ЯҢАЛЫКЛАР

19
октябрь, 2015 ел
дүшәмбе
15 октябрь көнне Олы Мишә авыл китапханәчесе Газизова Рузалия Хәтер көненә багышланган “Хәтер килә, хәтер китә, хәтер кала” дигән тема астында әңгәмә уздырды.

Олы яшьтәге китап укучылар Казан ханлыгы, Болгар  шәһәре  турында  күп кенә тарихи мәгълүмат белделәр, борынгы гореф-гадәтләрне искә алдылар, китап кургәзмәсе белән таныштылар.

 
17 октябрь көнне Иске Җөри авылы мәдәният йортында «Без киләчэк балалары» дип аталган концерт булып узды.
Концерта балалар башкаруында  төрле матур җырлар, дәртле биюләр һәм күңелле сәхнә күренешләре белән үрелеп барды.
Семинар-киңәшмә булып үтте.
Теләче муниципаль районы Авыл хуҗалыгы Һәм азык төлек идарәсе тарафыннанн  Теләче муниципаль районы башлыгы И.Ф. Зарипов катнашында 2015 елның 17 октябрендә  терлекчелек тармагының 9 айлык  эшенә анализ Һәм 2016 елга дуләт ярдәмнәре алу буенча  семинар-киңәшмә булып үтте. 
«Ватанны саклау – изге бурыч»
19 октябрь көнне Теләче Үзәк китапханәсендә «Ватанны саклау – изге бурыч» дип исемләнгән  егетләрне армия сафларына озату кичәсе үткәрелде. Кичәнең максаты: булачак солдатларны армия сафларына әзерләү, үз-үзеңне тоту  кагыйдаләрен аңлату, патриотик тәрбия бирү иде. Әлеге очрашу кичәсендә Татарстан Республикасы Саба-Теләче хәрби комиссариаты бүлеге начальнигы Закиров Фәнис Фәритович, Теләче муниципаль районы Башкарма комитетының социаль мәсьәләләр буенча урынбасары Шайдуллин Альфред Рашитович катнашты. 
Иске Җөри мәдәният йортында клуб берләшмәләренә йөрүче балалар белән «Тероризмга юк! » дигән темага әңгәмә үткәрелде.

Аларга төрле шикле кешеләр күренсә  яки шикле  предметлар тапсалар кичекмәстән  полициягә шалтыратырга кирәклеге турына әйтелде. 
16 октябрь көнне Теләче мәдәният йортында яшь җырчы Радик Юльякшин концерты булып узды.
Кыска вакыт эчендә тамашачы күңелен яулап алган яшь җырчыны  тамашачы  бик җылы каршы алды.
Армиягә бару һәр егетнең изге бурычы.
Көзге чакырылышка Ямбулат авылыннан да егетебез Илнур Шавалиев армиягә китә. 17 октябрь көнне Ямбулат авыл клубында аны  армия сафларына озату кичәсе уздырылды. Зал тулы иде. Концертны тамашачы бик яратып карады. Армияга китүче егетебезне котларга җирле узидарә рәисе һәм күмәк хуҗалык рәиседә килгән иде. 
Сабирзянова Таисия Павловнага 91 яшь тулды.
Сугыш ветераны Сабирзянова Таисия Павловнага  2015 елның 17 октябрендә  91 яшь тулды.  Шушы уңайдан аны котларга социаль мәсьәләләр буенча район башкарма комитеты җитәкчесе урынбасары Шайдуллин А., Теләче районы халыкны соөиалҗ яклау бүлеге  началҗнигы Галимова Ф.М. һәм Алан авыл җирлеге башлыгы Хаҗиев Ә.Г. килделәр. 
17 октябрь көнне Мамадыш шәһәрендә Татарстан Республикасы мәгариф хезмәткәрләренең җәйге Спартакиадасы булып узды.
Әлеге ярышларда Теләче районы данын районыбызның төрле мәктәпләреннән 18 педагог яклады. Ярышлар 6 спорт төре буенча узды: җиңел атлетика, эстафета, урыннан озынлыкка сикерү, кул көрәше, канат тарту, бадминтон һәм мылтыктан ату.  Районыбызның мәгариф өлкәсе хезмәткәрләре әлеге ярышларда лаеклы чыгыш ясап, түбәндәге нәтиҗәләргә ирештеләр: бадминтон буенча ир-атлар арасындагы ярышта Баландыш төп мәктәбеннән Алмаз Җаббаров 1 нче урын; кул көрәшеннән Ринат Зәйнетдинов 3 нче урын; VIP йөгерештә мәгариф бүлеге җитәкчесе Наталья Карпова 3 нче урын яуладылар. 
17 нче октябрь көнне Югары Кибәхуҗа урта мәктәбендә мәктәп күләм җыештыру оештырылды.

Һәр укучы үз вазифасын төгәл башкарды, үз кабинетларының иң чиста булуында үзләреннән зур өлеш керттеләр. Тырышлыкның нәтиҗәсе һәрвакыт күренә, барлык кабинетлар да чиста. 
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International