ЯҢАЛЫКЛАР
Без үткәнебез, милли мәдәниятебезнең матурлыгы һәм байлыгы, үзебезнең бәйрәмнәр һәм гореф-гадәтләребез турында онытмаска тиеш. Безнең балалар гасырлар буена бирелгән гореф-гадәтләр җимерелгән чорда яши. Бию, уеннар, җыр-биюләрдә калган «борынгы» ның да исән калуына ышанасы килә. Шуны истә тотып, Айдар мәдәният йорты эшчеләре балаларны һәм яшүсмерләрне татар халык мәдәнияте чыганакларына җәлеп итү өчен үз эшебезне башлап җибәрәбез. Инде 5 ел дәвамында Айдар мәдәният йортында ел саен җәен "Сабантуй -балалар бәйрәме” үткәрелә.
2020 елның 07 августында Теләче муниципаль районының «Родник» халыкка социаль хезмәт күрсәтү үзәге социаль педагоглары Гайнутдинова Ф.Т. һәм Хөсәенова Л. З., Россиянең бай киномирасы белән танышу максатыннан, күп балалы гаиләдәге балигъ булмаган балалар өчен «Кинолето» акциясе буенча фильм карау һәм фикер алышу оештырдылар. Акция кысаларында «Югалган вакыт турында әкият» фильмы каралды. Карау тәмамланганнан соң белгечләр фильм турында фикер алышуны оештырдылар. Әкият балаларга бик ошады. Алар специалистларга рәхмәт белдерделәр һәм алга таба да фильм һәм әкиятләр карауны дәвам итәргә теләк белдерделәр.
Гаилә никадәр нык булса, аннан килгән җылылык та шулкадәр көчле була. Әти – әни аның тоткасы булса, балалар – гаиләнең көзгесе. 8 август көнне Урта Мишә авылы мәдәният хезмәткәрләре “Гаиләм - горурлыгым” дип исемләнгән рәсем ясау конкурсы оештырылдылар.
Без, китапханәчеләр, иҗат кешеләре, һәрвакыт китап укучылар өчен кызыклы әйберләр уйлап чыгарырга тырышабыз, ә кайвакыт ниндидер фикерне нигез итеп алабыз һәм үз эшебездә кулланабыз. Шундый формаларның берсе – «квилт». Китапханә квилтының асылы шунда: кисәкләрдән билгеле бер тема буенча плакат ясау. Бу очракта ул законнарга багышланган иде. Аны тутыруда 10 бала катнашты. Балалар законнарның атамаларын үзләренең күзаллаулары буенча тулыландырды һәм нәтиҗәдә кызыклы фикерләр белән бизәлгән «кисәкле тукыма» килеп чыкты.
Мәдинә Габделхак кызы Маликова 1935 елның 5 августында Татарстан АССРның Сарман районы Мортыш Тамагы авылында колхозчы гаиләсендә туган. Аның әдәби иҗат юлындагы беренче адымнары журналистик язмалардан башлана. Язучыны яшьләр арасындагы мөнәсәбәтләр, гаилә һәм тәрбия проблемалары, кешенең җәмгыятьтәге урыны, бурычы, хезмәткә карашы мәсьәләләре кызыксындыра. Бу темалар язучы иҗатының төп эчтәлеген тәшкил итәләр.
8 август көнне Теләче җирлекара китапханәсе хезмәткәрләре үзәк ял паркында күренекле татар язучысы, драматург, Г.Тукай исемендәге Дәүләт премиясе лауреаты, Зөлфәт Хәкимгә 60 яшь тулу уңаеннан күргәзмә оештырды һәм укучыларыбызны аның иҗаты белән таныштырды. Шулай ук балалар белән “Әкият – ул тылсым һәм могҗиза” дип исемләнгән әдәби викторина үткәрелде. Биредә малайлар һәм кызлар татар халык әкиятләрен искә төшерделәр.
7 нче август көнне Теләче урта мәктәбендә 5 нче сыйныф укучыларының ата - аналары җыелышлары булып үтте. Җыелышта мәктәп директоры Хафизов Айнур Фирдавесович һәм директор урынбасары А.П. Пашина бишенче сыйныфларда җитәкчеләре, укыту планы, укытучылар белән таныштырдылар.
Бүген икенче август көнне балалар арасында велосипедта ирекле йөрү уздырылды.Бу чарада төрле сыйныф укучылары катнашты.Чара саф һавада булу,сәламәтлекне ныгыту максатыннан үткәрелде.Балалар анда бик теләп катнаштылар.
6 август көнне Урта Мишә авылы мәдәният хезмәткәрләре, укучылар арасында бердәмлек, татулык һәм мәрхәмәтлелек хисе тәрбияләү, үз – үзеңне саклау кагыйдәләрен һәм якыннарыңның куркынычсызлыгын кайгыртырга өйрәтү уңаеннан “Без экстремизмга каршы” исемле темага балалар белән әңгәмә үткәрделәр.“Үзеңне ничек сакларга” исемле буклет белән таныштылар.
Чыннан да, авылыбызнын яшеллеккә күмелгән инеш буйларына,челтерәп аккан чишмәләренә,тауларына сокланмый мөмкин түгел. Менә шул матурлыкны конкурста катнашучылар кәгазь битенә тошерделәр. Ахырдан җиңүчеләргә мәдәният йорты каршында бүләкләр тапшырылды.