ЯҢАЛЫКЛАР
Республикабыз мәктәпләрендә 13 нче февральдән 18 нче февральгә кадәр Химия атналыгы игълан ителде. МБГБУ – Олы Нырсы гомуми урта белем бирү мәктәбендә атналык уңаенннан 13 нче февраль көнне химия укытучысы Хәйретдинова М.Х. 10 нчы сыйныфларда “Майлар” темасына химиядән ачык дәрес күрсәтте. Бүген исә, Гиниева И.Г. 11 нче сыйныфларда “Катлаулы неорганик кисәкчәләр” темасына ачык дәрес күрсәтәчәк. Атналык дәвамында балаларда химияне өйрәнергә кызыксынучанлык уятучы викториналар, химия кичәсе һәм пресс- конференция планлаштырылган.
Бүген Иске Җөри урта мәктәбендә герой - шагыйрь Муса Җәлилнең тууына 111 ел тулуга багышланган
“Мин кабыздым җырда ялкын итеп
Йөрәгем һәм хаклык кушканны...”
темасына район укучыларының сәнгатьле уку бәйгесе оештырылды. Бу чарада 5-11 нче сыйныф укучылары катнашты. Алар шагыйрьнең шигырьләрен сөйләделәр, аның сүзләренә язылган җырларын җырладылар. Кичә күңелле үтте.
Ярышта район мәктәпләреннән кызлар һәм яшүсмерләр 7 командасы катнашты. Уеннарның нәтиҗәләре түбәндәгечә:
Теләче җирлекара китапханәсе хезмәткәрләре 15 февраль көнне Теләче гомуми белем бирү мәктәбе укучылары өчен шагыйрьнең тормыш юлы һәм иҗатына багышланган “Муса Җәлил иленә сәяхәт” дип исемләнгән кичә үткәрделәр. Кичә барышында Муса Җәлил иҗатына багышланган презентация күрсәтелде һәм укучылар викторина сорауларына җавап бирделәр.
Китапханәнең уку залында “ Җырым аша белсен халкым” дигән күргәзмә эшли башлады. Күргәзмәгә язучының иҗатына һәм тормыш юлына багышланган китаплар, газета һәм журнал материаллары куелды.
Бәйрәм барышында балалар Муса Жәлилнең биографиясе һәм иҗаты белән таныштылар. Соңыннан аның шигырьләрен сөйләделәр.
Февраль аенда герой - шагыйрь Муса Җәлилнең туган көне билгеләп үтелә. Баландыш төп мәктәбендә 15 февраль көнне герой шагыйрьнең тормыш һәм иҗат юлына багышлангач әдәби- информацион иртә үткәрелде. Бу чарада 2-6 нчы сыйныф укучылары катнашты.Алар шагыйрьнең шигырьләрен сөйләделәр,аның сүзләренә язылган җырларын җырладылар.Кичә күңелле үтте. Китапханәче Мубаракшина Ф.Г. М. Җәлилгә багышланган викторина да уздырды .
Тыл ветераннары, өлкән буын- аларның әлеге эшләрен хуплап тора.
Галиуллина Нәзирә, Мингаязова Тәнзилә апалар, балаларны бик зарыгып көтеп ала. Балалар да, әлеге эшләрне бик теләп һәм шатланып башкаралар.
Җир йөзендә бик сирәк очрый торган үсемлекләрне, хайваннарны, кошларны Кызыл китапка кертәләр. Алар саклауга мохтаҗ. Әңгәмәнең һәм китап күргәзмәсенең максаты: Кызыл китапка кергән хайван һәм үсемлекләрне кызгану, алар өчен борчылу хисләре уяту, табигатькә карата сак караш тәрбияләү.
Муса Җәлилгә 111 ел тулу уңаеннан “Йолдыз сәгате” үткәрде. Уен өч турдан торды. Беренче турда шагыйрьнең биографиясенә бәйле даталарны ачыклау бурычы куелса, икенче турда шагыйрьнең танылган шигырьләрен тану кирәк иде. Өченче турда укучылар “Җәлилчеләр”сүзенә кергән хәрефләрдән яңа сүзләр төзеделәр. Бу уенда ике команда ярышты. “Ромашка” командасы беренче урынга, ә “Йолдыз” командасы икенче урынга лаек булды. Уен барышында “Муса Җәлил – герой шагыйрь” дип исемләнгән күргәзмәгә күзәтү ясалды.
2017 елның 15 февраль көнне “Родник” халыкка социаль ярдәм күрсәтү үзәгенең социаль педагогы, эчке эшләр бүлегенең балигъ булмаганнар белән эшләүче инспекторы белән берлектә , “Безнең Ватан” дип аталган патриотик программа кысаларына таянып, балалар белән “Бүгенге Татарстан” дип исемләнгән өченче дәресләрен үткәрделәр. Шулай ук, әлеге дәрес вакытында Әфганчылар көненә багышланган әңгәмә дә булды.
Дәреснең максаты: балаларда рухи-әхлакый сыйфатларны уяту.