ЯҢАЛЫКЛАР

23
март, 2015 ел
дүшәмбе
Хуш киләсең, Яз!

Карт көртләре көләч язгы кояш нурларыннан юл кырыена ышыкланып калды. Алар инде элеккечә аклык белән күзне чагылдырмый, ә тыйнак кына гөрләвеккә әверелеп, кара туфракка урын биргән сыман, юкка чыгалар.  Көннәр җылы, һавада хуш ис таралса да, яз тулы хокукы белән килергә ашыкмый. Бу хикмәтнең сере кая яшеренгәнлеген 1 нче номерлы  балалар бакчасына йөрүче нәниләр агымдагы елның 20 мартында Нәүруз бәйрәмендә белделәр. 
3 чирекне тәмамладык.
3нче чирекнең соңгы көне.  Гомуми линейкада укуга йомгак ясалды. Төрле конкурсларда катнашып, урын алган укучыларга  Грамоталар тапшырылды. Язгы каникулга эш планы белән таныштырылды. Сыйныф җитәкчеләре класс җыелышларында  язгы каникул вакытына инструктаж үткәрделәр.
Урман көне.
21 нче март  көнне Лесной төп гомумбелем бирү мәктәбендә барлык сыйныфлар өчен дә  Урман  көненә багышланган тәрбия чарасы үткәрелде. Чарада  Ленин урманчылыгы җитәкчесе – Халиуллин Айдар  Адгамович катнашты
20 нче март көнне, 10ынчы Президент спорт ярышлары муниципаль этабы кысаларында шахмат буенча ярышлар үтте.
Анда 1998-2000 нче елгы кызлар һәм  егетләр көч сынашты. Безнең мәктәптән 3 укучы  катнашты.   Һадиуллина Адилә – 1 урын, Мубинов Салават – 2 урын.  Командабыз беренче  урында. Адилә һәм Салават 25 март көнне Казанга район данын якларга баралар. Уңышлар сезгә!
20 март көнне Алан урта мәктәбендә “ Нәүрүз” бәйрәме узды.
Нәүрүз йолаларына, гореф гадәтләренә нигезләнгән әлеге бәйрәм “ Нәүрүз гүзәлләренең “ бәйгесе белән тәмамланды. Бәйрәмдә Алан һәм Балыклы  авылы  мәдәният йортлары иҗат төркемнәренә йөрүче яшьләр дә катнашты.
2015 елның 20 мартында Кече Кибәхуҗа төп мәктәбендә Бөек Җиңүне якынайтуга үзләреннән зур өлеш керткән сугыш һәм тыл ветераннарыбызны хөрмәтләү тантанасы булып узды.
Тантанада Теләче  муниципаль районы башлыгының аппарат җитәкчесе И.В.Мөбинов, халыкны социаль яклау бүлеге начальнигы Ф.М.Галимова катнашты. Алар ветераннарыбызга Бөек Җиңүнең 70 еллыгына багышланган медальләр тапшырып олы рәхмәт хисләрен җиткерделәр, алдагы  көннәрендә исәнлек-саулык теләделәр.
20 март көнне Теләче урта мәктәбе базасында 11 сыйныф укучылары математикадан тест эшләделәр.
Әбде урта мәктәбе укучылары да әлеге тестта катнашты. Тест эшләгәннән соң укучылар үзләренә нәтиҗә ясап, белемнәрен тагын да ныгытырга кирәклеген ачыкладылар. Бу ялгышлар бердәм дәүләт имтиханын тапшырганда булмас дип ышанабыз.
Алан авылы һәм Балыклы авылы мәдәният йортлары каршында эшләүче сәнгать төркемнәре алда булачак бәйрәм - тамашаларга әзерләнә.
   
6 Март көнне Балыклы авылы мәдәният йортында әнә шундый исем астында хөрмәтле хатын – кызларыбызга - газиз әнкәйләргә, әби- дәү әниләргә, гүзәл кызларга, олы ихтирам, мәхәббәт хисләре белән сугарылган бәйрәм тамашасы узды.

Хатын- кызларыбызга мәдхия җырлаучы әлеге бәйрәм чарасында Алан һәм Балыклы авылы мәдәният йортларында эшләүче “Сүнмәс дәрт” ,“ Шома бас” бию, “Өч Рәшит” триосы, “ Көмеш телле грмуным” һ.б. иҗат төркемнәре һәм аерым башкаручылар катнашты. 
Теләче урта мәктәбендә “Математика атналыгы” кысаларында математика фәне буенча күңелле стартлар үтте.
Күңелле стартларда барлык бишенче сыйныф укучылары катнашты. Укучылар ярышлар вакытында фән буенча булган белемнәрен генә түгел, физик яктан да күнекмәләрен күрсәттеләр.
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International