ЯҢАЛЫКЛАР
15 май көнне табигатьнең яшьлеккә күмелгән, иң гүзәл вакытында Халыкара гаилә көнен билгеләп үтәбез. Гаилә - кешенең таяныр ноктасы, һәркем өчен кадерле урын. Ул кешене шәхес буларак формалаштыра, рухи һәм әхлакый тәрбия бирә, иң матур гореф-гадәтләрне сакларга һәм үстерергә ярдәм итә. Гаилә бәйрәме дә бәхетле булуның һәм үзара аңлашып яшәүнең кыйммәтен тагын бер мәртәбә искәртә. Шул уңайдан Югары Кибәхуҗа авылы китапханәчесе “Китаплы гаилә – бәхетле галә” дип исемләнгән түгәрәк өстәл артында сөйләшү үткәрде. Чара барышында гаиләләрдә килеп чыга торган проблемалар һәм аларны чишү юлларын табу турында сөйләнде. Шулай ук, З.Шәфигыйнең “Гаилә серләре” дигән китабына күзәтү ясалды.
Шул уңайдан, Теләче балалар китапханәсендә иң күп китап укучы өч гаилә катнашында “Гаилә белән укыйбыз” дип исемләнгән бик тә матур чара үткәрелде. Китапханәгә Сафиннар, Трофимовлар һәм Сабировлар гаиләсе чакырылды. Әлеге гаиләләрнең балалары кечкенәдән китапханәдә үткәрелгән төрле чараларда, бәйгеләрдә еш катнашалар.
2024 елның 27 маеннан алып 2024 елның 07 июненә кадәр туристлык хезмәтләре кулланучылар сорауларына ТР буенча Роспотребнадзор идарәсенең Саба, Мамадыш, Кукмара, Теләче районнары территориаль бүлеге белгечләре 884(362) 2-39-40 телефоны буенча җавап бирәчәк
27 майда, Байлар Сабасы Балалар иҗаты үзәгендә, В.З.Гарифуллин исемендәге “Гаилә елы” һәм “ Фәнни-техник үсеш елы”на багышланган “Серле каләм” иҗат бәйгесе узды. Конкурста Саба, Теләче, Балтач, Арча районнарыннан 50 дән артык укучы катнашты.
Без балаларга терроризмның нинди коточкыч афәт булуын аңлатырга тиеш. Казаклар авылы китапханәсендә яшүсмерләр өчен "Терроризмга каршы бергәлеп" дип исемләнгән мәгълүмат сәгате узды.
Бүген, ягъни 27 май көнне, муниципаль район башлыгы Нәҗип Хаҗипов, район авыл хуҗалыгы һәм азык-төлек идарәсе җитәкчесе Ралиф Низаметдинов белән берлектә, районыбыз кырларында булып, игеннәрне тәрбияләү (корткыч бөҗәкләргә, авыруларга һәм чүп үләннәренә каршы эшкәртү) эше белән танышты.
Тамбур тәрҗемәдә чигү, рәсем тутыру өчен кулланыла торган чылбырны тегүне аңлата. Бу борынгы һөнәр күп халыкларда һәм милләтләрдә бар. Җепләрнең якты төсләре, буыннан-буынга тапшырыла торган орнаментлар, искиткеч эш техникасы ягымлылык һәм соклану уята.
Шул уңайдан, 25 май көнне Урта Мишә авыл китапханәсендә «Кил, укы, эзлән, ял ит - китапханә ишекләре һәрвакыт ачык!» дип исемләнгән түгәрәк өстәл артында очрашу булып узды. Китапханәче төрле китапханәләр, аларның тарихлары, китапханәче һөнәре турында сөйләде. Чара барышында шигырьләр, яңа китаплардан өзекләр укылды, матур, җылы теләкләр яңгырады. Ә иң мөһиме - китап укучыларыбызның китапханәнең изге урын, кешелек еллар буе туплаган, бәяләп бетермәслек байлык икәнен тану булды.
Татарстанда фәнни-технологик үсеш елы кысаларында Баландыш авыл китапханәсе «Балалар күзлегеннән фән дөньясы» дигән рәсем конкурсы оештырды. Фән - күңелле, мавыктыргыч, иҗади, иң мөһиме-искиткеч кызыклы. Балалар - кечкенә иҗатчылар гына түгел, ә соңыннан, бәлки, зур галимнәр - фән белән шөгыльләнүчеләр булырлар. Фән балага үз сәләтләрен ачу, үзендә иҗади башлангыч үстерү өчен искиткеч мөмкинлек бирә. Һәрбер бала үзенең фантазиясенә таянып рәсемнәр ясады.
Балалар кроссвордларны һәм логик табышмакларны чиштеләр. Максат: укучыларда танып белү кызыксынуын үстерү, аларны үз-үзләрен эшләргә өйрәтү, үзләрен һәм белемнәрен күрсәтергә мөмкинлек бирү. Кроссвордларны чишкәндә укучылар мөстәкыйльлек ала, дәрес уен формасында яңа белемнәрне үзләштерергә мөмкинлек бирә.