ЯҢАЛЫКЛАР
Әлеге очрашу «Твои соседи по планете» дигән девиз астында үтте. Барлык теләүчеләр бу көнне бәйрәмнең килеп чыгу тарихы һәм әһәмияте турында белделәр. Китапханәне «Вы мои пушистые, вы мои пернатые!» дигән күргәзмә бизәде. Күргәзмәдә кызыклы китаплар һәм энциклопедияләр урын алды. Алар планетаның кыргый һәм йорт хайваннары дөньясы, аларны саклау һәм юкка чыга торган төрләре турында сөйлиләр. Танып-белү программасы барышында укучылар танылган балалар язучылары В.Бианки, Н.Сладков, Е. Чарушин, Г. Снегирев, М. Пришвин һ. б. китаплары белән таныштылар, хайваннарга багышланган викторина сорауларына җавап бирделәр,
Бу көнне, Шармаш авыл китапханәсендә «Закружилась листва золотая» дигән исем астында китап күргәзмәсе һәм С. Есенинның иҗатына күзәтү ясалды. Китап укучыларга шагыйрьнең тормышы һәм иҗаты турында материал тәкъдим ителде. «Есенина песню поёт нам осень…» дигән альбом да әзерләнде.
Презентациядә Татарстан Республикасының үткәне һәм бүгенгесе турында материаллар тәкъдим ителде. Әлеге презентация ярдәмендә без китап укучыларда туган илебезгә, республикабызга карата мәхәббәт, гражданлык җаваплылыгы, ватанпәрвәрлек һәм Татарстаныбыз өчен горурлык хисләре тәрбияләргә тырыштык.
2 октябрь көнне Теләче балалар китапханәсендә «Укытучы – җирдә төп һөнәр иясе» дип исемләнгән иллюстрацияле китап күргәзмәсе төзелде. Әлеге күргәзмәдә төрле заманнардагы укытучылар тормышын сурәтләгән сәнгать әсәрләре, документаль повестьлар һәм хикәяләр урын алды. Ч.Айтматовның «Первый учитель» һәм А.Платоновның «Песчаная учительница» сы китап укучылар игътибарын нык җәлеп итте. Шулай ук, В.Распутинның «Уроки французского» китабыннан педагогларның сугыш вакытындагы һәм сугыштан соңгы еллардагы әхлакый кыйммәтләренең үзенчәлекләре турында укып белергә мөмкин иде.
Хөрмәтле коллегалар! 20 октябрь көнне 10.00- 15.00 сәгатьләрдә“ Хатын – кызлар хезмәтен саклау: хокуклар һәм гарантияләр” темасына кайнар линия үткәрелә. Адресы: Казань шәһәре, К.Маркс урамы , 31/7 йорт. Телефон: 8(800) 201-16-00 буенча мөрәҗәгать итәргә мөмкин.
Татарстан Республикасы хезмәт, халыкны эш белән тәэмин итү һәм социаль яклау министрлыгының Теләче муниципаль районындагы «Родник» халыкка социаль хезмәт күрсәтү комплекслы үзәгенен гаиләгә һәм балаларга социаль ярдәм бүлекчәсе социаль педагогы Гайнетдинова Ф.Т. « Әкияттә кунакта» технологиясе кысаларында, А.С.Пушкинның «Алтын әтәч турында әкият» белән чираттагы дәрес үткәрде. Әкиятне тыңлаганнан соң, сюжетны һичшиксез уйнап карау зарур. Шулай ук "Тавыш буенча тап" уены уйнатылды. Максаты: хайваннарның тавышларын ишетеп аеру.
Теләче муниципаль районының «Родник» халыкка социаль хезмәт күрсәтү комплекслы үзәге каршындагы гаиләгә һәм балаларга социаль ярдәм күрсәтү бүлекчәсе белгечләре «Мәрхәмәтле йөрәкләр» дигән ведомствоара акциядә катнаштылар. Акциянең максаты - авыр тормыш хәлендә булган гаиләләрнең проблемаларына җәмәгатьчелек игътибарын җәлеп итү һәм ярдәм күрсәтү. Акция барышында белгечләр биш бала тәрбияләнә торган күп балалы гаиләдә булдылар. Авыр тормыш хәлендә калган гаиләгә балалар уенчыклары һәм азык-төлек рәвешендә хәйрия ярдәме күрсәтелде. Игелекле эшләр сизелми калмый - алар ярдәмгә мохтаҗларга якты маяк сыман яктырта.
3 октябрь көнне Әбде авыл китапханәсендә бөек рус шагыйре С.Есенинның тууына 125 ел тулу уңаеннан «И памятник ему - природа, зеленая планета пьедестал» дип исемләнгән китап күргәзмәсе оештырылды һәм укучылар өчен шигырь сәгате үткәрелде. Сергей Есенинның Россиягә, аның каеннарына һәм табигатенә карата мәхәббәт темасы бик дулкынландыра. Юкка гына аны Россиянең иң патриотик шагыйре дип атамыйлар. Чара барышында китапханәче укучыларны тематик күргәзмәдә тәкъдим ителгән китаплар белән таныштырды.
Бу көн, зирәклек һәм күңел юмартлыгы биргән өлкәннәргә карата зур кайгыртучанлык һәм игътибар күрсәтү ункөнлеген ача. Өлкәннәр мондый игътибарга бик шат һәм һәрвакыт түземсезлек белән көтәләр. Шул уңайдан Субаш авыл мәдәният хезмәткәрләре өлкәннәрне тәбрикләп, өйләренә барып күчтәнәч пакетлар өләштеләр.