартария"- ике атналык җәйге смена “ Заречье” ял лагеренда  үткәрелде. Балаларның һәм яшьләрнең төбәкара  иҗат форумы “ Тартария”дә Теләче урта мәктәбе укучылары  А. Нуруллина,  А. Титоренко  Һәм Югары Кибәхуҗа  урта мәктәбе  укучысы   Л. Мөхәмәтҗанова  катнашып кайттылар.  Катнашучылар бай эчтәлекле 14 көн буена ял иттеләр.  Балалар татар һәм иңглиз телләрен өйрэнү курсларында, иң танылган артистлар һәм популяр блогерлар, үз масштаб проектларын төзүче экспертлар белән очрашуларда булдылар. Татарстан Республикасы  Премьер-министры  урынбасары -  Мәгариф һәм фән  министры  Рафис  Борханов  белән дә очраштылар. Укучылар мәктәп программасы кысаларыннан чыга торган яңа һәм кызыклы чаралар белән таныштылар, ял иттеләр.

22 нче август илебездә Россия Федерациясе дәүләт флагы көне буларак билгеләп үтелә. Бу дәүләт символының тарихын өйрәнү укучыларда патриотизм хисе тәрбияләүдә зур роль уйный.
Шушы датаны бәйрәм итү кысаларында Олы Нырсы урта мәктәбендә 
«Россия киңлекләрендә» исемле рәсем күргәзмәсе оештырыла. Укучылар «Россия гербы» исеме астында  үтеләчәк сыйныфтантыш чарага әзерләнәләр. Бу чараның бурычы:  укучыларның  тарихи белемнәрен киңәйтү; дәүләт символларын у һәм Россия Федерациясе гимнын популярлаштыру; ватанпәрвәрлек тәрбияләү.

29 августта Россия Федерациясенең Мәгариф министры О.Ю.Васильева укучыларның ата-аналары белән очрашу уздырачак. Очрашу турыдан-туры әңгәмә һәм видеоконференция формасында булачак. Сорауларны http://edu.gov.ru/oDc-view сайтына җибәрергә мөмкин. Аеруча кискен сораулар җыелышның көн тәртибенә кертеләчәк.

Укучылар кием өлгеләре сызалар, шул ук вакытта бию элементларын да кабатлап алырга өлгерәләр.

Катнашучыларга әйләнә-тирә мохитнең  матурлыгын  кәгазь битенә тошерергә тәкъдим ителде.

Балалар конкурска  җаваплы карадылар.Һәрберсе сюжетлар уйлап, аннары  аларны карандашлар һәм фломастерлар  ярдәмендә буяп эшен бетерделәр. Һәрбер эш үзенең эчтәлеге буенча кызыклы, хайваннар һәм үсемлекләрне чагылдырган  тулы бер күренешләр иде.Бу конкурс балаларның тирә-юньгә булган мөнәсәбәтен чагылдырды.

Ватаныбызны сакларга илебез халкы бердәм –олысы да,кечесе дә күтәрелә.Бөек Ватан сугышы тарихында Курск шәһәре чолганышы турындагы белемнәрне тирәнәйтү максатыннан, Алан авылы китапханәсендә “Хәтер мәңгелек...”дип исемләнгән күргәзмә оештырылды һәм китапханә дәресе үткәрелде.

Ямбулат авылы  китапханәчесе Шакурова Г.М.өлкәннәрнең өйләренә барып, аларны  газета - журналлар белән  таныштыруга зур игътибар бирә. Өлкәннәр янына баргач, китаплар биреп кенә калмыйча, төрле темага кагылышлы әңгәмәләр дә  үткәрә.

Ярышта 7 команда көч сынашты.

    Мәдәният хезмәткәрләре ярышны оештыруда һәм  уздыруда актив катнаштылар.

2018 елның 15 август көнендә Субаш авылында яшәүче Боек Ватан сугышы ветераны Егоров Иван Иван улына 95 яшь тулды. Шул уңайдан Иван абыйга Россия  Президенты Владимир Путинның, Теләче муниципаль район башлыгының тәбрикләмәсе тапшырылды, шулай ук Айдар авыл җирлеге башлыгы исеменнән дә котлау сүзләре җиткерелде.

Алдагы тормышында да без аңа саулык hәм аяз, тыныч күк йозе теләп калабыз.

17 август көнне Казаклар авылы китапханәсендә, якташыбыз, шәркыять һәм исламият белгече Равил Үтәбай – Кәриминең тууына - 85 ел тулу уңаеннан “Дин галиме итеп күргән халкың, фән имамы дип тә сине белә” дип исемләнгән тематик кичә үткәрелде. Бу кичәгә Уфадан Равил Үтәбай – Кәриминең кызы, оныгы, “Татар мөселман календаре”н төзүче автор һәм гамәлгә куючы  Фәния Хуҗахмәт  кунак булып кайттылар. Шулай ук кичәдә  китапханәчеләр, татар теле укытучылары да катнашты.

Кичә барышында Равил Үтәбай – Кәримигә багышланган күп хатирә – истәлекләр  яңартылды, һәм  презентация күрсәтелде.

Кичә эчкерсез, җылы рухта, бер тында үтте. Кичәдән алган якты тәэсирләр, җылы хисләр күңелләрдә озак сакланыр.