ЯҢАЛЫКЛАР

21
сентябрь, 2015 ел
дүшәмбе
18 сентябрь көнне Казанда “Казан-Арена” стадионының ачык мәйданындагы урман кисүчеләр арасында “Лесоруб-2015” Россия чемпионатын рәсми ачу тантанасы уздырылды.
Тантанада ТР Премьер-министры Илдар Халиков, ТР Дәүләт Советының экология, табигатьтән файдалану, агросәнәгать һәм азык-төлек сәясәте комитеты рәисе Таһир Һадиев, Россия урман сәнәгатьчеләре һәм урман экспортлаучылар берлеге президенты Мирон Тацюн, ТР урман хуҗалыгы министры Алмас Нәзиров һ.б. рәсми затлар катнашты. Россия урман сәнәгатьчеләре һәм урман экспортлаучылар берлеге президенты сүзләренә караганда, бу төр ярышлар РФ Хөкүмәтенең урман хуҗалыгы өлкәсенә аерым игътибар бирүне, бу өлкә хезмәткәрләренең абруен һәм һөнәрилеген күтәрүне күз уңында тоткан карары нигезендә уздырыла. 
Татарстанда игълан ителгән экстремизмны кисәтүгә һәм аның белән көрәшкә багышланган айлык кысаларында Айдар авыл китапханәсе, мәдәният йорты белән берлектә экстремизмга каршы көрәш максатында "Экстремизм, терроризм, угроза, общество” темасы буенча әңгәмә үткәрде.
Әңгәмә барышында балалар дуслык ул бер –береңә хөрмәт кенә түгел,ә башка милләт халыклары белән дус, тату яшәү икәне ассызыкланды. Чараның икенче өлешендә балаларга “ Сак бул – экстремизм!”- компьютер презентациясе күрсәтелде.
Кече Нырсы башлангыч мәктәбенең мәктәп яны тәҗрибә участогында көзге эшләр бара.

Суган, помидор, чәчәк түтәлләре казылды. Җылылыкны саклау максатыннан мәктәпнең эчке яктан нигезенә балчык тутырылды.       
"Алтын көз" экскурсиясе.
18 енче сентябрь көнне Максабаш башлангыч мәктәбе  укучылары  көзге табигатькә экскурсиягә барды. Табигатьнең сары киемгә төренгән бу мизгелен күзәтү күңелләргә бер рәхәтлек тә, рухи байлык та бирде. Саф һава сулап,  басуларны,  елгаларны, урманы  күзәтеп кайттылар балалар. Күргәннәрен, тасвирлап, сөйләп тә карадылар.  
19 сентябрь көнне Питрәчнең боз сараенда Теләче һәм Питрәч ир-атлар командалары арасында хоккей буенча иптәшләрчә очрашу булып узды.
Уен 7:2 исәбе белән Питрәч командасы файдасына төгәлләнде. 
Йөзү буенча ярышлар үткәрелде.

19 сентябрь көнне Саба спорткомплексында Республика спартакиадасына әзерләнү максатыннан Теләче районы муниципаль хезмәткәрләре арасында йөзү буенча ярышлар үткәрелде.
21 сентябрь көнне Әбде авыл китапханәсендә “Серләр тулы урманга сәяхәт” дип аталган экологик уен уздырылды.
Уенда катнашучыларга кызыклы сораулар, табышмаклар тәкъдим ителде. Балалар Кызыл китап белән таныштылар. Уен барышында балалар урман тормышы, анда яшәүче җәнлекләр турында мәгълүмат алдылар һәм урманда, табигатьтә үз –үзеңне тоту кагыйдәләрен өйрәнделәр.
18-20 сентябрь көннәрендә Казанда 1999-2001 елда туган ир-егетләр арасында Бөек Җиңүнең 70 еллыгына багышланган спорт фестивале булып узды.
Ярышлар самбо,көрәш,ирекле көрәш,грек-рим көрәше,сумо буенча үткәрелде.Теләче районы данын Олы Мәтәскә,Иске Җөри мәктәбе укучылары яклады.
2015 елның 8 сентябрьдән 18 сентябрьгә кадәр Краснодар өлкәсе Анапа шәһәрендә VIII Бөтенроссия яшүсмерләрнең сугыш төре уеннары булып узды.
Әлеге ярышларда Республика жыелма команда составында  безнең район командасы да катнашты. Команданы спорт мәктәбе тренеры Равдин Юрий Николаевич җитәкләде. 
"Әкият иленең тылсымлы серләре" дип исемләнгән әдәби дәрес үткәрелде.
Шәтке авылы китапханәсендә 19 сентябрь көнне "Кояшкай" берләшмәсенә йөрүче балалар белән  "Әкият иленең тылсымлы серләре" дип исемләнгән әдәби дәрес үткәрелде.  Әлеге дәрестә балалар  укыган әкиятләрен сөйләделәр. Аерым геройларга анализлар ясалды.
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International