ЯҢАЛЫКЛАР

28 октябрьдә  Алан урта гомумбелем бирү мәктәбендә Халыкара музейлар  көне уңаеннан тәрбия сәгате уздырылды. Әлеге тематик дәрестә инглиз теле укытучысы Исмайылова  А.И. балаларны дөньяның иң танылган  музейлары   белән таныштырды.

Бәйрәмебез укучылар пешереп алып килгән “Тәмле” ярминкәдән башланды. Шушы сый-нигъмәтләр белән сыйланып, бай өстәл артында кичәбез дәвам итте.

28 октябрь көнне Теләче урта мәктәбендә башлангыч сыйныф укытучылары өчен “Сәләтле балалар белән эшләү алымнары” темасына район семинар -практикумы үтте. Семинар-практикумда Нуретдинова Г.К. (1б сыйныфта азбукадан), Фархуллина Г.З. (3в сыйныфта рәсемнән), Саттарова Т.Ф. (4а сыйныфта җырдан), Мухаметгалиева З.Т. (3б сыйныфында математикадан) ачык дәресләр күрсәттеләр. Семинар-практикумда катнашучылар  Фархуллина Г.З. оештырган  “Картина өстендә эшләү”  буенча мастер-класста,  Шамсутдинова  Г.Р. үткәргән  “Көзге багланышлар” темасына класстан   тыш чарада катнаштылар. Түгәрәк өстәлдә башлангыч белем бирү буенча методист Закирова С.Г. “Сәләтле балалар белән эшләү алымнары” темасына, Теләче урта мәктәбенең башлангыч белем бирү буенча директор урынбасары Мифтахова В.Г. “Сәләтле балалар белән эшне оештыру” чыгыш ясадылар.

Хөрмәтле автомобиль һәм шәһәр пассажир транспорты хезмәткәрләре! Сезне ихлас күңелдән һөнәри бәйрәмегез белән котлыйбыз!

Татарстанның тормышы күп яктан транспорт тармагы эшчәнлеге белән бәйле. Автомобиль транспорты көн саен республикада йөзләрчә мең пассажир, меңнәрчә тонна йөк ташый, нефть һәм химия комлекслары, социаль өлкә эшчәнлеген тәэмин итә.

Транспорт тармагы ветераннары һәм хезмәткәрләре! Сезне якынлашып килүче бәйрәм белән котлыйбыз! Фидакарь хезмәтегез, югары һөнәри осталыгыгыз ярдәмендә зур нәтиҗәләргә ирешәсез һәм алга кыю бурычлар куясыз. Сезгә һәм якыннарыгызга нык сәламәтлек, бәхет, муллык телибез!

27 октябрь көнне Теләче мәктәбенең спорт залында район мәктәпләре арасында “Кэс-баскет” мәктәп баскетбол лигасының муниципаль этап туры узды. Ярышта районның 9 мәктәбе: Алан, Олы Мәтәскә, Олы Мишә, Олы Нырсы, Иске Җөри, Теләче, Үзәк һәм Шәдке мәктәпләрендә укучы 1999 елгы яшүсмерләр катнашты.

30 октябрь – репрессия  корбаннарын искә алу көне. 20 нче гасырда нахакка рәнҗетелеп , үлемгә дучар ителгәннәр бик күп. Баландыш төп мәктәбендә бүген сыйныф сәгатьләре шушы темага багышланып  үткәрелде. Укучыларга бу афәт турында мәгълумат бирелде. Дәресләр презентация рәвешендә  узды , милли  төбәк  материаллары  файдаланылды.

Сентябрь  башында  һәр  укучы  дәреслекләр  белән тәэмин ителә.  Дәреслекләр мәктәп милке булып  санала. 23 октябрь  көнне  Олы Мишә урта мәктәбендә  шушы дәреслекләрнең  торышы   тикшерелде. Рейд нәтиҗәләреннән күренгәнчә, укучыларыбыз  дәреслекләрен  тышлап, чиста-пөхтә йөртәләр, расписание буенча барлык дәреслекләре дә бар. Китапларны саклап тотыйк, чөнки  алар  белем  чыганагы.

Күптән түгел генә әлеге мәдәният йортында берләшмәгә йөрүче балалар белән төрле кызыклы -мавыктыргыч уеннар уйналган. “Бу уеннар безнең әби-бабаларыбызның гореф-гадәтләрен яңартты, укучыларның кызыксынуларын арттырды. Алар бу уеннарда бик теләп катнаштылар”, - дип хәбәр итте мәдәният йорты директоры Гөлнур Гимранова.

25 октябрь көнне Урта Мишә авыл китапханәсендә,клуб белән берлектә, Теләче районы оешуга 25 ел тулу уңаеннан “Мин монда тудым һәм шуңа якын туган төбәгем” исемле әңгәмә - сөйләшү үткәрелде. Гражданлык хисе кечкенәдән туган йортыңны, урамыңны, гаиләңне яратудан, туган төбәгеңнең тарихын һәм мәдәниятын өйрәнүдән башлана.Әңгәмәдә районның үткәне,хәзергесе,күренекле кешеләре турында сөйләшенде.

Балыклы мәдәният йортында  22 октябрь көнне  “Кабак бәйрәме”  узган. Кичә дәртле биюләр, җырлар белән аралаштырылып барылган.