Муниципаль районнар Теләче муниципаль районы

ЯҢАЛЫКЛАР

октябрь, 2015 ел

җомга

26 сентябрь көнне Айдар авылы китапханәсендә "Җир-әнкәнең зәңгәр күзләре" дип исемләнгән папка булдырылды.

Элеге эшнең максаты: чишмәләр турында мәгълүмат туплау, табигый байлык, изге урын буларак чишмәләргә карата сакчыл караш тәрбияләү. Әлеге папкага авылыбыз чишмәләре тарихы, алар турындагы истәлекләр, чишмәләргә багышланган шигырьләр тупланды.

26 сентябрь көнне Әбде мәдәният йорты хезмәткәре һәм китапханәче яшьләр белән “Эстремизмга юк” темасына әңгәмә уздырдылар.

Яшьләрдә көч куллануны, терроризмны, экстремизмны күрә алмау тойгысын, сабырлык хисләрен тәрбияләү максатында аларга “экстремизм”, “толерантлык” төшенчәләре аңлатылды, экстремистик эшчәнлекнең нәтиҗәләре мисалларда карап кителде. Әлеге чараны йомгаклап Дмитрий Семенов үзенең матур җырларын бүләк итте.

1 октябрь көнне Теләче Үзәк балалар китапханәсендә “Мир животных в мире людей!” китап күргәзмәсе төзелде.

Күргәзмә 4 октябрьдә үткәрелүче, дөньякүләм хайваннарны яклау көненә багышланган. Биредә безнең планетадагы хайваннар дөньясы турында әдәби китаплар һәм белешмәлекләр тәкъдим ителгән. Әлеге күргәзмә китап укучыларыбызның хайваннар дөньясы буенча бик күп сорауларына җавап бирәчәк.

Өлкәннәр!.. Олы кешеләр!...

Күпме мәгьнә табып була бу сүзләрдән, элек – электэн үк олы кешеләр тормышның, яшәешнең нигезен тәшкил иткәннәр: намуслы балалар үстерү, аларның бәхете өчен көрәшү, киләчәгебез якты һәм тыныч булсын өчен, табыннарыбыз мул, көннәребез уң булсын өчен башкарган барлык эшләр дә алар кулы аша үткән.

"Милләтләр кроссы-2015" үткәрелде.

26 сентябрь көнне Теләчебез үзәгендә "Милләтләр кроссы-2015" үткәрелде. Әлеге ярышлар җәйге спорт төрләре буенча Россия территориясендә үтә торган иң масштаблы һәм массакүләм спорт чарасы булып санала. Һәркем үзенә йөкләнгән араны үтеп үзенең көчен сынады. Бу чарада мәдәният хезмәткәрләре дә теләп катнашты. Коллегабыз Рәмзия Шаймарданова бу ярышта өченче урынны яулады.

1 октябрьдә Ямбулат авылы китапханәсендә "Көз бизәге -сары яфрак" дигән балалар иртәсе үткәрелде.

Алар көз турында шигырьләр сөйләделәр,җырлар җырадылар,яфраклардан букетлар ясадылар.Җыр ярышы буенча җиңүче,нәни китап укучы Камилә Насыйрова булды.

5, 9, 11 сыйныфларда математикадан тест.

Татарстан Республикасы Мәгариф һәм фән Министрлыгының 09.09.2015 №9257/15 "2015-2016 нчы уку елында башлангыч мәктәптән төп мәктәпкә күчкәндә укучыларга старт диагностикасы үткәрү" приказы нигезендә, бүген Татарстан Республикасының барлык мәктәпләрендә, шул исәптән Югары Киибәхуҗа урта мәктәбендә һәм Кече Кибәхуҗа төп мәктәбендә дә, 5нче сыйныф укучылары математикадан старт диагностикасы үтте. 9нчы һәм 11 сыйныф укучылары исә шул ук фәннән муниципаль тестлаштыруда катнашты.

Район хуҗалыкларында кукурузны силоска һәм яшел массага алу давам итә.

Бугенге көндә 2545 гектар кукуруз силоска һәм яшел массага алынды, бөтен булган майданның 54% тәшкил итә ,ягъни 4703 гектар. Район буенча барлыгы 1878 гектар кукуруз силоска алынды һәм 35844 тонна силос әзерләнде. Эшнең, яхшы оештырылышы Алан хуҗалыгы һәм Сэт иле Теләче филиалының, Чулпан булекчәсендә куренә.

2015 елның 2 октябрь көнне “Родник” халыкка социаль хезмәт күрсәтү Комплекслы үзәгендә социаль өлкәдә эшләп киткән өлкән кешеләрнең очрашуы булды.

Күңелле әңгәмә тәмле чәй табыны артында хезмәт юлында булган истәлекле вакыйгаларны искә төшереп узды. Шулай ук әлеге чара вакытында психолог, белгечләр һәм балалар белән берлектә “Буыннар белән очрашу” дип аталган викторина үткәрелде.

“Өлкәннәр көне”

2015 елның 1 нче октябрь көнне “Өлкәннәр көне” уңаеннан Социаль яклау бүлеге җитәкчесе Галимова Ф. М. һәм “Родник”халыкка социаль ярдәм күрсәтү үзәге җитәкчесе Нияз Мортазин Лесхоз картлар йортына Теләче районыннан булган өлкәннәрне котлап күчтәнәчләр тапшырдылар.

Өлкән кешеләр кунакларны күтәренке кәеф һәм рәхмәт сүзләре белән озатып калдылар.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ