ЯҢАЛЫКЛАР
27 гыйнвар көнне Сауш авылы китапханәчесе Сәйфетдинова Р.М. Холокост корбаннарын искә алу көненә багышлап «Холокост: халык фаҗигасе» - дип исемләнгән хәтер сәгате үткәрде. Чара барышында китапханәче чарада катнашучыларны Холокост фаҗигасе белән бәйле төп төшенчәләр белән таныштырды. Чарага “Холокост: тарих, хәтер, язмышлар” исемле китап күргәзмәсе куелды, анда әлеге фаҗигале вакыйгалар турында сөйләүче китаплар тәкъдим ителде. Безнең бурычыбыз – һәлак булганнарны истә тоту, исән калганнарны хөрмәт итү һәм кешелекнең үзара аңлашуга һәм гаделлеккә омтылышын яклау һәм булдыру.
Холокост корбаннарын искә алу көненә багышлап, Айдар авыл китапханәсендә мәдәният йорты белән берлектә 7-9 класс укучылары өчен «Холокост! Буыннар хәтере» дип исемләнгән тематик сәгать уздырылды. Китапханәче чарада катнашучыларны Холокост фаҗигасе белән бәйле төп төшенчәләр белән таныштырды, фашизмның күпсанлы корбаннары, үлем лагерьларында күпләп юк ителгән яһүд халкын кыру турында сөйләде. Балалар сугыш вакытында халыкның ничек яшәгәнен, нинди кыенлыклар белән очрашырга туры килгәнен, лагерьларда олылар һәм балалар нинди коточкыч хәл кичергәнен белделәр. Безнең бурычыбыз – һәлак булганнарны истә тоту, исән калганнарны хөрмәт итү һәм кешелекнең үзара аңлашуга һәм гаделлеккә омтылышын яңадан раслау.
Без, кызганычка каршы, күп кешеләр өчен актуаль булып калган проблема-наркотиклар турында сөйләштек. Әңгәмә барышында китапханәче һәм клуб мөдире наркотик матдәләр куллануның куркынычлыгы, аларның кеше организмына ничек агрессив йогынты ясавы һәм тиз арада бәйлелек формалаштыруы турында сөйләделәр, шулай ук наркотиклар куллана башлау сәбәпләре турында фикер алыштык.
Аларның чакыруын Кече Кибәхуҗа төп гомуми белем бирү мәктәбе базасындагы «Балалар иҗат үзәге”нең «Стиль һәм мода» түгәрәгенә йөрүче балалар хуплап алдылар. Шаипова Раъно Исам кызы җитәкчелегендә балалар госпиталь өчен йөзләп мендәр тегеп, күңелләренең бер өлешен салдылар.
Холокост – нацистлар тарафыннан Европада яшәгән яһүдләрне күпләп юк итүне чагылдыган термин булып санала. Шул уңайдан 27 гыйнвар көнне Максабаш авылы мәдәният хезмәткәрләре "Фаҗига кабатланырга тиеш түгел” дигән исем астында тематик сәгать үткәрделәр. Алар яшьләрне Холокост фаҗигасе белән бәйле төп төшенчәләр белән таныштырдылар. Кызганыч статистика күрсәткәнчә, Освенцим миллион ярымнан да ким булмаган гаепсез кешеләрне, шул исәптән хатын-кызлар һәм кечкенә балаларны һәлак иткән. Кайгылы бәйрәм көне Холокост корбаннары турында онытырга мөмкинлек бирми һәм бөтен дөнья гражданнарына аларны искә алу мөмкинлеге бирә.
27 гыйнвар көнне, Алан урта гомуми белем бирү мәктәбе укучылары өчен XX гасыр тарихының ике фаҗигале һәм онытылмаслык вакыйгалары— Холокост корбаннарын искә алу һәм Ленинград блокадасына багышланган тирән мәгънәле һәм бик әһәмиятле патриотик чара узды. 27 гыйнварның бу вакыйгалары- тиңдәшсез рәхимсезлек һәм бөек батырлык символына әверелделәр. Өлкән сыйныф укучылары блокада көндәлекләре һәм хатларын уку аша, шул чор кешеләренең аяныч һәм куркыныч язмышлары белән таныштылар һәм фикер алыштылар. Безнең бурычыбыз - балалар белән мондый очрашуларны тарихи даталарны искә төшерү уңаеннан гына түгел, ә кисәтү буларак та үткәрү. Очрашу миллионлаган һәлак булучылар истәлегенә бер минут тынлык белән тәмамланды.
21 нче гыйнвар көнне Теләче урта мәктәбенең мәктәп паркында «Күрше» гранты проекты кысаларында Балалар иҗат үзәге коллективы «Бергә җылынабыз» дигән масштаблы күңел ачу-спорт уены уздырды. Чарага чын кышкы адреналинга әзер сигез яшьләр һәм сигез гаилә командасы җыелды.
Балалар Ленинград чолганышының иң фаҗигале бите – шәһәрне фашист илбасарлары камап алуы белән таныштылар, камалышта калган шәһәрдә көндәлек алып барып, үзләреннән киләчәк буынга шул дәһшәтле еллар турында истәлек калдырган ике кыз - Таня Савичева белән Тана Вассоевич турында белделәр. Чолганыш вакытында һәлак булган балалар һәм яшүсмерләргә багышланган «Тормыш чәчәге» монументы һәм «Тормыш юлы» башланган урында Ладога ярында урнашкан «Өзелгән боҗра» мемориалы – Ленинградны олы җир белән тоташтыручы бозлы күл буенча узучы куркыныч трасса турында хикәя тыңладылар. Шулай ук, шушы чарада катнашучы малайлар ленинградлылар күкрәгендә балкучы кечкенә калай значок «Блокада карлыгачы» турында ишеттеләр.
2026 елның 23-26 гыйнварь көннәрендә Казан шәһәрендә Физик культура буенча республика олимпиадасының йомгаклау этабы узды. Теләче урта мәктәбенең 6 сыйныф укучысы Гиниятов Әмир, 8 сыйныф укучысы Галимова Нәфисә призер булдылар (җитәкчеләре Хәкимов Рафил Рефат улы).
2026 елның 12-17 гыйнварында Казан шәһәрендә Татарстан Республикасы гомуми белем бирү оешмаларының 8-11 сыйныф укучылары арасында биология фәне буенча укучылар олимпиадасының төбәк этабы узды. «Үзәк урта гомуми белем бирү мәктәбе» 9 сыйныф укучысы Давлетшин Рүзәл биология фәнебуенча республика олимпиадасы призеры булды. Призерны Узәк урта мәктәбенең биология укытучысы Николаев Анатолий Владимирович әзерләде. Призерны һәм укытучыны югары результат белән котлыйбыз һәм аларга алга таба уңышлар һәм яңа казанышлар телибез!