ЯҢАЛЫКЛАР

1
апрель, 2015 ел
чәршәмбе
Укучыларның язгы каникуллары вакытында Казаклар авылы китапханәчесе Рахматуллина Альбина 31 март көнне Олы Кибәхуҗа авылы башлангыч мәктәбендә урнашкан китап бирү пунктында булды.

 Ул балаларны яңа кайткан китаплар белән таныштырды һәм аларга тәкъдим итте. 

 
31 март көнне Баландыш авыл китапханәсендә 2-3 нче сыйныф укучылары белән кошлар көненә багышланган экологик дәрес уздырылды.
“Кошлар – яшеллек сакчылары”дип исемләнгән чараның максаты: укучыларга кошларның файдасы турында аңлату,кошлар турында кайгыртырга,җимлекләр куярга, кош оялары ясарга өндәү, кечкенә дусларыбызга карата мәрхәмәтлелек , шәфкатьлелек тәрбияләү.Чарада шулай ук уеннар үткәрелде,табышмаклар,сынамышлар әйтелде.Дәрес ахырында балалар кош рәсемнәре ясадылар.
Яз - яшел витаминннар вакыты
   
Үзәк балалар бакчасында балалар язучысы К.И.Чуковскийның 133 еллык туган көненә багышланган чара үтте.
Бу чара Узәк китапханәсенең китапханәчесе Халикова М.Г. һәм тәрбиячеләр ярдәмендә оештырылды. Мария Германовна балаларны кыскача К.И.Чуковскийның тормыш юлы һәм иҗаты турында сөйләде, әкият китапларын күрсәтте. Тәрбиячеләр презентация күрсәтеп, викторина үткәрделәр. Соңыннан балалар К.И.Чуковскийның әсәренә ясалган "Мойдодыр" исемле мультфильм карадылар. Чара бик күңелле үтте. 
Сауш авыл мәдәният йортында “Кошлар көне” уңаеннан китапханә белән берлектә "Кошлар – безнең дуслар" дип исемләнгән чара үткәрелде.

Кичәдә балалар үзләре ясаган рәсемнәрен тәкъдим иттеләр. Кошларга багышланган викторина сорауларына җавап бирделәр, табышмакларга җавап эзләделәр.  Балалар кичәдә бик актив катнаштылар. Уенда катнашкан балаларга бүләкләр тапшырылды.

 

 
31 март көнне «Сәйлән» балалар бакчасында балалар язучысы К.И.Чуковскийның 133еллык туган көненә багышланган «Корней бабайда - кунакта» дигән әдәби иртә узды.

Авыл китапханәче ХаликоваМ.Г балаларны К.И.Чуковскийның тормыш юлы һәм иҗаты турында сөйләде, әкият китапларын күрсәтте. Соңыннан балалар «Мойдадыр» исемле мультфильм карадылар. Чара бик күңелле үтте. 

    
Лесной авылы клубында «Ялгызлыкка урын юк» акциясе үз эшен дәвам итә.

Чираттагы очрашу тыл ветераны Ольга Дмитриевна Никитина өендә үткәрелде. 
Балаларның буш вакытларын файдалы итеп үткәрү өчен Субаш авылы клуб мөдире Татьяна Романова һәм китапханәче Лидия Петрова алар белән каникул чорында даими эш алып бардылар.

Алар төрле спорт уеннары уйнадылар, кызыклы викторина  сорауларына җаваплар эзләделәр.

 

 

 
3 апрель көнне «Батыр» спорткомплексында район ветераннарыбыз арасында спорт ярышлары уздырылачак.

Үзәк авылы мәдәният йортында бу ярышларга әзерлек эшләре башланды. 30 март көнне алар мәдәният йортында җыелышып, спорт төрләрен бүлештеләр. 2014 елда Үзәк авылы командасы беренче урынны яуладылар. Быел да ветераннарыбыз күтәренке кәефтә ярышка әзерләнәләр.
31нче март көнне Урта Мишә авылы клубында,китапханә белән берлектә ,язгы каникул вакытында, балалар өчен “Җитезләр, көчлеләр, кыюлар” дип аталган спорт уеннары үтте.

Балалар  “Көчлеләр” һәм  “Җитезләр” дигән командаларга бүленеп,ярышларда көчләрен сынаштылар. ”Кем җитезрәк?”, ”Каршылыклар аша йөгерү”, туплар белән уеннарда балалар бик теләп катнаштылар.Чара ахырында “Җитезләр” командасы җиңүче дип билгеләнде.Барлык балаларга да призлар тапшырылды.

 

    
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International