ЯҢАЛЫКЛАР
Балаларга «Февральская революция 1917 год» исемле презентация күрсәтелде.
Кичә бик эчтәлекле, ярыш формасында үтте. Кичә ахырында уенчыларыбызга истәлекле бүләкләр тапшырылды.
Табигатьнең язгы үзгәреш кичергән бер мәлендә без гүзәл затларыбызның иң күркәм бәйрәмен – 8 март Халыкара хатын-кызлар көнен билгеләп үтәбез. Язгы кояш нурына күмелгән әлеге бәйрәмдә мәхәббәт, матурлык, ана назы, ягымлылык, мәрхәмәтлелек, шәфкатьлелек, сабырлык, хатын-кызга ихтирам кебек мәңгелек кыйммәтләр чагылыш таба. 7 март көнне Урта Мишә авылы клубында китапханәче белән берлектә “Көннең яктылыгы кояшта, күкнең матурлыгы йолдызларда, җир йөзенең гүзәллеге хатын-кызларда” - исемле КВН – кичә үткәрелде.
Шул уңайдан 7 март көнне Олы Мәтәскә мәдәният йортында “Без яшь чакта”дип исемләнгән әдәби-музыкаль кичә үтте. Кичә барышында тамашачыларга котлаулар җыр аша җиткерелде. Шулай ук балалар фольклоры “Балага исем кушу” йоласын һәм олыларның “ Җәүһәр” фольклор коллективы “Кичке уен” күренешен бик матур итеп тамашачыга күрсәтте. Кичәне оештыруда авыл китапханәчесе дә зур тырышлык куйды. Кичә тамашачыларга ошады. Алар рәхмәтләрен алкышлар аша җиткерделәр.
7 март көнне Алан авылы китапханәсендә 8 март- Халыкара хатын-кызлар көне уңаеннан, “Бер күрешү –үзе бер гомер” дип исемләнгән ретро-кичә үткәрелде.Кичәгә авылыбызның өлкән яшьтәге китап укучылары чакырылды.Килгән кунаклар ,чәй табыны артында яшьлек елларын,авылда булган истәлекле дә, күңелдә тирән эз дә калдырган,күңелле дә булган вакыйгаларны искә төшереп ,хәтер яңарттылар. Киләчәк бәйрәм уңаеннан иң изге теләкләр яңгырады.Кичә бик күңелле һәм бәйрәмчә рухта үтте.
«Творческая студия «Лето»» хезмәткәрләре ут белән уйнау куркынычы турында сөйләделәр, тамаша күрсәттеләр.
Янгын куркынычсызлыгы нигезләрен кече чактан ук аңларга кирәк. Балаларына янгын чыгу очрагында нәрсә эшләргә икәнлеге турында сөйләделәр, “ Спички не тронь-в них огонь ” тамашасы балаларга аеруча ошады.
7 нче март көнне Олы Мишә урта мәктәбендә 8 март –Халыкара хатын-кызлар көне уңаеннан “Ягез әле, кызлар” конкурсы үткәрелде. Бу чарада “Татар кызлары ” һәм “Кызлар-йолдызлар” командалары катнашты. Бәйрәм төрле ярыш-конкурслар белән үрелеп барды. Бәйгеләр арасында егетләребез бәйрәм белән котлап җырладылар, биеделәр.
Мартның беренче декадасында Алан урта гомумбелем бирү мәктәбендә “Су объектлары янында куркынычсызлык чаралары” дигән темага сыйныф сәгатьләре уздырылды. 9 мартта тормыш иминлеге нигезләре укытучысы Хисматуллин И.М. практик чара вакытында укучыларга су объектлары янында, боз өстендә нинди кагыйдәләргә таянырга кирәклеген аңлатты.