ЯҢАЛЫКЛАР

3
июнь, 2015 ел
чәршәмбе
29 май көнне бездә Алан балалар бакчасында балаларны мәктәпкә озату бәйрәме узды.
Без бүген бакчага йөргән ике баланы Ильназ белән Гөлсемне мәктәпкә озатабыз. Балалар сәнгатькә осталыкларын һәм мәктәпкә әзерлекләрен күрсәттеләр. Алар шигырьләр сөйләделәр, жыр-биюләр башкардылар.Аларга алдагы көннәрендә яхшы итеп укуларын,яңа дуслар табуларын телибез.
29 май көнне Айдар балалар бакчасында мәктәпкә әзерлек төркеменең чыгарылыш кичәсе узды.
29 май көнне Айдар балалар бакчасында мәктәпкә әзерлек төркеменең чыгарылыш кичәсе узды. Бүген без бакчабызда тәрбияләнүче Зайнуллин Рәдифне тормышның янә бер баскычына күтәрдек - җырлап-биеп мәктәпкә озаттык. Бүген аеруча моңсу да, шатлыклы да көн. Чөнки Рәдиф безнең бакча белән саубуллашты. Ак юллар сиңа Рәдиф!
Бүген без балалар белән бәйрәм көн уңаеннан табигатькә ял итәргә чыктык.
Төрле уеннар уйнадык, рәхәтләнеп күңел ачтык. Без, Айдар балалар бакчасы коллективы, барлык балаларны да бүгенге бәйрәм белән котлыйбыз. Сау-сәламәт, акыллы, тәртипле, игелекле, бәхетле балалар булып үсүләрен телибез.
1 июнь илебездә балаларны яклау көне буларак билгеләп үтелә.
Бу көн бит әле –җәйнең беренче көне дә. Безнең  Олы Кибәхуҗа балалар бакчасы да бу көнне балалар Сабантуе үткәреп билгеләп үтте. Сабантуй елдагыча башлангыч сыйныфлар белән берлектә үтте. Иң беренче лоторея уены уйнатылды. Һәр балага һәм килгән кунакларга лоторея һәм бүләкләр таратылды. 
“Китап күңел кояшы”.
Күкчә авылы китапханәсендә шагыйрә Татарстанның атказанган сәнгать эшлеклесе, Татарстанның Г.Тукай исемендәге Дәүләт премиясе лауреаты Лена Галимҗан кызы Шакирҗанова(Шагыйрьҗан)га 70 яшь тулу уңаеннан 2 июнь көнне күкчә авылы китапханәсендә “Китап күңел кояшы”- дип исемләнгән китап күргәзмәсе эшләнде. 
Сабантуйлар килә.
Татар  халкының милли бәйрәме Сабантуй якынлаша. Безнең Олы Нырсы урта мәктәбе коллективы бу күркәм бәйрәмдә актив катнаша. Укучылар, укытучылар вазаларга  чәчәкләр утырттылар. Алар бәйрәмгә килүче кунакларны  матур, төрле төстәге чәчәкләре белән каршылар. Ә укытучыларыбыз - спорт бәйгеләренең хөкемдарлары. 
2
июнь, 2015 ел
сишәмбе
2015 елның 2 июнь көнне район Сабантуе уздыру буенча район башлыгы И.Ф.Зарипов җитәкчелегендә киңәшмә уздырылды.

Киңәшмәдә шулай ук игеннәрне тәрбияләү, күп еллык үләннәрне печәнгә чабу һәм терлек торакларын ремонтлау мәсәләләре каралды.
2015 елның 29 май көнендә “Родник” халыкка социаль хезмәт күрсәтү буенча комплекслы үзәге хезмәткәрләре Тәмәкесез көнгә багышланган “Тәмәкене конфетка алыштыр” дип аталган акция үткәрделәр.
Бу чара уңаеннан, социаль яктан начар булган гаиләдәге балаларны волонтерлар отрядына куштылар.
1 июнь көнне Казан шәһәрендә “Созвездие-Йолдызлык” фестиваль-хәрәкәте җиңүчеләрен бүләкләү тантанасы булды. Җиңүчеләрне Рөстәм Миңнеханов үзе котлады.

  Тантанада район мәдәният йорты каршына эшләп килүче «Нур» вокаль ансамбле һәм аларның җитәкчеләре Әльфия Поташова да катнашып дәүләт степендиясенә ия булдылар.
1 июнь – Халыкара балаларны яклау көне уңаеннан һәр елны, Теләченең ял паркында зур бәйрәм булып уза.

Шушы бәйрәм чарасында, Теләченең 2нче номерлы балалар бакчасыннан, күп тапкырлар инде төрле иҗади конкурсларда катнашып, призлы урыннар яулаган балалар, бу бәйрәмне тагын да ямьләндереп җибәрделәр. 
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International