Мәрхәмәтле йөрәкләр.

2020 елның 23 октябре, җомга

Теләче муниципаль районының «Родник» халыкка социаль хезмәт күрсәтү комплекслы үзәге каршындагы гаиләгә һәм балаларга социаль ярдәм күрсәтү бүлекчәсе белгечләре «Мәрхәмәтле йөрәкләр» дигән ведомствоара акциядә катнаштылар. Акциянең максаты - авыр тормыш хәлендә булган гаиләләрнең проблемаларына җәмәгатьчелек игътибарын җәлеп итү һәм ярдәм күрсәтү. Акция барышында белгечләр биш бала тәрбияләнә торган күп балалы гаиләдә булдылар. Авыр тормыш хәлендә калган гаиләгә балалар уенчыклары һәм азык-төлек рәвешендә хәйрия ярдәме күрсәтелде. Игелекле эшләр сизелми калмый - алар ярдәмгә мохтаҗларга якты маяк сыман яктырта.