Муниципаль районнар Теләче муниципаль районы

ЯҢАЛЫКЛАР

ноябрь, 2015 ел

сишәмбе

4 ноябрь Россия күләмендә халыклар бердәмлеге көне буларак билгеләп үтелә. Беренче тапкыр бу бәйрәм Россиядә 2005 елда үткәрелә.

Шул уңайдан Шәтке авылы китапханәсендә "Бергә булыйк, бердәм булыйк" дип исемләнгән китап-күргәзмә ясалды.

Кече Кибәхуҗа төп мәктәбенең һәм Олы Кибәхуҗа башлангыч сыйныф укучылары Казаклар авылы китапханәсендә кунакта булдылар.

Алар яңа кайткан китаплар белән таныштылар, таушалган китапларны төзәттеләр, шулай ук Бөек Ватан сугышында катнашучылар хөрмәтенә куелган һәйкәл янында булдылар.

30 октябрь көнне Урта Мишә авыл китапханәсендә "Әдәпле булу җиңелме?” дип исемләнгән мәгълүмат сәгате үткәрелде.

Китапханәче Мухаметшина Г. “Әдәпле кеше нинди була”? “ Әдәплелек кагыйдәләре нинди”? сорауларына балалар белән әңгәмә үткәрде. Әкият геройлары аша әдәпле кешенең сыйфатлары ачыкланды.

Һәр халыкның үз теле, мәдәнияте, үзе барлыкка китергән аш-суы була.

Бу халыкның яшәү урынына, тарихына, экономикасына бәйле. Шулай булса да, халыклар арасында бер-берсе белән тәҗрибә алмашу аш-су өлкәсендә дә электән булган. Шармыш авыл китапханәсендә төрле илләрнең аш-суга осталыгын чагылдырган күргәзмә оештырылды. Монда китаплар, газета-журналлар, альбом һәм сүзлекләр урын алды.

Айдар мәдәният йорты фойесында борынгы җиһаз-экспонатлардан торган "Үткәннәрне онытма син!" - дип аталган музей почмагы эшләп килә.

Әлегеге күргәзмә әби- бабаларыбызның эш коралларын, әвәлге табак- савытлар, табагыч һәм көянтә кебек экспонатларны үз эченә ала.Яшь буынга үткән заманның тарихын ачып бирүдә зур өлеш кертә. Туган- якның көн- күрешен, борыгны чорның эш рәвешен аңлатуда булыша.

31 октябрь көнне Әбде мәктәбе белән берлектә мәдәният хезмәткәрләре «Көзге бал» бәйрәме үткәрделәр.

Кичә биюләр, төрле күңелле уеннар, сценкалар белән үрелеп барды.

Олы Мишә урта мәктәбендә педагог-оештыручы Шәрифуллина Гүзәл Гаяновна җитәкчелегендә көзге ярминкәләр гөрләп уза.

Ярминкә “Көзге бал” уздырыласы көнне оештырыла. 31 нче октябрь көнне дә мәктәбебез шау-гөр килеп торды.

Үзәк авылыннан Динар һәм Руслан Фатиховлар Бөек Ватан Сугышында җиңүгә 70 ел тулу уңаеннан үткәрелгән V Республика күләмендәге балалар рәсемнәре һәм плакатлар конкурсында катнаштылар.

Аларны әлеге конкурска Үзәк авыл китапханәчесе Халикова М.Г. әзерләде. Конкурсның нәтиҗәләре буенча алар Татарстан Республикасы профсоюзлар федерациясе исеменнэн бирелгән дипломнар белән бүләкләнделәр.

Авылда ялны ничек күңелле үткәрергә сон? Әлбәттә, китапханәдә, дусларың белән аралашып, яңа китаплар белән танышып.

Баландыш авыл китапханәсенә килгән яшьләр дә, бүгенге кичтән үзләренең күңелләренә җылылык, рухи азык алдылар.

Лесной авылы клубында берләшмәгә йөрүче балалар белән берлектә 28 октябрь көнне “Үз кулларым белән могҗиза ясыйм” дип исемләнгән очрашу уздырдылар.

Очрашуга шушы авылда яшәүче пенсионер апа Г.Х. Ибрагимованы да чакырулы иде. Ул балаларны үзе белгән бәйләү серләре белән таныштырды.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ