ЯҢАЛЫКЛАР
Агымдагы елның 20 апрелендә Байлар Сабасында 2014 елда һәм аннан яшьрәк,2012-2013 елларда туган укучылар арасында «Татарстанның бадминтон өметләре – 2 тур» республика ярышларының зона этабы узды. Әлеге ярышларда өстәмә белем бирү педагоглары Заббаров Алмаз Фоат улы, Галимҗанов Рәмис Рәфис улы җитәкчелегендә 11 тәрбияләнүчесе катнашты.
2014 елда туган һәм аннан яшьрәк укучылар арасында Гыйләҗиева Мәдинә – 1 урын, Гайнетдинова Раилә – 3 урынны яуладылар.
Бөтендөнья сәламәтлек көне - җәмәгатьчелек игътибарын сәламәтлек мәсьәләләренә җәлеп итү, үз иминлеге, сәламәт тәне, көчле рухы турында кайгыртучы һәркем өчен кирәкле бәйрәм. 7 апрель көнне Айдар авыл китапханәсе мәдәният йорты белән берлектә Россиядә Гаилә елына һәм сәламәтлек көне уңаеннан “Сәламәт булырга һәрвакыт әзер бул!” дип исемләнгән күргәзмә тәкъдим итте, “Әти, әни һәм мин - спорт сөюче гаилә” дип аталган спорт ярышлары үткәрделәр. Бәйрәмдә Гумаровлар һәм Һадиуллиннар гаиләләре актив катнашты. Командаларның дусларча, күңелле чыгышыннан соң катнашучылар җитезлек, тизлек, тапкырлык буенча ярыштылар. Балалар һәм аларның әти-әниләре барлык конкурсларда, уеннарда актив катнаштылар. Командаларның һәрберсе күтәренке рух, яхшы кәеф һәм уңай эмоцияләр алды.
7 апрельдә Бөтендөнья сәламәтлек көне билгеләп
үтелә. Шул уңайдан Субаш авылы китапханәсендә Бөтендөнья сәламәтлек көненә багышланган "Спорта много не бывает" дип исемләнгән күргәзмә оештырылды. Күргәзмәдә сәламәтлекне саклау һәм ныгыту юлларын, ысулларын, сәламәт яшәү рәвешен яктырткан китап- журналлар, белешмәлекләр урнаштырылды. Балалар остәл теннисы, шашка, шахмат уеннары уйнадылар.
Һәркем үз хокукларын һәм бурычларын яхшы белсен өчен 6 нчы апрель көнне Урта Мишә авыл китапханәсендә, клуб белән берлектә “Хокук дәресләре - тормыш дәресләре” дип исемләнгән хокук дәресе үткәрелде. Баланың хокуклары һәм бурычлары белән танышу аша укучыларның хокукый культурасы тәрбияләнә. Китап укучылар "Бала хокуклары турында Конвенция", "хокук", "бурыч" төшенчәләре белән таныштырылды.
Бу сорау үз сәламәтлеген сакларга һәм ныгытырга теләгән һәр кешене диярлек борчый. Бу мәсьәләдә дөрес туклану, физик күнегүләр һәм башкалар мөһим роль уйный, шуңа күрә Бөтендөнья сәламәтлек көненә Шармыш авыл китапханәсендә «Дружно, смело, с оптимизмом, за здоровый образ жизни» күргәзмәсе оештырылды. Сәламәтлек күп очракта кешенең үзеннән, кайгыртуыннан, яшәү рәвешеннән тора. Күргәзмәдә сәламәт яшәү рәвешенә бәйле булган дөрес туклану, хезмәт һәм ял режимы, дәвалау физик культурасы, гигиена турында китаплар һәм журналлар тәкъдим ителә.
2 апрель Халыкара балалар китабы көне. Әлеге көннең нәкъ шул датада билгеләнүе дә очраклы түгел. Ул балалар яратып укый торган эчтәлекле дә, кызыклы да булган бик күп китаплар авторы, әкиятче Г.Х.Андерсен белән бәйле. Әлеге дата уңаеннан Иске Җөри авылы китапханә хезмәткәрләре “Ак каен” балалар бакчасында кунакта булдылар. Китапханәчеләр балалар белән «Андерсен әкиятләре буенча сәяхәт» иттеләр. Китапханәчеләр Андерсенның балачагы, иҗаты белән һәм балалар китабының тарихы белән таныштырдылар. Балалар рәсем һәм өзек буенча Г.Х. Андерсенның таныш әкиятләрен ачыклый алдылар. Соңыннан китапханәчеләр “Принцесса на горошине” һәм ” Дюймовочка” әкиятләрен кычкырып укыдылар.
Халыкара кошлар көне кысаларында Шармыш авылы китапханәсендә «Кто летает и поет с нами рядышком живет» дигән исем астында әдәби-экологик сәгать үткәрелде. Кунаклар бу бәйрәмне билгеләп үтү традициясе һәм аны башка илләрдә ничек бәйрәм итүләрен белделәр. Китапханәче кошларның табигатьтәге роле, кошларның үз-үзләрен тоту буенча безнең ата-бабаларыбызның һава торышын алдан ук фаразлаганы турында сөйләде. Әдәби-экологик сәгать барышында табышмаклар һәм мәкальләр конкурсы үткәрелде. Бу көнгә «Планетаның искиткеч кошлары» күргәзмәсе дә оештырылган иде.
Аларның күңелле, моңлы тавышлары табигатьне яшәртә, күңелләребезгә дәрт һәм шатлык өсти. Кошлар - табигать күрке. Әкренләп, кошларыбыз җылы яклардан кайта башладылар. Ә бит алар безне сагынып кайталар. Иртә таңнан безнең өчен үзләренең җырларын җырлыйлар, иген корткычларын ашыйлар, үсемлекләрне һәртөрле корткычлардан саклыйлар. Кошларны күзәтү нинди күңелле!
Балалар китабы киләчәк буынны тәрбияләүдә, тормышта дөрес юнәлеш сайлауда зур ярдәмче булып тора. Китап укып үскән баланың күңеле чиста, уйлау сәләте югары дәрәҗәдә була. 2 апрель көнне Казаклар авылы китапханәсендә "Хыялый балачак" берләшмәсенә йөрүче балалар өчен “Китап алсаң кулыңа – нур сибелер юлына” дип исемләнгән интеллектуаль уен үткәрелде. Интеллектуаль уен барышында балалар үзара көч сынаштылар. Чара ахырында китапханәче цитаталар һәм иллюстрацияләр ярдәмендә балаларны күргәзмәдәге кызыклы китаплар белән таныштырды. Балалар күңелләренә ошаган китапларны алып укыдылар. Уен кызыклы һәм мавыктыргыч килеп чыкты.
14 апрельдә «Сюрприз» үрнәк балалар хореография коллективының «Василек» төркеме җитәкчесе Баева З.Р. ел саен үткәрелә торган “Созвездие-Йолдызлык 2024” ачык республика телевизион яшьләр эстрада сәнгате фестиваленең суперфиналында катнашты.