ЯҢАЛЫКЛАР
Югары Кибәхуҗа мәдәният йортының “Балачак” курчак театр – студиясе артистлары Н.Гернетның “Дорофей маҗаралары” әсәрен сәхнәләштереп, балаларның Республика курчак театры “Иделкәем” фестиваленә әзерләнә башлады.
Көз-кешегә иҗат итү өчен менә дигән вакыт. Безнең бакчада тәрбияләнүче балалар да үзләренең әти-әниләре белән көзге яшелчәләрдән төрле кул эшләре ясаганнар. Ел саен уздырылучы бу конкурста әти-әниләр бик теләп катнашалар, менә быел да аларның фантазияләренә чик юк.
Көз – иҗат итү өчен иң кулай вакыт. Табигый материалларның күптөрлелеге, балаларга иҗади сәләтләрен үстерү өчен мөмкинлекләр бирә. Балалар бакчада гына түгел, өйдә әти-әниләре белән бергәлектә дә эшли алалар. Шәтке балалар бакчасына йөрүче балалар һәм аларның әти-әниләре белән бергәлектә, көзге нигъмәтләрдән күргәзмә оештырылды. Әти-әниләр үзләренең осталыкларын күрсәттеләр. Алар үзләренең эшләрен җиләк-җимешләр, яшелчәләрдән ясаганнар иде. Балаларыбызга бу конкурс бик ошады,барлык әти-әниләргә олы рәхмәтебезне җиткереп ,алга таба да бергә,бердәм булып эшләргә язсын дигән теләктә калабыз.
Сезне ихлас күңелдән һөнәри бәйрәм - Юл хуҗалыгы хезмәткәрләре көне белән котлыйм!
Барлык казанышларыбыз - тармак ветераннарының, хезмәткәрләренең, юл төзелеше оешмалары җитәкчеләренең югары профессиональлеге нәтиҗәсе. Сез фидакарь хезмәтегез белән автомобиль юллары төзелешенә һәм аларны карап тотуга лаеклы өлеш кертәсез. Лаеклы хезмәтегез өчен рәхмәт белдерәм һәм чын күңелдән сезгә һәм якыннарыгызга сәламәтлек, уңышлар һәм гөрләп алга баруыгызны телим!
Мәктәп укучылары өчен бөтенроссия олимпиадаларының мәктәп этабы төгәлләнде. Олы Нырсы урта мәктәбендә барлык олимпиадалар да үз вакытында үтте, укучылар әлеге олимпиадаларда бик теләп катнаштылар. Барлык фән олимпиадаларының да җиңүчеләре һәм призерлары билгеле. Укучыларның белемнәрен сынап карау әле моның белән генә бетми. Бүген, ягъни 16 нчы октябрь көнне, олимпиадаларның яңа этабы – республика олимпиадалары башланып китте. Әлеге юнәлештә Олы Нырсы урта мәктәбендә беренче олимпиада рус теленнән узды.