ЯҢАЛЫКЛАР

Бөек Ватан сугышында Җиңүнең 79 еллыгы алдыннан 30 апрель көнне Шәтке  авылы мәдәният хезмәткәрләре Бөек Ватан сугышында һәлак булган авылдашлары истәлегенә куелган һәйкәл  янын  һәм 2 май көнне Мирәтәк авылындагы обелискны  җыештырдылар. Узган елгы коры үләнне, яфракларны җыеп алдылар. Буяу эшләрнен башкарып, агачлар утырттылар. Һәйкәлне төзекләндерү - сугышта  һәлак булганнар  алдында, аларның батырлыгы һәм ныклыгы алдында  хөрмәт. Хезмәт нәтиҗәсен күрү бик күңелле булды, һәркем бу эшкә үз җылысын кертте, һәлак булган сугышчылар һәйкәле янындагы чиста территория тирә-юньдәгеләрне  сөендерә, һәр җирдә чиста һәм матур.

Бөек Җиңү көненә карата 2 нче май көнне Урта Мишә авыл китапханәсендә «Бөек һәм мәңгелек батырлык» дип исемләнгән китап күргәзмәсе эшли башлады. Күргәзмәдә китапханә фондында булган сугыш темасын чагылдырган тарихи һәм әдәби китаплар тәкъдим ителде. 

2 май көнне Югары Кибәхуҗа авылы китапханәсендә Җиңүнең 79 - еллыгы уңаеннан, “Җиңү кайтавазы мәңгелек” дип исемләнгән китап күргәзмәсе куелды. Күргәзмәдәге укучыларыбыз игътибарына тәкъдим ителгән китаплар Бөек Ватан сугышында катнашучылар Ватан өчен, Туган ил өчен нинди батырлыклар кылганын, аларның аяусыз көрәшләрен, сугыш вакытындагы тормыш, көнкүреш вакыйгаларын сөйли. 

Казаклар авылы китапханәсе клуб белән берлектә “Бурычлар һәм хокукларны әкиятләр аша өйрәнәбез” дип исемләнгән мәгълүмат сәгате үткәрде. Әңгәмә барышында яшүсмерләр кылган хокук бозулар һәм аларның нәтиҗәләре турында сөйләште. «Хокук бозу» сүзе төшенчәсе турында аңлатылды. Закон бозу, ул җәмгыятькә зыян китерә, аның өчен өлкәннәр һәм яшүсмерләр өчен җәза каралган, хокук бозу төрләрен санап чыгылды — бу кыйнау, урлау, яла ягу, үтерү, алдау.  Шулай ук алга таба ничек итеп хокук бозуларга юл куймаска икәне аңлатылды.

Безнең сәламәтлек тә яшеллек белән нык бәйләнгән. Бу җәһәттән яз-көз төрле акцияләр оештырыла. Май бәйрәмендә Баландыш авыл китапханәсе дә “Агач утырту” акциясенә кушылып ял паркы янына агач утыртуда катнашты.

Баландыш төп гомуми белем бирү мәктәбендә беренчел профсоюз оешмасының хисап-сайлау җыелышы булды. Төп хисап докладын профсоюз оешмасы рәисе Әлфия Зөфәр кызы ясады, аның эше канәгатьләнерлек дип табылды.

Якынлашып килүче Җиңү көне уңаеннан 2 май көнне Әбде авыл китапханәсе мәдәният йорты директоры һәм мәктәп белән берлектә акциядә катнашып, Бөек Ватан сугышында катнашкан Никитин П.П., махсус хәрби операциядә катнашучы егетләрнең әниләре Никитина А. А. һәм Пушкарева М. Е. өйләренә барып, хәлләрен белеште. Аларга сәламәтлек, иминлек теләп, хөрмәт йөзеннән Георгий тасмаларын тапшырдылар. Барысы да очрашуга шатланып, үзләренең рәхмәтләрен белдерделәр.

1 май -  Яз һәм Хезмәт бәйрәме буларак билгеләп үтелә, Сауш авыл китапханәсендә шушы бәйрәм уңаеннанә балалар белән «Беренче Май каруселе»  темасы белән уен-конкурс үткәрелде. Чара барышында балаларга 1 Май бәйрәменең барлыкка килү тарихы   сөйләнелде. Аннары күңел ачу уеннары, конкурслар, язгы темага табышмаклар әйтелде.  Чарада катнашучылар бу бәйрәмне бик яратып,  уеннарда актив катнашып,  күңел күтәренкелеге  белән таралыштылар.

Ел саен, 28 апрельдә, бөтен дөньяда эш урыннарында бәхетсезлек очракларын һәм авыруларны булдырмый калуга ярдәм итү максатыннан, Халыкара хезмәт оешмасы Бөтендөнья хезмәтне саклау көнен билгеләп үтә. Шул уңайдан, 28 апрель көнне Айдар авыл китапханәсендә “Куркынычсыз хезмәт - һәркешенең хокукы” дигән тематик күргәзмә оештырылды.  Китап укучыларга хезмәтне саклау буенча норматив-хокукый база, хезмәткәрләрнең хокуклары һәм бурычлары, хезмәтне саклау буенча законнарны бозган өчен җаваплылык төрләре турында мәгълүмат тупланган «Хезмәт иминлеге синнән башлана» дип исемләнгән буклетлар таратылды.

Тукай туган көн республикабызда Туган тел көне дип игълан ителде. Инде бик күп еллардан бирле халкыбызда матур традиция яши – шагыйрьнең туган көнендә татарлар яшәгән төбәкләрдә шигырь бәйрәмнәре үткәрелә.