ЯҢАЛЫКЛАР

9
октябрь, 2015 ел
җомга
Методик ярдәм күрсәтелде.
Мәгариф бүлегенең 2015-2016 нчы уку елыны планы нигезендә 5-7 октябрь көннәрендә мәгариф бүлеге белгечләре җитәкчелегендә районның балалар бакчаларында психолог, логопед, рус һәм татар телчеләре катнашында балалар бакчаларының өлкәннәр төркемендә тәрбияләнүче балаларының психологик яктан мәктәпкә әзерлеге өйрәнелде һәм методик ярдәм күрсәтелде.  
7 октябрь көнне “Батыр” спорт комплексының уку классында өстәмә белем бирү педагоглары белән киңәшмә үтте.
Киңәшмә яхшы хәбәрләрдән башланып китте: балаларга белем һәм тәрбия бирү үзәге җитәкчесе Т.Р.Имамиев педагоглар Айрат Кыямов һәм Рәмис Галимҗановларны укучылар спартакиадасын үткәрүгә зур өлеш керткән һәм команда әзерләгән өчен Республика мәктәптән тыш эш үзәгенең рәхмәт хаты белән бүләкләде. Т.Р. Имамиев киңәшмәгә килүчеләргә 19-21 октябрь көннәрендә районга мәгариф министрлыгыннан тикшерү белән киләчәкләрен хәбәр итте. 
iPIPS тикшеренүләре үткәрелде.
7-9 октябрь көннәрендә укучыларның мәктәпкә әзерлекләрен тикшерү максатыннан, Теләче урта мәктәбенең 1В сыйныф укучылары белән халыкара iPIPS тикшеренүләре үткәрелде. Әлеге тикшеренүләрдә 21 укучы катнашты.  Алар белән интервьюр – Теләче урта мәктәбенең башлангыч сыйныфлар укытучысы Шәмсетдинова Гүзәл Рифхатовна эшләде.
Ярминкә.

9 октябрь көнне Югары Кибәхуҗа урта мәктәбе укучылары  һәм укытучылары  мәктәпләр арасында Казан шәһәрендә үткәрелчәк ярминкәгә барырга  әзерләнәләр.  Укучылар дәресләрдән соң мәктәп бакчасында үстерелгән яшелчәләрдән бик матур экспонатлар ясадылар. Үзләре кулдан бәйләнгән бияләйләр, оекбашлар, баш киемнәре алып килделәр. Ярминкә бик бай булырга охшап тора. Ярминкәләр уңышлы үтсен!
Приглашаем жителей и предпринимателей района на приём граждан представителем Управления Федеральной антимонопольной службы по Республике Татарстан!
14 октября 2015 года в 8:00, в здании Исполнительного комитета Тюлячинского муниципального района состоится приём граждан представителем Управления Федеральной антимонопольной службы по Республике Татарстан.
Армспорт ярышында катнаштылар.

Кичә , 8 нче октябрь    көнне , Олы  Нырсы   урта  мәктәбенең  урта  звено укучылары  Гаязов  М. җитәкчелегендә   районыбыз   күләмендә  узучы     армспорт   ярышында  катнаштылар. Алар   сөенечле  хәбәр алып кайттылар. Безнең команда  1 урынны   алды. Тәбриклибез  !!!
Казан Федераль Университеты тарафыннан 9-11 класс укучылары өчен 20- 29 октябрьдә фән олимпиадаларының Халыкара Интернет-туры үткәрелә.
Математика, физика, информатика, химия, биология, рус теле, рус әдәбияте, татар теле һәм әдәбияте, инглиз теленнән оештырылгын бу олимпиадаларга Олы Мишә урта мәктәбе укучылары катнашырга зур теләк белдерделәр.  
Санитар көн булды.

8 октябрь көнне Теләче Үзәк китапханәсендә санитар көн булды. Китапханәчеләр тәрәзә юдылар, фондтагы китапларның тузанын сөрттеләр. Яңа гөлләр утыртылды.
Мәдәният йорты терроториясен тәртипкә китерделәр.

7 октябрь  көнне  Алан авыл  китапханәчесе,  “Сөләймән  Йосыпов”  исемендәге  мәдәният  хезмәткәрләре,  мәдәният  йорты  терроториясен  тәртипкә  китерделәр.
Олы Мәтәскә китапханәчесе “Каенкай” ясле – бакчасында кунакта булды.
Олы Мәтәскә китапханәчесе 8 октябрь көнне  “Каенкай” ясле – бакчасында   тәрбияләнүче  балалар янында кунакта булды. Ул нәниләрне яңа кайткан балалар китаплары белән таныштырды.  Балаларга китаплар ошады. Бик кызыксынып рәсемнәрен карадылар. Киләчәктә тәрбияче апалары  балаларны китапханәгә экскурциягә алып килергә ышандырды.  
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International