ЯҢАЛЫКЛАР

ноябрь, 2015 ел

сишәмбе

3 нче ноябрь көнне Теләче Үзәк балалар китапханәсендә «Толерантность - это дружба, труд и уважение» дип исемләнгән китап күргәзмәсе оештырылды.

Биредә яхшылык һәм явызлык, әдәп һәм әхлак турындагы әдәбият, шулай ук төрле караштагы язучыларның толерантлык темасын ачып биргән әсәрләре тәкъдим ителде. Атна буена китапханәгә килүчеләр белән Әдәплелек атнасы, толерантлык һәм кешелеклелек турында аерым әңгәмәләр үткәрелде.

2015 елның 3 ноябре көнне авыл хуҗалыгы һәм азык-төлек идарәсе җитәкчесе бүлмәсендә 2015 елны уку йортларын бетереп район хуҗалыкларына эшкә кайткан яшь белгечләр белән очрашу булып үтте.

Идарә җитәкчесе Р.Х.Низаметдинов яшь белгечләрне кызыксындырган сорауларга җавап бирде һәм аларга эшләрендә уңышлар теләп калды.

Ачы авыл китапханәсендә «Унылая пора, стояла осень у двора» исеме астында көзге бал кичәсе үткәрелде. Бу чара авылның яшен-картын бергә җыйды.

31 октябрь көнне Ачы авыл китапханәсендә мәктәп яшендәге балалар белән “Что на грядке выросло” дип аталган КВН уены уздырылды.

4 ноябрь – Халыклар бердәмлеге көне. Дәүләт күләмендәге бу бәйрәм 1612 елгы тарихи вакыйгаларга барып тоташа.

Халыкара бердәмлек көне буларак, 2005 елдан билгеләп үтелә. Теләче җирлекара китапханәсендә әлеге бәйрәмнәргә багышланган күргәзмә оештырылды.

2015 елның 30 нчы октярь көнне «Родник» халыкка социаль ярдәм күрсәтү үзәгең гаиләгә һәм балаларга социаль ярдәм күрсәтү бүлеге хезмәткәрләре аз керемле гаиләләрдән булган 9 баланы Мамадыш районыныда урнашкан «Надежда» лагерына җибәрделәр.

Халыкның аерым бер мәхәббәт белән яраткан җырчылыры, артистлары, композиторлары була.

Халык шулай ихтирам иткән таланталарның берсе – күренекле композитор, татар опера театрына нигез салучыларның берсе Сара Садыйкова. 1 ноябрьдә Татарстанның атказанган артисткасы, Татарстанның халык артисткасы, Россиянең атказанган сәнгать эшлеклесе дигән мактаулы исемнәр, Татарстанның Г.Тукай исемендәге Дәүләт бүләге иясе Сара Садыйкованың туган көне билгеләп үтелә.

Теләче Үзәк балалар китапханәсендә, Халыклар бердәмлеге көне уңаеннан, танып – белүгә корылган күргәзмә – күзәтү оештырылды.

Аның кысаларында, китап укучыларга «С днем народного единства! С датой светлой ноября!» дигән исем астында фәнни – популяр һәм әдәби әсәрләр тәкъдим ителде. Шулай ук балалар бәйрәмнең тарихы белән дә таныштылар.

Олы Мәтәскә мәдәният йортында "Сандугач" җыр берләшмәсенә йөрүче балалар белән,7 нче ноябрь көнне Алан мәдәният йортында узачак "Җырлар агыла туган якта" фестиваль-конкурсына репетиция үткәрелде.

Әбде авыл китапханәсендә “Капустные вечёрки» дигән фольклор бәйрәмгә әзерлек бара. Әлеге чара халык традицияләрен яңарту максатыннан үткәрелә.