ЯҢАЛЫКЛАР
Олы Мишә урта мәктәбе укучылары кышкы, матур көннәрнең кадерен белеп калырга тырышалар. Балаларның сәламәтлекләрен ныгыту максатыннан, физик тәрбия дәресләре саф һавада уза. Укучылар чаңгы шуалар, хәрәкәтле уеннар уйныйлар. Район күләмендә узган чаңгы ярышларында катнашыбыз.
11 нче январь – Заповедниклар һәм милли парклар , табигатьне саклау көне буларак билгеләп үтелә. Теләче урта мәктәбендә Заповедниклар һәм милли паркларны көне уңаеннан , табигатьне саклауга багышланган дәресләр үткәрелде. Бу бәйрәм 1997 нче елдан башлап билгеләп үтелә. Табигатьне саклау- һәркемнең изге бурычы. Табигать ул – безнең туган йортыбыз, табигатебезне саклыйк!
Укучылар сәламәт яшәү зарурлыгын аңлауга ирешү йөзеннән, кышкы табигатькә чыктылар, тауда чана - чаңгы шудылар, һәм кызыклы уеннар уйнадылар, саф һава суладылар. Сәяхәт барысына да бик ошады.
2020 нче елның 12 нче гыйнварында Баландыш авылында ир-ат командалары арасында Баландыш авыл җирлеге башлыгы кубогына хоккей турниры үткәрелде.
Ярыш нәтиҗәләре буенча:
1 урынны «Тиләҗе " командасы яулады»
2 урын - "Айдар" командасы»
3 урын - «Иске Җөри " командасы»
4 урын-Баландыш командасы»
Бүген Баландыш авылында искечә Яңа елны каршылау бәйрәме үтте. Бәйрәм чарасына авыл халкы гына түгел, районыбыз авылларыннан да бик күп кунаклар килгән иде. Теләче муниципаль районы Башкарма комитеты җитәкчесе Хаҗипов Нәҗип Нәкыйп улы барлык халыкны Яна еллар белән котлап, эшләрендә, тормышларында бары изге теләкләр теләде. Матур җырлар , дәртле биюләр , кызыклы уеннар белән үрелеп барган чарада актив катнашучылар бүләкләрсез калмады. Балалар тауда шуды.Хоккей мәйданчыгы да гөрләп торды. Теләгән кеше кайнар чәй, тәмле коймактан авыз итте. Барлык халыкның күңеле шат иде, йөзләре елмаюдан балкыды.
Укучыларның кышкы каникулларын файдалы итеп үткәрү максатыннан Иске Җөри авылы китапханәсендә китап укучы балалар белән "Китап иленә Яңа ел килә!" дигән чара үткәрелде. Бәйрәмдә кызыклы уеннар уйналды, балалар төрле ярышларда катнашып бүләкләр алдылар. Чара ахырында узган күңелле дискотека укучыларның күңеленә хуш килде. Һәр бала киләчәк елның тыныч булуын һәм барлык хыялларының тормышка ашуына өметләнеп, китапханәдән яңа мәгълүматлар һәм каникулда укыр өчен китаплар алып өйләренә таралды.
2020 елның 11 гыйнварында Теләче чаңгы базасында Теләче муниципаль районының гомуми белем бирү мәктәпләре, оешмалары, предприятиеләре, учреждениеләре һәм авыл җирлекләре командалары арасында ТАССР төзелүнең 100 еллыгына багышланган чаңгы ярышлары узды.
Балалар китапханәче ярдәме белән Кыш Бабай битлекләре ясадылар. Ә соңыннан китапханәче Хазипова Ф. А. балаларга Александр Слащевның «Кыш Бабай ничек барлыкка килде? » әкиятен укыды һәм Россия Кыш бабаеның ничек барлыкка килүе, аны башка илләрдә ничек атаулары турында сөйләде. Балалар Кыш бабай турында табышмаклар чиштеләр, шигырьләр сөйләделәр.
Яңа ел-кул эшләре өчен иң кулай вакыт. Һәркем өйне Яңа ел бәйрәмнәре алдыннан үзенчә бизи, әмма соңгы вакытта үз куллары белән ясалган бизәү әйберләре көннән-көн арта бара.
Ап –ак карлары, салкын бураннары белән җиһанга кыш килде. Яңа гына явып киткән энҗе кар бөртекләре күзләрне чагылдыра. Аксыл- зәңгәр күктә кояш елмая... Кышның да үз матурлыгы, гүзәллеге бар шул. 3 январь көнне, Айдар авыл китапханәсендә «Кышкы бизәкләр» дип исемләнгән иҗат сәгате узды. Балалар кышның ямьле мизгелләрен альбом битләренә күчерделәр. Рәсем ясаган арада укучылар кыш турындагы табышмакларга җаваплар бирделәр. Бу чара аларда күтәренке кәеф тудыра һәм кышкы табигатьнең матурлыгына соклану уята.