ЯҢАЛЫКЛАР

Бүген   9нчы, 11 нче сыйныфларда район Мәгариф бүлеге приказы нигезендә математикадан БДИ форматында тест уткәрелде.

1 нче октябрь- Халыкара өлкәннәр көне Шул уңайдан Югары Кибәхуҗа урта мәктәбе укучылары тырышлыгы белән Өлкәннәр көне уздырылды. Бәйрәмгә лаеклы ялга чыккан барлык олы кешеләр һәм мәктәп хезмәткәрләре чакырылды. Укучылар килгән кунакларны Өлкәннәр һәм якынлашып килүче укытучылар көне белән тәбрикләделәр.

Хөрмәтле өлкәннәребез!Барыгызны да бәйрәм белән чын күңелдән тәбрик итәбез. Сәламәтлек,ак бәхетләр юлдаш булсын сезгә. Кайгы, хәсрәт күрмичә бар гомерегез шатлык белән үтсен.Һәрчак сөйкемле, матур, зәңгәр күктә балкыган кояш кебек якты булыгыз. Картлык көннәрегезне тән һәм җан тынычлыгы белән, балаларыгызның һәм оныкларыгызның сезнең турында кайгыртуын, җылы мөнәсәбәтләрен тоеп үткәрегез.

30нчы сентябрь көнне Теләченең 3нче номерлы балалар бакчасында бакча мөдирләре катнашында семинар- киңәшмә булып узды.Семинарның төп темасы “Мәктәпкәчә яшьтәге балаларның ашавын  оештыру” Семинарда,  мәктәпкәчә укыту буенча методист, Саетова А.Н. ашатуны оештыруда, мәгариф системасында булган яңалыклар белән таныштырды,  безнең алда торган бурычлар хакында сөйләшу алып барды. Икенче булып, 3нче номерлы балалар бакчасы шәфкать туташы, Билалова Э.К. чыгыш ясады. Ул туклану торышына кагылышлы җурналларны тутыруга кагылышлы яңалыклар хакында сөйләде.

1 октябрь көнне балаларга белем һәм тәрбия бирү үзәгенең өлкән яшьтәге өстәмә белем бирү педагоглары А.М. Вилков, Г.М. Нургалиев, Р.Г.Әбҗәлилов район мәдәният йортында картлар көне уңаенннан уздырылган бәйрәм чарасында катнаштылар. Район үзешчәннәре тарафыннан оештырылган концертка хозурланып, үзләренең яшьтәшләре белән аралаштылар.