ЯҢАЛЫКЛАР

2 апрель Балалар китабы көне.

Шул уӊайдан Иске Җөри авылы китапханәсендә «Китап иле-серле дөнья» дип исемләнгән кичә үтте. Балалар китапларыннан  төзелгән китап күргәзмәсе куелды. Укучылар зур кызыксыну белән китап күргәзмәсен карадылар, викторина сорауларына җаваплар таптылар.

30 март көнне Теләче Балалар китапханәсендә “Без китап табиблары” исеме астында таушалган китапларны төзәтү эше алып барылды.

Балалар бу эш белән  бик теләп шөгыльләнделәр. Китапларны төзекләндерү китапханәдә әйбәт традициягә әйләнеп бара.

Ут дус та, дошман да.

Районыбызның мәгариф учреждениеләрендә апрель аенда хезмәтне саклау айлыгы бара.  Айлык безнең Кече Кибәхуҗа төп мәктәбендә дә план нигезендә үтә.Айлык кысаларында бу көннәрдә  янгын куркынычсызлыгы атналыгы бара.  

“3d-модельләштерү”.

Балалар иҗат үзәгенең “3d-модельләштерү” түгәрәгенә йөрүче укучылар, өстәмә белем бирү педагогы Фәсхетдинов Алмаз Хәбир улы җитәкчелегендә, 3d - модельләү серләрен өйрәнүне дәвам итәләр. 

Ел саен 2 апрель кошлар көне буларак билгеләп үтелә.

Тирә-ягыбыз мөһитен саклау, кошларга кулыбыздан килгәнчә ярдәм итәргә өйрәтү максатыннан, Урта Мишә авыл китапханәсендә укучылар өчен “Кошлар – безнең  канатлы дусларыбыз” кичәсе үткәрелде. Балаларга кошлар турында информация бирелде. 

Бүген,Югары Кибәхуҗа урта мәктәбенең, 2-3 нче сыйныф укучылары Шөгаепова Р.Р җитәкчелегендә, “Мин дөньяны ясыйм” исеме астында узучы рәсем конкурсында катнаштылар.

Балалар үзләренең рәсемнәрендә тыныч күк йөзен, чәчәкле болыннарны, гомумән алган да дөньяны бары тик яктылык эчендә сурәтләгәннәр. Димәк, укучылар дөньяның бары тик тыныч һәм якты булуын телиләр. Алар бу фикерне үзләренең рәсемнәре аша җиткерделәр.

Тимурчылык эше.

Шармыш төп гомуми белем бирү мәктәбенең 7 нче сыйныфның тимурчылык отряды Новикова А. Е. га ярдәм күрсәттеләр.  Бу юлы алар ишегалдыннан кар чыгардылар, түбәдәге карны төшерделәр һәм өй яннарын чистарттылар. Үзләренең хезмәтләре өчен рәхмәткә лаек булдылар. 

Лесной авыл клубында бу эш атнасын изгелек эшләү атнасы дип әйтсән бердә ялгыш булмас.

Балалар белән берлектә авыл чишмәсе янында очрашу оештырылды.Чишмәнең территориясен  чүпләрдән арындырдылар. Шулай ук балаларга  елга кырыенда йөрергә ярамаганлыгы аңлатылды. 

1 апрель «Көлке көненә» карата Шәтке авылы мәдәният йортында «Шаян шоу» кичәсе уздырылды, кичә авыл яшьләре белән берлектә узды.

Әлеге кичәдә алар  мунча ташыннан өзекләр күрсәттеләр,  мәзәкләр сөйләделәр. Тамашачы белән төрле конкурслар, уеннар үткәрделәр.  Кичә җыр-биюләр белән үрелеп барды.

“Жиңүгә илткән юллар”.

2 апрель   көнне район мәдәният йортында оешмалар арасында Бөек Җиңүнең 70 еллыгына багышланган «Җиңүгә илткән юллар»  исемле фестиваленең  концерты булып узды.