ЯҢАЛЫКЛАР
Теләче 3нче номерлы балалар бакчасында "Теләче" спорт мәктәбе хезмәткәрләре тарафыннан уздырылган «Космос глазами детей» дигән бәйгесендә катнашучыларны дипломнар һәм истәлекле бүләкләр белән бүләкләделәр. Барлык катнашучыларны да котлыйбыз!!!
Китапханәчеләрнең һәр килүе – китап сөючеләр өчен көтеп алынган, алар китапханә хезмәтләреннән бик теләп файдаланалар һәм киләсе очрашуны түземсезлек белән көтәләр. Укучылар үзәк китапханә хезмәткәрләренә еш килүләре һәм китапларга кызыклы күзәтү ясаулары өчен рәхмәт белдерделәр.
Акциядә катнашучылар экология нәрсә ул, урманнар һәм анда яшәүче җанварлар һәм кош – кортларны, шулай ук яшеллекне ничек сакларга, кешенең әйләнә-тирә мохиткә йогынтысы һәм аларга урман байлыгын саклап калу өчен нәрсә эшләргә кирәклеге турында сөйләштеләр, табигатькә сакчыл караш тәрбияләргә чакыручы тирә – якны өйрәнүче язучыларны һәм аларның әсәрләрен искә төшерделәр һәм атап үттеләр.
«Батыр» спорт комплексы базасында Теләче муниципаль районының IV-V ступеннәре арасында гомуми белем бирү мәктәпләре укучылары арасында «Хезмәткә һәм оборонага әзер» Бөтенроссия физкультура - спорт комплексы фестиваленең муниципаль этабы узды.
Бу ай очраклы сайланмаган, чөнки нәкъ апрель аенда канатлы юлчылар, барлык киртәләрне җиңеп, өйләренә, ояларына кайталар. Иске Җөри авылы модель китапханәсендә Иске Җөри урта гомуми белем бирү мәктәбе укучылары өчен Кошлар көненә багышланган "Кошлар – безнең канатлы дусларыбыз», дип исемләнгән экологик сәгать үткәрде. Әлеге чараның максаты булып укучыларны кошларның күптөрлелеге һәм аларның тормышы белән таныштыру, кошларның кеше тормышында һәм табигатьтә булган әһәмияте турында җиткерү, аларга карата мәхәббәт тәрбияләү иде. Балалар кошлар турында викторина сорауларына җавап бирделәр, табышмакларны белдедәр, шигырьләр укыдылар.
“Юл хәрәкәте иминлеге" дәүләт автоинспекторы полиция лейтенанты Кыямов Ленар Тәлгать улы һәм Саба районының "Юл хәрәкәте иминлеге" профилактикасы бүлеге башлыгы Гүзәл Ягафарова Баландыш төп гомуми белем бирү мәктәбендә укучылар белән юл хәрәкәте кагыйдәләре турында әңгәмә үткәрделәр.
Бу көн 1967 елда яшьләр өчен китаплар буенча Халыкара совет тарафыннан бөек әкиятче Ганс Христиан Андерсенның туган көне хөрмәтенә үткәрелә. Аның әсәрләрендә шатлык һәм кайгы да, мәхәббәт һәм шәфкатьлелек, матурлык һәм аның капма-каршылыгы турында язмалар күп.
Баландыш авыл китапханәсендә 3 нче апрель көнне Халыкара балалар китабы көненә багышланган «Балалар дөньясы» дигән әдәби уен-дәрес уздырылды. Яңа балалар китапларыннан торган күргәзмә ясап куелды. Китапханә дәресе «Әкият геройлары турында серләр», «Сез беләсезме?», «Рәсемнәр буенча әкият уйлап кара» һәм башка интеллектуаль конкурслар белән дәвам итте.
Тирә-ягыбыз мөһитен саклау, кошларга кулыбыздан килгәнчә ярдәм итәргә өйрәтү максатыннан Урта Мишә авылы китапханәсе клуб хезмәткәре белән берлектә “Исәнмесез кошлар, безнең дуслар!” исемле рәсем конкурсы үткәрделәр. Шулай ук укучылар кошлар турында бик күп кызыклы мәгълүматлар белделәр, кошлар турында табышмакларга җаваплар таптылар, мәкаль һәм әйтемнәрне искә төшерделәр. Ахырдан катнашучыларга бүләкләр тапшырылды.
Очрашу барышында балалар кошлар турында бик күп кызыклы мәгълүматлар, канатлы дуслар килүгә ничек дөрес әзерләнү турында белделәр. Укучыларга җирдәге барлык җан ияләре кебек үк, кошларның да кеше яклавына мохтаҗ булуларын, табигатькә һәм бөтен тереклеккә сакчыл карарга кирәклеге турында җиткерелде. Кошлар темасына багышланган табышмакларга, сорауларга бергәләшеп җавап табарга тырыштылар. Кичә ахырында иң матур кош рәсеме ясаучы укучылар билгеләнде һәм катнашучыларның барсына да бүләкләр таратылды.