ЯҢАЛЫКЛАР

Язучы, шагыйрә, тәрҗемәче һәм күп кенә татар җырлары авторы Фирая Галиевна Зыятдинованың тууына 80 ел тулу уңаеннан, 12 сентябрь көнне Теләче балалар китапханәсе хезмәткәрләре кече яшьтәге мәктәп балалары белән «Кояшлы әсәрләр» дип исемләнгән китапханә дәресе үткәрделәр. Укучылар шагыйрәнең тормыш юлы һәм иҗаты турында бик күп кызыклы мәгълүмат алдылар, аның шигырьләрен кычкырып укыдылар.  Фирая Зыятдинова - лирик шагыйрә. Аның лирикасы өлкәннәр һәм балалар өчен дә бертигез кызыклы. Әлеге чарага юбилярның әсәрләреннән китап күргәзмәсе  әзерләнде.

Китапханәче китапханә фондында булган яңа китапларга дегустация ясады, бу исә укучыларга яңа әсәрләр белән танышырга мөмкинлек бирде. Күргәзмә белән танышучы һәркем күңелләренә ошаган китапны тапты. Катнашучылар яхшы китапның һәрвакыт дус, ярдәмче һәм киңәшче булуын ассызыклап, китапның катлаулы сорауларга җавап бирә, күңелне күтәрә һәм җанга рухи дәва бирә алуын билгеләп үттеләр. Шулай ук, китаплар ярдәмендә тормышның яктырак, баерак һәм кызыклырак булуы турында фикер алыштылар.

Ел саен 11 сентябрьдә алкогольгә бәйлелек һәм аек яшәү рәвешен популярлаштыру максатыннан Бөтенроссия аеклык көне үткәрелә. 10 сентябрь көнне Айдар авылы китапханәсе һәм мәдәният йорты хезмәткәрләре яшүсмерләр белән “Аек бул-җәмгыятькә лаек бул!” дип исемләнгән мәгълүмат сәгате үткәрделәр.

10 сентябрь көнне Казаклар авылы китапханәсендә “Пушкин картасы” программасы кысаларында үткәрелгән “Татар орнаменты” мастер-классы балалар өчен бик файдалы һәм кызыклы булды. Чара барышында балалар орнаментның нәрсә икәнен, аның ритмик чиратлашу принципларын өйрәнделәр. Шулай ук аларга татар орнаментларының төрле стильләре һәм вариантлары белән танышырга мөмкинлек бирелде. Укучылар, үзләренең иҗади сәләтләрен күрсәтеп, чигү үрнәкләре төшереп, кулъяулыклар чиктеләр. Бу төр мастер-класслар балаларда татар мәдәниятенә һәм гореф-гадәтләренә кызыксыну уята, аларның иҗади сәләтләрен үстерә һәм халыкның мәдәни мирасын саклауда ярдәм итә.

Чарада уенчылар әдәбият өлкәсендәге белемнәрен тикшерделәр һәм биремнәрне үтәделәр. Уен берничә раундтан торды, анда катнашучылар язучылар тормышыннан һәм аларның әсәрләреннән кызыклы фактларны искә төшерделәр, китапның төзелеше буенча сорауларга җавап бирделәр, шулай ук укылган өзектән әсәрнең авторын һәм исемен билгеләделәр. Чара кызыклы һәм мавыктыргыч узды, катнашучыларның әдәбиятка булган кызыксынуын арттырды.

Бу җинаять ришвәт, вазыйфаи ришвәт алу, мошенниклык яки урлау, янап куркыту, милек яки матди байлыкларны туздыру рәвешендә чагыла. 6 сентябрьдә Шәдке авылы мәдәният хезмәткәрләре “Коррупция нәрсә ул?” дигән информация сәгате үткәрделәр. Чара барышында катнашучылар коррупция сүзенең мәгънәсен, аның асылын, эчтәлеген һәм чагылышын, аның белән ничек көрәшергә кирәклеген белделәр. Чарада катнашучылар коррупция темасына “Ришвәт нәрсә ул?” һәм «Ришвәт бүләктән нәрсә белән аерыла?» дигән сорауларга җавап бирделәр.

6 сентябрь көнне Айдар авылы китапханәсендә «Пушкин картасы» федераль программасы кысаларында «Әдәби калейдоскоп» интеллектуаль уены үткәрелде. Чарада укучылар «Хәрефләр буталды», «Ә син беләсеңме?», «Акыл өчен зарядка» кебек мавыктыргыч логик уеннарда катнаштылар. Шулай ук «Әдәби терминнар», «Геройны уйла», «Әдәби калейдоскоп» конкурслары да оештырылды. Укучылар әдәби сорау һәм җаваплар иленә сәяхәт кылдылар, танылган язучыларның тормышы һәм иҗаты турында кызыклы фактларны искә төшерделәр. Уенда катнашучылар китаплардан цитаталар, афоризмнар тыңладылар, авторларны һәм әсәрләрнең исемнәрен билгеләделәр. Чара дустанә атмосферада узды һәм укучыларның әдәбиятка булган кызыксынуын арттырды.

11 сентябрь көнне, Бөтенроссия аеклык көне кысаларында, сәламәт һәм аек яшәү рәвешен пропагандалау максатыннан, Теләче үзәк китапханәсе хезмәткәрләре «Трезво жить здорово» дип исемләнгән мәгълүмати-профилактик акция үткәрделәр. Акциядә катнашучыларга алкогольнең кеше организмына зыяны һәм кире кайтарылмый торган йогынтысы турында мәгълүмат бирүче буклетлар тапшырылды. Әлеге акция кешеләрне алкоголь куллануның куркынычлары турында уйланырга,  үз сәламәтлегенә җаваплы карарга этәрә.

Олы Мишә урта мәктәбе укучылары, Ватанны саклаучылар елы уңаеннан патриотик тәрбия бирү максаты белән, Бөек Ватан сугышы турындагы китаплар һәм авылыбызның сугыш һәм тыл ветераннары турында мәгълүмат тупланган альбомнар белән таныштылар.

10 сентябрь көнне “Туган авыл” кафесында Теләче җирлекара китапханәсе һәм балалар китапханәсе хезмәткәрләре “Чәй өстәле – гаиләнең җаны” милли аш-су әзерләү буенча РСФСРның Атказанган сәүдә хезмәткәре Юныс Әхмәтҗәнов исемендәге район бәйгесендә катнашып “Десерт” номинациясендә I урынга лаек булды.