ЯҢАЛЫКЛАР

5
май, 2015 ел
сишәмбе
28 апрель көнне Иске Җөри урта мәктәбе базасында “Куркынычсыз тәгәрмәч” республикакүләм конкурсының муниципаль этабы үткәрелде.
Конкурста районның 12 мәктәбе катнашты: Шармыш, Баландыш төп мәктәпләре, Теләче, Олы Нырсы, Югары Кибәхуҗа, Олы Мишә, Үзәк, Алан, Сауш, Шәтке, Иске Җөри, Олы Мәтәскә урта мәктәпләре. 
27 апрель көнне “Федераль Дәүләт белем бирү стандартлары нигезендә 2015 елда башлангыч мәктәптә белем дәрәҗәсен бәяләү” проекты буенча 4 сыйныфларда Әйләнә – тирә дөнья фәненнән йомгаклау эшләре үткәрелде һәм анда 130 укучы катнашты.
29 апрель көнне белем бирү учреждениеләренең 4 сыйныфларында татар теленнән үткәрелгән мониторинг тикшеренүләрендә 130 укучы катнашты.
“Алиш эзләреннән”.
28 апрельдә укучыларда  татар халкының тарихына, әдәбиятына мәхәббәт,патриотик хисләр, милли үзаң тәрбияләү, сәләтле укучыларны барлау максатында һәм Бөек Җиңүнең 70-еллыгы уңаеннан Казан шәһәре Совет районының  20 нче гимназиясендә “Алиш эзләреннән” исемле I төбәкара фәнни-гамәли конференциясе  үткәрелде. Әлеге конференциянең йомгаклау турында безнең районнан 4 укучы катнашты. 
2015 елның 30 апрель көнендә кабаттан “Язгы изгелек атнасы” дип исемләнгән Бөтенроссия ирекле акциясе уздырылды.

Бу чарада районның куп кенә оешмалары һәм шулай ук акциянең максатын уртаклашучылар да катнаштылар.

Җыелган һәрбер киемнәр, уенчыклар һәм канцеляр товарлар тормышлары авыр һәм социаль яктан начар булган гаиләләргә тапшырылды.
Волейбол буенча ачык турнир булып үтте.

2015 елның 29 апрелендә Кукмора эшчеләр бистәсендә 2003-2004 елда туган кызлар арасында волейбол буенча ачык турнир булып үтте.Теләче районы данын Шәтке мәктәбе укучылары яклады.Ярышлар нәтиҗәсендә алар 4 урынга лаек булды. 
Айдар авыл җирлегендә өмә оештырылды.

29  апрель көнне Айдар авыл җирлегендә өмә оештырылды. Өмәдә хәрбер оешма үз территориясен җыештырды. Шулай ук юл кырыйлары чүп-чарлардан чистартылды. Барлыгы 2 куб.м. чуп чыгарылды.  
“Беренче сыйныф укучысының мәдәни көндәлеге”.

“Беренче сыйныф укучысының мәдәни көндәлеге” республикакүләм  мәдәни - белем бирү проекты кысаларында беренче сыйныф укучылары һәм әти – әниләр арасында ике номинациядә: “Беренче сыйныф укучысының иң яхшы мәдәни көндәлеге” һәм “Иң мәдәниятле ата – ана” бәйгесе үтте.
27 апрель көнне Югары Мәтәске авыл клубы территориясендә агач утырту эшләре башкарылды.
Бу эштә сугыш чоры балалары һәм башлангыч мәктәп укучылары  бик теләп катнаштылар. Алар үзләре утырткан агачларны Бөек Ватан сугышында катнашкан һәм яу кырында вафат булып калган әтиләре һәм бабаблары хөрмәтенә утырттылар. 
Бөек Ватан сугышы илебез тарихында зур һәм тирән эз калдырган вакыйга. Бөек җиңүнең 70 еллыгы якынлашканда Айдар авылы китапханәсендә "Ветеранга рәхмәт хаты" дип исемләнгән конкурс игълан ителде.
"Тамчы" клубына йөрүче балалар үз гаиләләрендәге ветеран бабаларына рәхмәт хатлары яздылар. Конкурста катнашучылар  хатларында сугыш ветераннарына бүгенге тыныч тормыш өчен рәхмәт хисләрен, теләкләрен, котлауларын җиткерделәр. 
«Идел йорт».
29 апрель көнне Теләче район мәдәният йорты каршында эшләп килүче халык театры коллективы Бөек Җиңүнең 70 еллыгына багышланган Мансур Гыйләҗевның «Яра» исемле драмасы белән Әтнә дәүләт театрында бара  торган зонада Төбәкара «Идел йорт» фестивалендә катнашып, уңышлы чыгыш ясады.
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International