ЯҢАЛЫКЛАР

3
август, 2015 ел
дүшәмбе
Айдар авылы китапханәсе фонды җирлекара китапханәдән кайткан яңа китаплар белән тулыландырылып торыла һәм тиешле дәрәҗәдә эшкәртелеп барыла.
Китапханәче чираттагы яңа кайткан әдәбиятны урнаштыру вакытында: китапларны инвентарь китабына терки, номерларны яза, штамп суга. Шул рәвешчә яңа китаплар укучылар кулына тапшырыла. 
31нче июль көнне Теләче муниципаль районы Башкарма комитеты карары нигезендә төзелгән комиссия Теләче 2 нче номерлы балалар бакчасының яңа уку елына әзерлек дәрәҗәсен тикшерде.

Комиссия балалар бакчасындагы янгын куркынычсызлыгы таләпләренең үтәлеше,хезмәтне саклау буенча эшчәнлек,бакча бинасының , төркем бүлмәләренең әзерлеге һәм балалар бакчасы янындагы тәҗрибә участогында башкарылган эшләр белән танышты.
Бугенгесе кондә авыл эченә керүче юл кырыйларын чүп-үләннәрдән чистарту эшләре бара.
Эшнең нәтиҗәсе күңелләрне күтәрә, юл кырыйлары  чиста, матур  булып кала.
31
июль, 2015 ел
җомга
Районда урак кайнап тора.
Барлык суктырыласы мәйданның 10,2% суктырылды, шуннан 4,6 мең тонна икмәк җыеп алынды. Эш темплары Алан, Нирус, Игенче хуҗалыкларында яхшы оештырылган. Аларда барлык мәйданның 20 проөентыннан артыграк өлеше суктырылды.
“Пилигримм” шоу-тамашасын карадылар.
26 июль көнне, Татарстан Республикасы Президенты вазыйфаларын вакытлыча башкаручы  Рөстәм Нургали улы Минниханов чакыруы буенча 41 кешелек делегация: «Родник» халыкка социаль ярдәм күрсүтү үзәге, Теләче муниципаль районы җирле үзидарә башлыклары, күпбалалы һәм опекун гаиләдә тәрбияләнүче балалар Казандагы 2015 елгы су спорт төрләре буенча “Пилигримм” шоу-тамашасын карадылар.
29.07.2015 -09.08.2015 көннәрендә Казанда спортның су төрләре буенча дөнья чемпионаты ачылды.
Шул уңайдан 30 июль көнне Айдар авылы китапханәсендә матбугат материалларыннан файдаланып, күргәзмә оештырылды. Әлеге күргәзмәдә чемпионат турында күп төрле мәгълүматлар белән танышырга була.
Шармыш авылы китапханәсендә “Китаплар хастаханәсе” исемле мастер класс үтте.
Китапханәче балаларга китапның кеше тормышындагы роле, китапка мөнәсәбәт турында сөйләде. Балалар тырышып эшкә керештәләр: тузган китапларның битләрен ябыштырдылыр, язуларын бетерделәр, әлбәттә, китапның эчтәләге бәлән дә таныштылар. Алар бүген үзләрен китап табиблары итеп хис иттеләр, балалар тырышлыгы белән 10 китап яңартылды.
30
июль, 2015 ел
пәнҗешәмбе
30 июльдән авыл китапханәләре җәйге яллардан соң, тулы куәтенә эшли башлады.
Китапханәчеләр планнар төзү, фондны рәткә китерү, стендларны яңарту белән мәшгуль. Шулай ук, 1 августа узачак Казан сабантуена да әзерлек эшләре бара. Һәр китапханә үзенең китап укучыларын көтә, рәхим итегез!
30 июль көнне Теләче балалар китапханәсендә язучы Лев Кассильнең 110 еллыгы уңаеннан, «Добрые книги доброго человека» дип исемләнгән китап күргәзмәсе куелды.

Лев Кассиль тарафыннан сугыш чоры, сугыштан соңгы авыр еллар турында төрле жанрдагы әсәрләр иҗат ителгән. Күргәзмәдә аның мавыктыргыч автобиографиясе дә урын алды. Портретындагы ягымлы йөзе, кызыклы китаплары китап укучыларны битараф калдырмас, аларда кызыксындыру уятыр дип өметләнәбез.
Социаль яктан авыр тормышлы гаиләләргә бардылар.

2015 елның 30 июль көнендә «Родник» халыкка социаль хезмәт күрсәтү буенча комплекслы үзәгенең Гаилә бүлеге белгечләре социаль яктан авыр тормышлы гаиләләргә бардылар.

Бугенге очрашуның иң мөһим мәсәләсе - бу гаиләләргә булышу гына түгел, ә аларда халык арасында тулы мөмкинчелекләр белән яшәү өметен уяту иде.
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International