ЯҢАЛЫКЛАР

7 июль көнне Теләче муниципаль районында «Родник» халыкка социаль хезмәт күрсәтү үзәгенең гаиләгә һәм балаларга социаль ярдәм күрсәтү бүлеге белгечләре балигъ булмаганнар өчен «Минем гаиләм - минем ныгытма» дип исемләнгән бәйрәм программасы үткәрделәр.

Белгечләр балаларны бәйрәмнең тарихы белән таныштырдылар, Петр һәм Феврониянең мәхәббәт легендасы турында сөйләделәр. Гаилә турында шигырьләр һәм әйтемнәр укылды. Социаль педагог Гайнетдинова Ф.Т. әлеге бәйрәмнең символы ромашка булуы турында сөйләде, чөнки ромашка – мәхәббәт, тугрылык һәм чисталык билгесе. Аннан соң балигъ булмаганнар белән  "Мин сиңа ромашка бүләк итәм, аның белән бергә үз мәхәббәтемне бүләк итәм!» дигән акция уздырылды. Акция барышында балалар мәхәббәт һәм үзара аңлашу теләп ромашка тараттылар, асфальтта “Минем яраткан гаиләм” дигән темага рәсем ясадылар.

Соңыннан белгечләр балаларга истәлекле бүләкләр тапшырдылар. Бу бәйрәм һәркемгә яхшы кәеф һәм аралашу шатлыгы бүләк итте.

Җәй ае - иң җылы, иң кояшлы рәхәт ел фасылының берсе. Ә җәйне җиләкләрдән башка күз алдына да китереп булмый. Җиләк ул баларның яраткан тәм-томы гына түгел, ул витаминнар чыганагы да. Шуңа күрә Теләченең беренче номерлы балалар бакчасында ел саен җиләкләргә багышланган атналык була. Балалар бу атнада яраткан җиләкләре турында сөйләштеләр, экскурсиягә чыктылар, рәсемнәр ясадылар, табышмакларга җаваплар таптылар, шигырьләр сөйләделәр.

Җәйге чорның иң популяр бәйрәмнәренең берсе - "Нептун көне". Бу-җәй, су һәм сәламәтлек бәйрәме, анда безнең балалар үзләренең бөтен осталыкларын күрсәтә алдылар. Балалар бик күп уңай эмоцияләр һәм яхшы кәеф алдылар. Әлеге җәйге күңел ачу балаларга уңай хис-кичерешләр генә биреп калмады, шулай ук аларның организмын чыныктыруга ярдәм итте. Җәйге кызу көндә балаларга Нептун искиткеч күңелле чара бүләк итте! Барлык балалар да бик канәгать калдылар!!!

5 нче июльдә Теләче урта мәктәбе “ Дуслык” мәктәп яны сәламәтләндерү лагеренә  РОСТО ДОСААФ" оешмасыннан "Картинг" түгәрәге кунакка килде. Рәис Нуретдинов житәкчелегендә килгән команда, лагерьга йөрүче балаларны түгәрәк эшчәнлеге белән таныштырды. Картинг  машиналары турында сөйләде. Түгәрәккә йөрүче балалар, әлеге "нәни" машиналарда йөреп тә күрсәтте.

Әлеге уңайдан 7 июль көнне Олы Саурыш авылында 59 ел бергә гомер иткән  Зилә һәм Хәлим  Мөхәмәтгалиевларга бүләкләр һәм чәчәкләр белән беррәттән,  “Мәхәббәт һәм тугрылык өчен” медале дә тапшырылды.
Әлеге бүләкләрне ияләренә район Башлыгы Н.Н.Хаҗипов, муниципаль район башкарма комитеты җитәкчесенең социаль мәсьәләләр буенча урынбасары, авыл җирлеге башлыгы, районның Гражданлык хәле актларын теркәү бүлеге җитәкчесе тапшырды. Әлеге күркәм бәйрәм белән котлап исәнлек-саулык, бәхетле карлык, бер-берсенең, якыннарының җан җылысын тоеп яшәүләрен теләделәр.

Бүген, 8нче июль өнне, Теләче 2нче балалар бакчасында "Ромашка белән гаилә, мәхәббәт һәм тугрылык көне" дип исемләнгән музыкаль бәйрәм үткәрелде. Балалар өчен төрле кызыклы конкурслар, уеннар оештырылды. Уеннардан тыш балалар җырладылар, биеделәр, шигырьләр сөйләделәр, бик күңелле ял иттеләр.

Ә җәйне китап белән үткәрү - тагын да кызыклырак! 6 июль көнне Казаклар авылы китапханәсе “Хыялый балачак” берләшмәсе йөрүчеләр өчен яраткан китаплары буенча “Син киңәшчем янымда” дип исемләнгән әдәби круиз үткәрде. Балалар үзләренең яратып укыган китапларыннан өзекләр, шигырьләр укыдылар. Иң күп укылган китаплардан төзелгән викторина сорауларына җаваплар бирделәр. Чара барышында китапханәгә кайткан яңа китаплар белән таныштылар. Әлеге чарадан барлык катнашучылар да өйләрендә уку өчен китаплар һәм журналлар белән киттеләр.

Әбде авыл китапханәсендә Бөтенроссия Гаилә, мәхәббәт һәм тугрылык көненә гадәттәгечә котлау открыткалары әзерләнде һәм  авыл халкына таратылды.

8 июль көнне  район мәдәният йортында мәдәниятт йорты директоры Ф.М. Нагимова, методист З.В.Ибраһимова , авыл мәдәният йорты директорлары, авыл клубы мөдирләре катнашында  чираттагы  киңәшмә узды. Киңәшмәдә сүз грант бәйгеләрендә катнашу, җәйге чорда чаралар уздыру һәм  хәзерге чорда актуаль тема  – прививка ясату хакында барды.

Элек-электән килгән канун бу. Безнең эби-бабайларыбыз да солдатка китүне зурлап үткәргәннәр. Солдатка китәсе кешене бөтен авыл халкы белгән, зурлап армия сафларына озаткан. Бу матур йола: солдатны озату һәм каршы алу күренешләре безнең Баландыш авылында да саклана. 5 нче июль көнне авылыбызның талантлы, җырчы егете Данил Галимовны армиягә озату кичәсендә мәдәният хезмәткәрләре дә катнашып үзләренең изге теләкләрен җиткерделәр. Исән йөреп, сау кайт солдат!