ЯҢАЛЫКЛАР

4
июнь, 2015 ел
пәнҗешәмбе
Халыкара балаларны яклау көне уңаеннан уздырыла торган төрле чаралар әле дә дәвам итә.
Шул уңайдан, бүген безнең бакчабызда Сабантуй бәйрәме булып узды. Сабантуй – ул хезмәт, дуслык бәйрәме. Сабантуй- ул олы бәйрәм, халкыбызның иң яраткан, иң күңелле, иң тантаналы бәйрәме.  Безнең балалар бакчасында да сабантуе ел саен үткәрелә. Балалар бу бәйрәмне бик яратып, көтеп алалар. Быел да балалар  аркан тартышу, су ташу, капчык белән йөгерү, чүлмәк вату, йомырка кабып йөгерү, әйбер кисү, тизлеккә йөгерү уеннарында бик теләп катнаштылар. Бәйрәмне балаларның әти-әниләре, кечкенә төркем балалары күзәтте, аларга көч биреп тордылар
Сабантуйга –чәчәкләр.

Югары Кибәхуҗа урта мәктәбе укучылары Сабантуй мәйданын бизәү өчен март аенда чәчәк утыртканнар иде. Чәчәкләр бик матур булып үстеләр. Без үстергән чәчәкләр Сабантуйны тагын да ямьләндереп торырлар.
3
июнь, 2015 ел
чәршәмбе
Балалар бакчасында – сабантуй. Җәйнең беренче көннәрендә 3 нче балалар бакчасы хезмәткәрләре сабыйлар өчен бәйрәм мәйданын оештыра. Барсыда чынбарлыктагы кебек.
3 нче балалар бакчасы  3 ел   уңышлы эшләп килә. Сабыйларның буш вакытын эчтәлекле, мәгънәле итеп үткәрү  йөзеннән, төрледән-төрле чаралар үткәрелеп тора биредә. 
“Наркотикларсыз тормыш”.
26 нчы июнь- наркоманиягә һәм наркотикларның законсыз әйләнешенә каршы көрәш көненә карата “Наркотикларсыз тормыш” айлыгы игълан ителде. Шул уңайдан, 2 июнь көнне Айдар авылы китапханәсендә “Кешеләр, уяу булыгыз!” дип исемләнгән китап күргәзмәсе төзелде. Китапханәгә килгән балалар белән күргәзмәгә куелган китапларга күзәтү уздырылды. 
Олы Мишә урта мәктәбендә укучы балалар өчен “Ак каен” мәктәп яны лагеры эшли башлады.
 21 көн буена укучылар белән төрле спорт уеннары, экскурсияләр, ярышлар, конкурслар оештырылачак. Бүген асфальтка төсле акбурлар белән геометрик фигуралардан рәсемнәр ясау конкурсы булды. 
1 июнь - Халыкара балаларны яклау көне.
Шул уңайдан 1 июнь көнне, Ямбулат авылы китапханәсендә" Балалар- безнең бөтен өметебез" дип исемләнгән әңгәмә уткәрелде. Бу әңгәмә һәр балага якын килеп балаларны яклау темасына багышланды.
Авылга,фермага экскурсия.
Теләче урта мәктәбенең 8 б сыйныф укучылары җитәкчеләре Е.Я. Нуртдинова белән  Максабаш авылына экскурсиягә барып кайттылар. Балалар фермада, машина –трактор паркында булдылар, авыл хезмәтчәннәренең эше белән таныштылар.Район  Башлыгы ярдәмчесе Э.Ш.Хамизова оештырган  җитәкчеләр белән очрашу бик нәтиҗәле үтте.  
Вак таш салына башлады.

Баландыш авылы Ленин  урамына 2014 елда җыелган үзара салым акчасына ООО“Максат”  оешмасы көче белән вак таш салына  башлады.
Балаларны яклау көне.

1 июнь - Балаларны яклау көне уңаеннан без үзебезнең Олы Мәтәскә балалар бакчасында "Сабантуй" бәйрәме үткәрдек. Балалар җырладылар, биеделәр, уйнадылар. Капчык киеп йөгерү, кашык белән су ташу, аркан тартышу һәм башка бик күп төрле ярышларда катнаштылар. Балалар бакчасының тирә - ягы җырга, балаларның шат авазына күмелде. Бәйрәм ахырында балаларга бүләк - күчтәнәчләр өләшенде.
Хуш сөекле бакчабыз!
29 май көнне безнең Олы Мәтәскә балалар бакчасында "Хушлашабыз бакча белән!" дигән исем астында бәйрәм иртәсе булып үтте. Бәйрәмгә балаларның әниләре, булачак беренче укытучы апалары килгән иде. Балалар сәнгатькә осталыкларын һәм мәктәпкә әзерлекләрен күрсәттеләр. 
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International