ЯҢАЛЫКЛАР

Туган якны яратыр өчен, аны яхшы белергә кирәк. Шул уңайдан 6 июль көнне Әбде авыл китапханәсе мәдәният йорты директоры белән берлектә балалар өчен «По тропинкам родного края» исемле экологик экскурсия оештырдылар. Әлеге чараның максаты - балаларның туган як табигате турында белемнәрен киңәйтү, аңа сакчыл мөнәсәбәт тәрбияләү иде. Чара барышында балаларга экология нәрсә ул, табигатьне һәм аның ресурсларын ничек сакларга кирәк, кеше әйләнә — тирә мохиткә нинди йогынты ясый һәм уртак йортыбызны - Җир планетасын саклап калу өчен нәрсә эшләргә кирәклеге турында әйтелде, табигатьтә үз-үзеңне тоту кагыйдәләре белән таныштырылды.

Теләче балалар китапханәсе хезмәткәрләре иң яхшы «Гаилә портреты» рәсеменә конкурс үткәрү максаты белән Теләче урта мәктәбенең мәктәп яны лагеренда булдылар. Бу көнне гаилә, мәхәббәт һәм тугрылык бәйрәме билгеләп үтелә. Теләге булган һәркем гаилә портретын ясарга тиеш иде. Балалар рәсем ясаганда, китапханәче алар белән гаилә традицияләре турында әңгәмә үткәрде. Балалар гаиләләрендә кабул ителгән гореф-гадәтләр турында бик теләп сөйләделәр.

Теләче җирлекара китапханәсе хезмәткәрләре укучыларыбызны китапханәгә килгән яңа китаплар белән таныштыру максатыннан, күчмә китапханә белән сәүдә нокталарында   булдылар. Китапханәчеләрнең һәр килүе – китап сөючеләр өчен көтеп алынган, алар китапханә хезмәтләреннән бик теләп файдаланалар һәм киләсе очрашуны түземсезлек белән көтәләр.   Сәүдә үзәкләрендәге китап укучыларыбыз матур әдәбият китапларын бик теләп, яздырып алдылар.

Наркоман балалар агрессив, явыз булалар, туганнары белән элемтәләрен югалталар, ялганларга, җинаятьләргә барырга мәҗбүр булалар. Балаларда наркоманиягә тискәре мөнәсәбәт формалаштыру, наркоманиянең коточкыч авыру булуына ышандыру максатыннан, 7 июль көнне Олы Мәтәскә авылы мәдәният хезмәткәрләре «Язган гомер, булмасын күмер» дип исемләнгән профилактик әңгәмә уздырдылар.

Урта Мишә авыл китапханәсендә Пушкин картасы буенча “Әдәби батл” викторинасы үткәрелде. Яшүсмерләр интеллектуаль биремнәрне үтәүдә көчләрен сынадылар. Чара барышында катнашучылар яшүсмерләр арасында иң популяр булган китаплар турында мәгълүмат алдылар, шулай ук яраткан әсәрләре турында сөйләделәр. «Кем күп укый, ул күп белә», «Шигъри минут», «Сүз төзү», «Таратыгыз, укыгыз» викторина-разминкаларында  актив катнаштылар.

8 июль көнне Теләче муниципаль районы ҖЧҖ «Алан» территориясында ашлык җыю комбайннарына дәүләт техник карау үткәрелде.

8 июльдә Россиядә «Гаилә, мәхәббәт һәм тугрылык көне»бәйрәме билгеләп үтелә. Гаилә, мәхәббәт һәм тугрылык көне уңаеннан Теләче 3нче номерлы балалар бакчасында «Безнең зур гаилә» акциясе узды. Чара акциядә катнашучыларга бәйрәм кәефе бүләк итте. Бу бәйрәм һәркемне якыннарының кадерен белергә һәм якыннарының тынычлыгын һәм бәхетен саклауның мөһимлеге турында уйланырга чакыра.

Халыкара гаилә көнен бәйрәм итүгә багышлап Шармыш авыл китапханәсендә «Будет в семье лад, коли книге рад» исемле чара үткәрелде. Балалар Россиядә гаилә белән уку традицияләре белән таныштылар. Китапханәче Л.Толстойның «Старый дед и внучек» әсәрен укыды һәм әлеге әсәр буенча фикер алышынды. Балалар китапханәче белән бергә гаилә турында мәкальләрне, әйтемнәрне һәм табышмакларны искә төшерделәр. Катнашучылар «Мир начинается с семьи» дигән китап күргәзмәсе белән таныштылар, анда гаилә тәрбиясе, рухилык, игелек һәм шәфкатьлелек турында әдәбият тәкъдим ителде.    

8 июль - Россиядә Гаилә, мәхәббәт һәм тугрылык көне буларак билгеләп үтелә. Шул уңайдан Баландыш авыл китапханәсе “Кояшкай” балалар бакчасына йөрүче балалар һәм аларның әти-әниләре белән берлектә “Чәй яны-гаилә җаны” дигән бәйрәм оештырды. Самовар гаилә учагы, уңайлылык, дуслык, аралашу һәм кунакчыллык символы. Ул һәр йортта хөрмәтле урын алып тора иде. Нәкъ менә җырлаучы самовар артында күп кенә гаилә бәйрәмнәре кунакчыл сөйләшүдә уза, эшлекле мәсьәләләр хәл ителә. Бәйрәм авылыбызның туган авыл музее ишегалдында оештырылды. Балалар һәм бәйрәмгә килгән әниләр төрле конкурсларда катнашып, кызыклы уеннар уйнап,биеп-җырлап,  коймак белән самовар чәе эчеп күңел ачтылар.

Җәйге уку акциясендә балалар бик теләп катнашалар. Җәйге укулар балаларда китапка кызыксынуны активлаштыра, уку культурасына җәлеп итә, балалар фантазиясен һәм иҗади сәләтләрен үстерә. Моннан тыш, җәй көне китап уку каникул көннәрендә балалар һәм яшүсмерләрнең барлык проблемаларын да хәл итә.  Җәйге уку акциясе кысаларында, Шәтке авыл китапханәсендә "Җәйге китапханә #китапфест" дигән китап күргәзмәсе һәрдаим эшләп тора. Балалар җәйге уку акциясендә актив катнашалар һәм башка укучыларны да чакыралар.