ЯҢАЛЫКЛАР

Мәктәпкәчә белем бирү учреждениеләре арасында юл хәрәкәте кагыйдәләре буенча "Яшел ут" бәйгесенә йомгак ясалды. Җиңүчеләрне    Теләче районы буенча  ЮХИДИ җитәкчесе, полиция капитаны И. Х. Кәримуллин һәм ДБУнең Казан шәһәре территориаль идарәсенең профилактика бүлеге Саба районы бүлеге җитәкчесе Ягъфәрова Г.Н. бүләкләделәр.  Безнең Теләче 3нче номерлы балалар бакчасы әлеге бәйгедә лаеклы 2нче урынны яулады. Котлыйбыз!!!

29 гыйнвар көнне Баландыш төп мәктәбе укучылары  " Солдатка аш Теләче" волонтерлары белән очраштылар. Волонтер Рәфилә апалары балаларга солдатларга аш, чәй әзерлэу технологиясе турында сөйләп аңлатты, штабнын эшчәнлеге белән таныштырды. Хәрбилэребезгә мәктәп коллективы һэм укучыларның әти- әниләре  ярдэме белән кирәк – яраклар  жыеп тапшырылды, шулай ук укучылар  сетка үрүдә дә актив  катнаштылар. Мондый очрашулар балаларда ярдәмчеллек, кешелеклелек , ватанпәрвәрлек, җаваплылык сыйфатлары тәрбияли.

 Күргәзмәдә әдипнең тормышы һәм иҗаты турында материаллар, өлкәннәр өчен дә, балалар өчен дә әсәрләре куелды.   Китапханәдә китап укучылар аның авыр язмышы турындагы әдәбият, Г.Тукай турындагы башка язучылар һәм шагыйрьләрнең фикерләре белән таныша алачак. Габдулла Тукай татар әдәбияты тарихына милли поэзиягә нигез салган һәм аның классик стилен тудырган бөек шагыйрь буларак кереп кала. Нибары 27 ел яшәгәннән соң, үзенең таланты һәм тирән фикерләве аркасында, ул үз милләтенең иң бөек фикер иясе һәм публицисты булып санала. Бүгенге көндә дә Г.Тукай китапларын китап укучылар бик яратып укыйлар.

29 гыйнварда Балалар иҗат үзәгендә "Мәктәпкә старт" берләшмәсенең ачык дәресе узды, аны өстәмә белем бирү педагогы Аглямова Г.И. үткәрде. Беренче яртыеллык тәмамлануга багышланган чара: "Без мәктәп укучылары диярлек!"- дип аталды.

Теләче 3 нче номерлы балалар бакчасында тәрбияләнүчеләр Абдуллин Риназ,Галиев Ильзат,Хадиева Аделина,Ханипова Гаухар (тәрбиячеләре Сәетова Д.Р., Шакирова Г. И.) «Бозда һәм суда уяу булырмын» дигән республика рәсем һәм видеороликлар бәйгесендә катнаштылар. Әлеге бәйгедә «Бозда куркынычсызлык» дигән видеосы җибәрелгән иде. Бәйге йомгаклары буенча безнең тәрбияләнүчеләр җиңүче булдылар. Тәрбиянүчеләр  Казан шәһәренең Россия гадәттән тыш хәлләр министрлыгының Татарстан Республикасы буенча Баш идарәсе ГИМС Үзәгенең дипломнары һәм кубок белән бүләкләнделәр! Яшь җиңүчеләрне котлыйбыз!

Чара барышында китапханәче балаларны мәкальләр һәм әйтемнәр дөньясы белән җентекләп таныштырды, халык иҗатының әһәмияте һәм аның безнең тормышка йогынтысы турында сөйләде. Чарада катнашучылар мәкальләрдә тормышның барлык очракларына җавап табарга мөмкин икәнен белделәр. Балалар үзләренең эрудицияләрен һәм халык зирәклекләрен белүләрен күрсәтеп, тематик викторинада актив катнаштылар. Чара җылы дустанә атмосферада узды, барлык катнашучыларда якты тәэсирләр калдырды.

Айдар авыл китапханәсендә 28 гыйнвар көнне илебез тарихындагы иң фаҗигале битләрнең берсенә багышланган «Ленинград блокадасы елъязмасы» дигән батырлык дәресе үткәрелде. Ленинград блокадасы-ул тыныч халык һәм балалар өлешенә дә төшкән гаҗәеп батырлык һәм куркыныч сынаулар тарихы.

27 гыйнвар көнне Сауш авылы китапханәчесе Сәйфетдинова Р.М. Холокост корбаннарын искә алу көненә багышлап «Холокост: халык фаҗигасе» - дип исемләнгән хәтер сәгате үткәрде. Чара барышында китапханәче чарада катнашучыларны Холокост фаҗигасе белән бәйле төп төшенчәләр белән таныштырды. Чарага “Холокост: тарих, хәтер, язмышлар” исемле китап күргәзмәсе куелды, анда әлеге фаҗигале вакыйгалар турында сөйләүче китаплар тәкъдим ителде. Безнең  бурычыбыз – һәлак булганнарны истә тоту, исән калганнарны хөрмәт итү һәм кешелекнең үзара аңлашуга һәм гаделлеккә омтылышын яклау һәм булдыру.

Холокост корбаннарын искә алу көненә багышлап,  Айдар авыл китапханәсендә мәдәният йорты белән берлектә 7-9 класс укучылары өчен  «Холокост! Буыннар хәтере» дип исемләнгән тематик сәгать уздырылды. Китапханәче чарада катнашучыларны Холокост фаҗигасе белән бәйле төп төшенчәләр белән таныштырды, фашизмның күпсанлы корбаннары, үлем лагерьларында күпләп юк ителгән яһүд халкын кыру турында сөйләде. Балалар сугыш вакытында халыкның ничек яшәгәнен, нинди кыенлыклар белән очрашырга туры килгәнен, лагерьларда олылар һәм балалар нинди коточкыч хәл кичергәнен белделәр. Безнең бурычыбыз – һәлак булганнарны истә тоту, исән калганнарны хөрмәт итү һәм кешелекнең үзара аңлашуга һәм гаделлеккә омтылышын яңадан раслау.

Без, кызганычка каршы, күп кешеләр өчен актуаль булып калган проблема-наркотиклар турында сөйләштек. Әңгәмә барышында китапханәче һәм клуб мөдире наркотик матдәләр куллануның куркынычлыгы, аларның кеше организмына ничек агрессив йогынты ясавы һәм тиз арада бәйлелек формалаштыруы турында сөйләделәр, шулай ук наркотиклар куллана башлау сәбәпләре турында фикер алыштык.