ЯҢАЛЫКЛАР
23-25 гыйнварь көннәрендә Казан шәһәренең Идел буе физик культура, спорт һәм туризм дәүләт университетында россия куләмендә физик культура буенча олимпиада уткәрелде. Олы Нырсы урта мэктэбенең 9 сыйныф укучысы Гаязов Азамат әлеге олимпиада да катнашып мини-футбол буенча 1 урын, волейбол буенча 2 урынга лаек булды. Общий баллар буенча Россия командалары арасында 5 урында. Килэчэктэ дэ зур унышлар телибез.
23 гыйнвар көнне Иске Җөри авыл модель китапханәсе китапханәчеләре Иске Җөри балалар бакчасы тәрбиячеләре белән берлектә, «Кызыл китап битләре буйлап сәяхәт» дигән тема буенча экологик әңгәмә үткәрделәр. Экологик әңгәмә-югалып баручы үсемлекләр һәм хайваннар дөньясы, аларның катлаулы язмышы турында белү, планетабызның биологик төрлелеген саклау һәм һәрберебезнең нәрсә эшли алуын аңлау өчен уникаль мөмкинлек ул. Чара барышында викторина сорауларына һәм хайваннар турындагы табышмакларга җавап биреп, балалар бик күп яңа һәм кызыклы мәгълүмат белделәр. Китап-иллюстратив күргәзмәдә тәкъдим ителгән әдәбият һәм хайваннарның төсле фотосурәтләре балаларга сорауларга җавап бирергә ярдәм итте.
Чара башында китапханәче язучының тормыш юлы һәм иҗаты турында җентекләп сөйләде. Сатирик язучының иҗаты күптөрле, әмма аның гаять зур мирасы арасында олылар да, балалар да яратып укый торган мавыктыргыч әкиятләре аеруча популяр. Әдип үзенең әкиятләрендә халыкның талантлы булуын күрсәтә. Аларда хезмәт ияләре хисабына яшәүчеләргә карата нәфрәт, акыл һәм гаделлек җиңеп чыгуына ышаныч чагыла. Презентация беркемне дә битараф калдырмаган «Повесть о том, как один мужик двух генералов прокормил» әкияте турында фикер алышып узды. Һәркем үз фикерен әйтте.
Һәр яшьтәге кешенең үзенең яраткан китап дөньясы: үзенең әдәби зәвыклары, кызыксынулары, темалары бар. 15 гыйнвар көнне китапханә хезмәткәрләре яшь укучыларга яңа китаплар дөньясына чумарга тәкъдим иттеләр һәм «Исәнме, мин яңа китап!» дип исемләнгән китап-иллюстратив күргәзмәгә күзәтү ясадылар. Китапханәчеләр китапханәгә килгән яңа әдәбият турында сөйләделәр.
Ләкин чынлыкта исә, бу - кул эшенең иске төре. Келәм чигүе - гадәти булмаган келәмнәр, салфеткалар чигәргә мөмкинлек бирә торган алым. Кул эшенең мондый төре киң таралган һәм гадәти булмаган пледлар, мендәрләр, келәмнәр, пәрдәләр ясау өчен кулланыла. Шулай ук келәм чигүне тыгыз тукымадан эшләнгән һәм шундый чигү техникасында табыла торган күләмле элмәкләр белән яхшы ярашкан кием бизәү өчен кулланалар. Күкчә авыл китапханәсендә келәм чигүе буенча мастер-класс үткәрелде. Мастер-класска килүчеләр энә тотарга, тукымага рәсемне күчереп, картиналар чигәргә өйрәнделәр.
Теләче үзәк китапханәсе #"ТукайныБергәләпУкыйбыз" республикакүләм проектын дәвам итеп, 22 гыйнвар көнне “Тукай мирасы” китап укучылар клубы белән очрашу уздырды. Әлеге чарада Габдулла Тукайның “Кышкы кич” шигыре укылды һәм аның тирән мәгънәсе турында фикер алышынды. Очрашу барышында катнашучылар шагыйрьнең тормыш юлы һәм иҗаты белән танышып, аның әсәрләренең рухи кыйммәтләре турында җылы сүзләр әйттеләр. Бу очрашу Тукай иҗатын тагын да якынрак белергә һәм аның мирасына хөрмәт белән карарга мөмкинлек бирде.
Теләче үзәк китапханәсе #"ТукайныБергәләпУкыйбыз" республикакүләм проектын дәвам итеп, 22 гыйнвар көнне “Тукай мирасы” китап укучылар клубы белән очрашу уздырды. Әлеге чарада Габдулла Тукайның “Кышкы кич” шигыре укылды һәм аның тирән мәгънәсе турында фикер алышынды. Очрашу барышында катнашучылар шагыйрьнең тормыш юлы һәм иҗаты белән танышып, аның әсәрләренең рухи кыйммәтләре турында җылы сүзләр әйттеләр. Бу очрашу Тукай иҗатын тагын да якынрак белергә һәм аның мирасына хөрмәт белән карарга мөмкинлек бирде.
Әдәби батлда иң актив һәм талантлы яшь укучылар ярышты. Чара Бөек татар шагыйре Габдулла Тукайның 140 еллыгы уңаеннан оештырылды. Әдәбият дөньясындагы дусларча ярыш укучыларга белемнәрен арттыру белән беррәттән онытылмас мизгелләр дә бүләк итте.
3 нче сыйныф укучысы Гайнетдинов Райнур Республика күләмендә үткәрелгән “Мин һәм Кызыл китап”дигән экология конкурсында катнашып, Грамота белән бүләкләнде, җитәкчесе Тимербайева Ф.М.-га Рәхмәт хаты тапшырылды. Котлыйбыз!
Балаларга кышлаучы кошлар турында мәгълүмат бирелде, җимлекләр ясалды. Ясалган җимлекләргә бөртекләр салып, агачка урнаштырылды. Кышлаучы кошларны ашату-кешелеклелек күрсәтүнең һәм яхшылыкның катлаулы булмаган һәм күңелле ысулы. Без балаларны шул рәвешле табигать ритмнары белән таныштырабыз, ә алар, кошларны күзәтеп һәм аларга ярдәм итеп, күп нәрсәгә - игелеккә, шәфкатьлелеккә, хезмәт сөючәнлеккә өйрәнәләр.