ЯҢАЛЫКЛАР

Министерство экономики Республики Татарстан сообщает, что в целях развития женского предпринимательства в Республике Татарстан планируется реализация федерального образовательного проекта «Мама – предприниматель». Проект разработан специально для женщин, находящихся в декретном отпуске, матерей несовершеннолетних детей, а также женщин, состоящих на учете в службе занятости.

 Ял көннәрендә Теләче районында   Сабантуй бәйрәмнәре  гөрләде.Барлык Теләче халкы һәм  килгән кунаклар рәхәтләнеп Сабантуй мәйданында күңел ачтылар: җырладылар , биеделәр,төрле ярышларда катнаштылар,яраткан эстрада йолдызларын тыңладылар.

   Бу милли бәйрәмгә иң сөенгәне балалар булгандыр мөгаен,чөнки аларга  күңелен ачар өчен бөтен шартлар тудырылган иде : батутта сикерү,төрле тәм –томнар сату,кызыклы уеннар.

   Сабантуй -2018 Теләчедә бик матур оештырылган  иде һәм күңелле  узды.

16  нче июнь көнне  Теләче авылы үзәк мәйданында    Сабантуй бәйрәме гөрләп узды.  Яше –карты , бала-чагасы барысы да бәйрәмгә бик ныклап әзерләнеп килгән иде.  Балаларның, яшьләрнең күмәк чыгышлары бәйрәмнең бизәге булды. Милли бәйрәм Сабантуй һәркемгә шатлык, куңел  күтәренкелеге бүләк итте.  Бәйрәм  белән, дуслар! Бахет, шатлыклар , сәламәтлек һәм тынычлык телибез!

14  нче  июнь  көнне   Теләче урта  мәктәбендә районыбызның   11 нче  сыйныф укучылары    җәмгыять белеменнән бердәм  дәүләт имтиханы  тапшырдылар.   Алда  сынаулар  дәвам итә. 18  нче июнь көнне  чыгарылыш сыйныф укучылары биология фәненнән,  20 нче июньдә  рус әдәбияты  һәм физика фәннәреннән  имтихан язачаклар.  Уңышлар телибез, балалар! Хаерле сәгатьтә булсын!

1 июньнән 15 июньгә кадәр әлеге бәйрәмгә әзерлек эшләре алып барылды. Шул уңайдан Теләче балалар китапханәсе хезмәткәрләре массовка өлешен оештыруда актив катнаштылар.

Теләче сәнгать мәктәбе коллективлары: “Карамелька бию торкеме”, “Мисолька” вокаль ансамбле һәм вокальный дуэт “Камиля – Ислам” үзләренең чыгышлары белән килгән кунакларны куандырдылалар. Бәйрәм ахырында балалар татлы күчтәнәчләрдән авыз иттеләр.

Күргәзмә һәр китап укучыга үзләренең хокукларын  һәм ирекләрен белергә генә тугел, яклый алырга дә өйрәтә. Күргәзмәдә тәкъдим ителгән әдәбият: «Основы права», «Правоохранительные органы», «Право социального обеспечения», «Уголовное право», «Основы права человека», «Семейный кодекс РФ» һ.б.

Балалар әдәплелек иленә кечкенә генә сәяхәт кылдылар, нәрсәнең яравы һәм ярамавы хакында сөйләштеләр, шулай ук «Какие права литературных героев нарушены» викторинасында катнаштылар. Әдәби геройларның тәртибе һәм кылган гамәлләре турында фикер алыштылар.

Җәй айларында Теләче 2нче балалар бакчасы тәрбиячеләре балалар белән күпчелек вакытны саф һавада  уздыралар. Урамда балалар бигрәк тә яратып, комнан төрле корылмалар төзеп, ниндидек фигуралар ясап уйнарга яраталар. Ком белән уеннар балаларның фантазиясен үстерә, кул чуклары эшчәнлеген камилләштерә, баланың психологик халәтен яхшырта. Комлыкта уйнаганда алар үзләрен чын сихерчеләр кебек хис итәләр: төрле хан сарайлары төзиләр, әкияти образлар тудыралар, үзләре өчен генә таныш булган сихри дөнья иҗат итәләр.

Дуслык безгә укырга, эшләргә, яшәргә ярдәм итә.  Кешегә дусларсыз яшәү мөмкин түгел. Дустың булу – зур байлык. 9 июнь көнне Урта Мишә авыл китапханәсендә укучылар арасында   “Хороший ли ты друг”   исемле темага тест оештырылды. Бары тик тәртипле кешенең генә чын, тугъры, ышанычлы дуслары була ала.