ЯҢАЛЫКЛАР
Шармыш авылы китапханәсендә узган «Этикет, или просто хорошие манеры» дип исемләнгән әңгәмәдә китапханәче яшь укучыларны этикет термины, аның төшенчәләре, мәгънәләре, этикет тарихын сөйләде. Яхшы гадәт, әдәплелек, җәмгыятьтә үз-үзеңне тоту кагыйдәләрен белде. Катнашучылар В. Гидуның "Этикет" китабы белән танышты, алган белемнәрен ныгыту максатыннан "Барысы да этикет турында" дигән тестны үтәделәр.
Ашлык җыю хәзерге вакытта комбайнерлар тарафыннан эшләнелә. 29 июль көнне Сауш авылы китапханәчесе “Ак калфак” берләшмәсенә йөрүче китап укучылары белән игенне урып-җыю эшенең үткәнен искә алып, урак өсте җырлары астында борынгы йолаларның берсе булган “Беренче көлтә” бәйрәмен үткәрде. Бәйрәмдә гармун җырлары, әйтемнәр, урып-җыю белән бәйле сынамышлар искә алынып, милли уеннар уйналынды.
Безнең ата-бабаларыбыз табигать хәзинәсенә рәхмәтле булганнар. Алар сулыкларга изге әйбер итеп караганнар. Чишмәләрне авылның ихтирамга лаек кешеләре, картлары күзәтеп, карап торган. Һәр йортка су үткәрелгән, кешеләр бөтен уңайлыкларга ирешеп гомер кичергән заманда чишмәләр ни хәлдә яшәп ята соң? Аларга игътибар һәм ихтирам бармы? Авылларыбыз чишмәләргә баймы? Алар ни хәлдә? Без аларның тарихын беләбезме? -дигән сорауларга җавап эзләп 27 июль көне Сауш авылы китапапханәчесе “Ак калфак” берләшмәсенә йөрүче ханымнар белән “Чишмә башы кая барып тоташа” темасы белән экскурсия оештырылды.
29 июль көнне Иске Җөри авыл модель китапханәсендә «Игротека на все лето» дип исемләнгән интеллектуаль уен уздырылды. Чара башында китапханәче балаларны китапханәдә булган өстәл уеннары белән таныштырды, өстәл уеннары танып белү күңел ачу гына түгел, ә эрудицияне үстерү, сүзлек запасын тулыландыру, логик фикерләүне яхшыртуның искиткеч ысулы дип тә сөйләде. Өстәл уеннарының тагын бик файдалы ягы - тере аралашу мөмкинлеге. Балалар өчен вакыт сизелмичә һәм бик күңелле үтте.
Быел фестиваль 2023 ел - Милли мәдәниятләр һәм гореф-гадәтләр елы кысаларында уза. Районыбыз яшьләре дә әлеге чарада катнаша.
Милли мәдәниятләр һәм гореф-гадәтләр елын истә тотып, 28 июль көнне Ямбулат авылында Гашура көне унаеннан «Тамырыбыз исән, без - тере» дигән исем астында авылыбыз өлкәннәре белән чәй табын артында түгәрәк өстәл үткәрелде. Биредә Корьән укылды, вәгазьләр сөйләнде. Кичәбезнен иганәчесе - авылыбызнын мәчетен салдыручы, хәзерге вакытта Яшел үзән шәһәрендә яшәүче Габдрахманов Рафаэль Хажи улы.
28 июль көнне Абде авыл китапханәсендә авыл клубы белән берлектә «Приглашаем всех читать, фантазировать, играть» дип исемләнгән әдәби чара узды. Яшь укучылар яраткан китаплар геройлары белән бергә искиткеч ачышлар һәм маҗаралар белән тулы серле дөньяга сәяхәт итте.
Һәр ел саен 27 июльдә Россиядә Михаил Юрьевич Лермонтовны искә алу көне билгеләп үтелә. Лермонтов иҗаты прозада яңа чорның башы булып санала һәм рус шигъриятенең иң югары баскычында тора. Михаил Юрьевич үзенең китап геройлары, аларның мөнәсәбәтләре аша башка, үзенчәлекле хисләр һәм фикерләр дөньясын ача.
Әлеге чараның максаты - балаларда туган якка, аның тарихын өйрәнүгә кызыксыну уяту, мәхәббәт хисләре формалаштыру. Туган якны өйрәнү викторинасы вакытында балалар туган як тарихына мавыктыргыч сәяхәт кылды, авылның танылган кешеләре турында белде, туган як тарихы һәм табигате турында сорауларга җавап бирде, авыл җирлеге территориясендә нинди елгалар барлыгын искә төшерде. Чара барышында балалар төбәгебез турында белемнәрен күрсәтте, күп сораулар биреп тарихи үткәне белән кызыксынды.
27 июль көнне Теләче районының беренче прокуроры, Татарстан Республикасының юристы, хезмәт ветераны, СССР һәм Татарстан Республикасы язучылар берлеге әгъзасы, язучы, талантлы рәссам, якташыбыз Фәнил Ислам улы Галиевның тууна 84 ел тула. Шул уңайдан ял паркында кычкырып укулар үткәрелде. Шулай ук Теләче үзәк китапханәсенең уку залында китап күргәзмәсе оештырылды.