ЯҢАЛЫКЛАР
Казаклар авылы китапханәчесе “Хыялый балачак” берләшмәсе кысаларында "Дару үләннәре һәм безнең сәламәтлегебез" дип исемләнгән экологик сәгать үткәрде . Әлеге чараның максаты - балаларның үләннәргә карата кызыксынуын арттыру, дару үсемлекләренең әhәмияте турында белемнәрен тирәнәйтү, экологик культура тәрбияләү иде.
Рәдиф Сәгъди –китап укучыларга театр прозаигы, драматург буларак яхшы таныш. Аның повестьлары һәм романнары, күпсанлы әкиятләре, публицистик мәкаләләре журнал һәм китаплар битләрендә дөнья күрде. Рәдиф Сәгъди балалар өчен дә, яшүсмерләр өчен дә әсәрләр иҗат итә. Аның повестьлары, әкият-пьесалары буенча куелган спектакльләр К. Тинчурин исемендәге театрда һәм Россиянең башка төбәкләрендә куела.
16 июльдэ Мамадыш муниципаль районы, Жөри авылында кряшеннәрнен XXIV республикакуләм "Питрау" бәйрәме булып узды. Субаш авылы клубы каршында эшләп килүче "Нардуган" халык фольклор ансамбле фестивальдә катнашып диплом белән буләкләнде.
Максабаш авылы мәдәният хезмәткәрләре юл йөрү кагыйдәләре буенча «Юлда - һәр көн имтихан» дип исемләнгән квест-уен үткәрделәр. Көн саен безнең юлларда автомобильләр саны арта бара. Юл хәрәкәте кагыйдәләрен машина йөртүчеләр генә түгел, җәяүлеләр дә белергә һәм төгәл үтәргә тиеш. Чара барышында балалар моңа инандылар. Табышмаклар, ребуслар чиштеләр, зур кызыксыну белән юл билгеләрен өйрәнделәр.
Югары тизлек, хәрәкәтнең күп булуы машина йөртүчеләрдән һәм җәяүлеләрдән игътибарлы булуны сорый. Тәртип, саклык һәм машина йөртүчеләр һәм җәяүлеләр тарафыннан юл хәрәкәте кагыйдәләрен үтәү - урамда куркынычсыз хәрәкәтнең нигезе. Җәйге каникуллар вакытында укучыларның юл хәрәкәте кагыйдәләрен белү мәсьәләсе аеруча актуаль. Урта Мишә авылы мәдәният хезмәткәрләре укучылар өчен “Көнен-төнен армый-талмый юлларны күзәтә светофор” исемле танып-белү уены үткәрделәр. “Светофор” һәм “Автомобиль” командаларына бүленеп, 5 этаптан торган викторина сорауларына җаваплар таптылар. Үткәрелгән викторина нәтиҗәләре буенча безнең укучылар креатив гына түгел, ә юл хәрәкәте кагыйдәләрен һәм беренче медицина ярдәме күрсәтү нигезләрен дә яхшы белә, дигән нәтиҗә ясадык. Уен – викторинада дуслык җиңде. Соңыннан балаларга тәм-томнар таратылды.
Иске Җөри авыл китапханәсендә китапханәчеләр җитәкчелегендә балалар өчен саф һавада «Летом некогда скучать, будем прыгать и играть” дип исемләнгән хәрәкәтчән уеннар узды. Балалар төрле уеннарда һәм күңелле эстафеталарда катнаштылар. Саф һавада уйнау балаларга үзләрен сынарга мөмкинчелек бирә, командада эшләргә өйрәтә. Чара ахырында барлык балалар да призлар белән бүләкләнде.
Шул уңайдан Теләче үзәк китапханәсе хезмәткәрләре мәктәп яны лагерена йөрүче балалар белән “Җәй китап белән ямьле" дигән библиографик дәрес үткәрделәр. Балалар үзләренә ошаган китапларны сайлап укыдылар, бер-берсе белән укыган әсәрләре буенча фикер алыштылар.
Теләче мәктәп яны лагеренә йөрүче балалар өчен балалар китапханәсе хезмәткәрләре "Китап битендә кояш нуры" дип исемләнгән әдәби уен үткәрделәр. Чарада катнашучылар балалар язучыларының көлкеле хикәяләрен тыңладылар һәм иллюстрацияләр карадылар. Балалар "Геройны әйт" уенында катнаштылар.
Әмма глобаль челтәрдә куркынычсызлык бар кешегә дә кагыла. Балалар һәм өлкәннәр дә интернетның куркыныч яклары да бар икәнен истән чыгармаска тиешләр. 2022 ел Татарстанда - Цифрлаштыру елы уңаеннан, Айдар авыл китапханәсе мәдәният йорты белән берлектә мәктәп укучылары өчен «Интернет челтәрендә иминлек нигезләре» исемле әңгәмә үткәрде. Балалар Интернет челтәрендә үз-үзеңне тотуның төп кагыйдәләре белән таныштылар, виртуаль киңлектә нинди мәгълүматларны таратырга ярамаганлыгын, мошенниклардан ничек сакланырга, үз компьютерыңны вируслардан ничек сакларга, күңелсез мәгълүмат белән очрашудан ничек котылырга кирәклеген белделәр. Чара азагында балаларга Интернет ресурслары белән эшләү кагыйдәләре турында буклетлар тапшырылды.
Сүз законны өйрәнү, законга хөрмәт белән карау, җәмәгать урыннарында үзеңне тоту, җаваплылык турында барды. Әлеге чараның максаты – балалар арасында әхлакый нормалар, тәртип, этикет кагыйдәләрен тагын бер кат искә төшерү, аларга нигезләнеп яшәү кирәклеген ныгыту иде. Итагатьлелек, тәртип кебек сыйфатлар яшәвебезне уңайлырак, куркынычсызрак итә, кагыйдәләрне белгән кеше һәртөрле ситуациядән низагларсыз чыга ала, кискен хәлләрне йомшарту юлларын белә.