ЯҢАЛЫКЛАР
Аларның чакыруын Кече Кибәхуҗа төп гомуми белем бирү мәктәбе базасындагы «Балалар иҗат үзәге”нең «Стиль һәм мода» түгәрәгенә йөрүче балалар хуплап алдылар. Шаипова Раъно Исам кызы җитәкчелегендә балалар госпиталь өчен йөзләп мендәр тегеп, күңелләренең бер өлешен салдылар.
Холокост – нацистлар тарафыннан Европада яшәгән яһүдләрне күпләп юк итүне чагылдыган термин булып санала. Шул уңайдан 27 гыйнвар көнне Максабаш авылы мәдәният хезмәткәрләре "Фаҗига кабатланырга тиеш түгел” дигән исем астында тематик сәгать үткәрделәр. Алар яшьләрне Холокост фаҗигасе белән бәйле төп төшенчәләр белән таныштырдылар. Кызганыч статистика күрсәткәнчә, Освенцим миллион ярымнан да ким булмаган гаепсез кешеләрне, шул исәптән хатын-кызлар һәм кечкенә балаларны һәлак иткән. Кайгылы бәйрәм көне Холокост корбаннары турында онытырга мөмкинлек бирми һәм бөтен дөнья гражданнарына аларны искә алу мөмкинлеге бирә.
27 гыйнвар көнне, Алан урта гомуми белем бирү мәктәбе укучылары өчен XX гасыр тарихының ике фаҗигале һәм онытылмаслык вакыйгалары— Холокост корбаннарын искә алу һәм Ленинград блокадасына багышланган тирән мәгънәле һәм бик әһәмиятле патриотик чара узды. 27 гыйнварның бу вакыйгалары- тиңдәшсез рәхимсезлек һәм бөек батырлык символына әверелделәр. Өлкән сыйныф укучылары блокада көндәлекләре һәм хатларын уку аша, шул чор кешеләренең аяныч һәм куркыныч язмышлары белән таныштылар һәм фикер алыштылар. Безнең бурычыбыз - балалар белән мондый очрашуларны тарихи даталарны искә төшерү уңаеннан гына түгел, ә кисәтү буларак та үткәрү. Очрашу миллионлаган һәлак булучылар истәлегенә бер минут тынлык белән тәмамланды.
21 нче гыйнвар көнне Теләче урта мәктәбенең мәктәп паркында «Күрше» гранты проекты кысаларында Балалар иҗат үзәге коллективы «Бергә җылынабыз» дигән масштаблы күңел ачу-спорт уены уздырды. Чарага чын кышкы адреналинга әзер сигез яшьләр һәм сигез гаилә командасы җыелды.
Балалар Ленинград чолганышының иң фаҗигале бите – шәһәрне фашист илбасарлары камап алуы белән таныштылар, камалышта калган шәһәрдә көндәлек алып барып, үзләреннән киләчәк буынга шул дәһшәтле еллар турында истәлек калдырган ике кыз - Таня Савичева белән Тана Вассоевич турында белделәр. Чолганыш вакытында һәлак булган балалар һәм яшүсмерләргә багышланган «Тормыш чәчәге» монументы һәм «Тормыш юлы» башланган урында Ладога ярында урнашкан «Өзелгән боҗра» мемориалы – Ленинградны олы җир белән тоташтыручы бозлы күл буенча узучы куркыныч трасса турында хикәя тыңладылар. Шулай ук, шушы чарада катнашучы малайлар ленинградлылар күкрәгендә балкучы кечкенә калай значок «Блокада карлыгачы» турында ишеттеләр.
2026 елның 23-26 гыйнварь көннәрендә Казан шәһәрендә Физик культура буенча республика олимпиадасының йомгаклау этабы узды. Теләче урта мәктәбенең 6 сыйныф укучысы Гиниятов Әмир, 8 сыйныф укучысы Галимова Нәфисә призер булдылар (җитәкчеләре Хәкимов Рафил Рефат улы).
2026 елның 12-17 гыйнварында Казан шәһәрендә Татарстан Республикасы гомуми белем бирү оешмаларының 8-11 сыйныф укучылары арасында биология фәне буенча укучылар олимпиадасының төбәк этабы узды. «Үзәк урта гомуми белем бирү мәктәбе» 9 сыйныф укучысы Давлетшин Рүзәл биология фәнебуенча республика олимпиадасы призеры булды. Призерны Узәк урта мәктәбенең биология укытучысы Николаев Анатолий Владимирович әзерләде. Призерны һәм укытучыны югары результат белән котлыйбыз һәм аларга алга таба уңышлар һәм яңа казанышлар телибез!
23-25 гыйнварь көннәрендә Казан шәһәренең Идел буе физик культура, спорт һәм туризм дәүләт университетында россия куләмендә физик культура буенча олимпиада уткәрелде. Олы Нырсы урта мэктэбенең 9 сыйныф укучысы Гаязов Азамат әлеге олимпиада да катнашып мини-футбол буенча 1 урын, волейбол буенча 2 урынга лаек булды. Общий баллар буенча Россия командалары арасында 5 урында. Килэчэктэ дэ зур унышлар телибез.
23 гыйнвар көнне Иске Җөри авыл модель китапханәсе китапханәчеләре Иске Җөри балалар бакчасы тәрбиячеләре белән берлектә, «Кызыл китап битләре буйлап сәяхәт» дигән тема буенча экологик әңгәмә үткәрделәр. Экологик әңгәмә-югалып баручы үсемлекләр һәм хайваннар дөньясы, аларның катлаулы язмышы турында белү, планетабызның биологик төрлелеген саклау һәм һәрберебезнең нәрсә эшли алуын аңлау өчен уникаль мөмкинлек ул. Чара барышында викторина сорауларына һәм хайваннар турындагы табышмакларга җавап биреп, балалар бик күп яңа һәм кызыклы мәгълүмат белделәр. Китап-иллюстратив күргәзмәдә тәкъдим ителгән әдәбият һәм хайваннарның төсле фотосурәтләре балаларга сорауларга җавап бирергә ярдәм итте.
Чара башында китапханәче язучының тормыш юлы һәм иҗаты турында җентекләп сөйләде. Сатирик язучының иҗаты күптөрле, әмма аның гаять зур мирасы арасында олылар да, балалар да яратып укый торган мавыктыргыч әкиятләре аеруча популяр. Әдип үзенең әкиятләрендә халыкның талантлы булуын күрсәтә. Аларда хезмәт ияләре хисабына яшәүчеләргә карата нәфрәт, акыл һәм гаделлек җиңеп чыгуына ышаныч чагыла. Презентация беркемне дә битараф калдырмаган «Повесть о том, как один мужик двух генералов прокормил» әкияте турында фикер алышып узды. Һәркем үз фикерен әйтте.