ЯҢАЛЫКЛАР
Олы юбилей алдыннан илебез башлыгы Указы нигезендә сугыш һәм тыл ветераннарына юбилей медальләрен тапшыру бара. Бу чара Баландыш авыл җирлегендә 27 нче февраль көнне узды. Районыбыз һәм авылыбыз җитәкчелеге, мәдәният хезмәткәрләре катнашындагы делегация Баландыш авылында яшәүче тыл ветераннарының өйләрендә булып, "1941-1945 нче еллардагы Бөек Ватан сугышында Җиңүнең 75 еллыгы" юбилей медален һәм истәлекле бүләкләр тапшырып, хәлләрен белеп кайттылар.
27 февраль көнне, Балыклы авылы мәдәният йортында, Алан авылы күчмә китапханәсе белән берлектә, ТАССРның 100 еллыгы уңаеннан “Туган ягыбызның күренекле кешеләре” дип исемләнгән әдәби сәгать үткәрелде. Балаларга республикабызның төзелүе, аның үткәне һәм бүгенге көнгә кадәр үсеше, җитәкчеләре, гореф-гадәтләре, йолалары, көнкүреше турында мәгълүмат бирелде. Чара барышында балалар шулай ук, туган ягыбыз язучыларының китапларыннан торган күргәзмә белән таныштылар, күренекле кешеләребез турында әңгәмәгә теләп катнаштылар, темага кагылышлы шигырьләр сөйләнде, әдәби викторина сорауларына да төгәл җаваплар бирделәр.
2020 елның 28 феврале көнне Олы Нырсы авыл җирлегенәкергән тыл хезмәтчәннәренә, сугыш чорында тол калган хатын-кызларга җиңүнең 75-еллыгына багышланган медалләрне тапшыру тантанасы булып узды. Бүгенге көндә Нырсы авыл җирлегенә кергән авылларда 13 тыл ветераны яши. Алар барсы да балалары белән бергә гомер кичерәләр. Медалләрне тапшыру тантанасына районнан район газ хуҗалыгы җитәкчесе Хаҗиев Р.М., Олы Нырсы авыл җирлеге башлыгы Гыйниятов Р.М. hәм авыл җирлеге белгечләре катнашты. Ветераннарнын ойләренә йергәндә шулай ук аларның яшәү шартлары белән танышылды, булган сораулары, тәкъдимнәре теркәп барылды. Бәйрәм хисләре булганга дырмы ветераннарыбыз күтәренке күңел белән каршы алдылар, җитәкчеләргә, хөкүмәтебезгә рәхмәт әйтеп озатып калдылар.Олы Нырсы авыл җирлегендә юбилей медалләрен тапшыру оешкан төстә үтте.
Урта Мишә авыл китапханәсе "Әдәби полк" исемле челтәрле акциядә катнашты һәм диплом белән бүләкләнде.
Сугыш тәмамлануны санаучы еллар саны арткан саен, арабызда әлеге Бөек Җиңүне якынайткан сугыш ветераннары, тыл ветераннары саны кими бара. Олы юбилей алдыннан илебез башлыгы Указы нигезендә сугыш һәм тыл ветераннарына юбилей медальләрен тапшыру бара. Бу чара Баландыш авыл җирлегендә 27 нче февраль көнне узды. Районыбыз һәм авылыбыз җитәкчелеге, мәдәният хезмәткәрләре катнашындагы делегация Баландыш авылында яшәүче тыл ветераннарының өйләрендә булып, "1941-1945 нче еллардагы Бөек Ватан сугышында Җиңүнең 75 еллыгы" юбилей медален һәм истәлекле бүләкләр тапшырып, хәлләрен белеп кайттылар.
2020 нче елның 22 нче феврале көнне Теләче муниципаль районы башкарма комитет җитәкчесе Хәҗипов Нәҗип Нәкыйпович, Шәтке авыл җирлегендә тыл хезмәтчәннәренә һәм Бөек Ватан сугышында катнашучыларның тол хатыннарына “1941-1945 нче еллардагы Бөек Ватан сугышында җиңүгә 75 ел” юбилей медальләрен тапшырды. Медальне тапшыру тантансында район башкарма комитет җитәкчесе урынбасары Гиниятуллин Д.С., район социаль яклау үзәге җитәкчесе Галимова Ф.М. һәм Шәтке авыл җирлеге башлыгы Кадыйров Ф.Г. катнашты.
Ямбулат авылы китапханәсе «Көчле рухлылар: разведчиклар һәм партизаннар турында китаплар укыйбыз» Бөтенроссия акциясенә кушылды.
27 февраль көнне район башкарма комитеты җитәкчесе Нәҗип Хаҗипов Үзәк, Шармыш, Сауш, Шәтке авылында яшәүче тыл хезмәтчәннәренә һәм Субаш авылыннан сугыш ветераны Иван Егоровка "1941-1945 еллардагы Бөек Ватан сугышында Җиңүгә 75 ел" юбилей медальларне тапшырды.
Һәр халыкның – үз тарихы, үз гореф-гадәтләре , үз теле. Һәркемгә туган телен саклау, аны киләчәк буынга исән-имин җиткерү максаты мөһим булырга тиеш. Шул максаттан , 21 февраль көнне Максабаш авылы мэдэният йортында , китапханэче белән берлектә “Ак калфак” татар хатын-кызлар оешмасы кызлары белән “И , газиз ана телем” дип исемләнгән тематик чара уздырылды.Чара ахырында “Туган тел ” җыры башкарылды.
Бөек җиңүнең 75 еллыгы алдыннан 27 февраль көнне Үзәк авыл җирлегендә тыл хезмәтчәннәренә һәм Бөек Ватан сугышында катнашучыларның тол хатыннарына «1941-1945 еллардагы Бөек Ватан сугышында җиңүгә 75 ел» юбилей медальләре тапшырылды. Аны район Башкарма комитеты җитәкчесе Н.Н.Хаҗипов, Теләче муниципаль районы башлыгының социаль мәсьәләләр буенча урынбасары Д.С.Гыйниятуллин, халыкны социаль яклау бүлеге начальнигы Ф. М. Галимова, Үзәк авыл җирлеге Башлыгы В. Н. Котников һәм авыл җирлегенең хәрби-исәп хезмәткәре Г. Р. Гарипова үткәрделәр.