ЯҢАЛЫКЛАР

7
июль, 2015 ел
сишәмбе
Казан шәһәренең Киров районы «Заречье» балаларга өстәмә белем бирү үзәге тарафыннан уздырылган башлангыч техник модельләштерү һәм конструкторлаштыру буенча республика күләмендә уздырылган конкурсның нәтиҗәләре билгеле булды.
Конкурста Татарстан Республикасының 21 төбәгеннән барлыгы 80 эш кабул ителеп,  шулар арасыннан җиңүчеләр билгеләнде. Җиңүчеләр арасында  Балалар иҗат үзәге аша оештырылган техник  түгәрәкләргә йөрүче укучыларыбыз да бар. 5-6 сыйныф укучылары арасында «Макет» номинациясендә III дәрәҗә Дипломга Шәяхмәтова Сөмбел (фотода, җитәкчесе Шаипова Раъно Исамовна), 7-8 сыйныф укучылары арасында II дәрәҗә Дипломга Муллахмәтов  Ильназ һәм Фәтхуллин Ильмир (җитәкчеселәре Тимирбаев Тәбрис Габдрахманович) һәм өлкән сыйныф укучыларыннан I дәрәҗә Дипломга  Кадырова Гөлфия (җитәкчесе Касыймова  Ляйлә Габлеләхәтовна)ләр бар. 
6
июль, 2015 ел
дүшәмбе
Ата-аналар җыелышы уздырылды.
 Узган атнада Теләче 2 нче балалар бакчасында Теләче районы буенча янгын күзәтчелеге бүлеге вәкиле Хасаншин Алмаз Госманович катнашында  ата-аналар җыелышы уздырылды.
1 - 5 июль көннәрендә Мамадыш шәһәрендә «Авыл яшьләре» дип исемләнгән тугызынчы җәйге спорт уеннары булып узды.
Анда авыл җирлегендә яшәүче республика яшьләре мини-футбол, туристлык многоборье, өстәл теннисы, җиңел атлетика, спорт семьясы ярышлары, көрәш, билбау көрәше, кул көрәше, шашка, шахмат, бадминтон, сөт саву аппаратын сүтеп-җыю, трактор йөртү осталыгы кебек бәйгеләрдә  катнаштылар. Безнең районан 40 кеше көч сынашып 43 район арасында 10 урынга лаек булдылар.
6 июль көнне Теләче урта мәктәбендә, укучылар арасында “Готов к труду и обороне” Фестивале уздырдык
 Фестивальдә лагерьдә ял итүче 145 бала катнашты.Нәтиҗәләр буенча 31 укучы алтын, 46 укучы көмеш һәм 39 укучы бакыр дәрәҗәсен үтәде.  
«Мәктәпкә әзерләнергә булыш», “Үз мәктәбеңә булыш” акцияләре.

Олы Нырсы гомуми урта белем бирү мәктәбе «Мәктәпкә әзерләнергә булыш», “Үз мәктәбеңә булыш” акцияләрендә ел саен актив катнаша. Бу акцияләр мәктәпнең  матди хәлен яхшыртуга, укучыларны мәктәпкә әзерләнергә юнәлтелгән. Беренче очракта аз керемле гаиләләргә ярдәм күрсәтелә.
Бөек Җиңүнең 70 еллыгы уңаеннан Күкчә авылында төзелгән обелискның тирә ягын мәдәният хезмәткәрләре һәрдаим үскән чүп үләннәреннән арындырып, утырткан агачларга, чәчәкләргә су сибеп торабыз.
Бу безнең тынычлыгыбыз хакына башларын сугыш кырларында салып калдырган батыр авылдашларыбыз өчен эшли алган  бурычыбыз.
Әбде авылы китапханәсендә китапханәгә яңа китап укучыларны җәлеп итү буенча даими рәвештә эш алып барыла.
Туганнарына кайтучы балалар китапханәгә килеп төрле чараларда актив катнашалар.
“МӘКТӘПКӘ ҖЫЕНЫРГА ЯРДӘМ ИТ!” АКЦИЯСЕ.
   Баланы мәктәпкә әзерләү – әти-әниләре әйбәт кенә эшләп торганнарга да бигүк җиңел түгел. Әгәр әти-әниләре булмаса, яки әни генә тәрбияләсә, яки пенсионер әби-бабайлар тәрбиясендә булсалар? Бу очракта инде проблемалар килеп чыга. Ләкин авырлыклар балаларның бәйрәмен бозарга тиеш түгел. 
3 июль көнне Теләче Үзәк китапханәсендә китапханә хезмәткәрләре белән хатлар алышып, әле генә армия сафларында хезмәт итеп кайткан Шарифуллин Рушат булып китте.
Ул китапханәчеләргә  үзенең армия тормышы турында кыскача гына сөйләп узды. Китапханәчеләр исә аңа алдагы тормышында уңышлар теләп озатып калдылар.
Китап күргәзмәсе куелды.

          1 июль көнне Теләче Үзәк китапханәсенең уку залында Әдәбият елына багышланган “Шушы яктан, шушы туфрактан без” дип исемләнгән китап күргәзмәсе куелды. Күргәзмәдә якташ язучыларыбызның әдәби китапалары урын алды.
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International