ЯҢАЛЫКЛАР

Татар халык бизәкләре.

Безнең Олы Нырсы балалар бакчасында балаларны татар халкының милли бизәкләре белән таныштыру ,аларда милли аң тәрбияләү эшенә зур урын бирелә. Балалар төрле дәресләрдә, дәрестән тыш вакытларында милли бизәкле өс киемнәре, аяк киемнәре, бизәнү әйберләре белән танышалар. 

18мартта Айдар башлангыч гомумбелем бирү мәктәбенең укытучылары сугыш ветераны Набиулла Фатхуллинның өенә бардылар.

Үткәннәрне барлап, ветеран узган сугыш юлларын искә алып озак сөйләштеләр. Хәзерге вакытта Айдар авыл җирлегендә ике сугыш ветераны гына исән-сау. Без аларга сәламәтлек, озын гомер телибез. Рәхмәт сезгә, Ветераннар!

“Бөек полководецлар” дигән темага тәрбия сәгате.

17 март көнне Алан урта гомумбелем бирү мәктәбендә 5 сыйныф җитәкчесе - Хусаинов Р.М. Җиңүнең  70 еллыгына багышлап   “Бөек полководецлар ” дигән темага тәрбия дәресе уздырды.  

18 март көнне Казаклар авылы китапханәчесе тыл ветераннарыныӊ өйләрендә булды.

Аларны газета-журналлар, яӊа кайткан китаплар белән таныштырды. Алар да үзләренеӊ хатирәләре белән уртаклашалар. Тыл ветераннарыныӊ хезмәте хөрмәткә лаек.

«Русский медвежонок»- рус теле буенча укучылар арасында иң популяр конкурсларның берсе.

Бу конкурста теләгән барлык укучылар да катнаша ала. «Русский медвежонок – языкознание для всех» конкусында Олы Мишә урта мәктәбеннән 12 укучы катнашты. Конкурсның нәтиҗәләре дә билгеле. Бөтенроссия уен-конкусында җиңгән   укучылар җиңүче дипломнары һәм истәлекле бүләкләр белән бүләкләнделәр.

Бөек Җиңүгә 70 ел булу уңаеннан Теләче №2 балалар бакчасында төрле чаралар үткәрелү дәвам итә.

Бу атнада патриотик тәрбия бирү максатыннан, физкультура тәрбиячесе Зиннатова И.Н. “Аҗаган” бәйрәмен үткәрде. Балалар “Саперлар”, “Очучылар”, “Медицина ярдәме хезмәткәрләре” командаларына бүленеп , төрле уеннарда көч сынаштылар. 

"Ел тәрбиячесе -2015" зона ярышында.

Район буенча 2 урынга чыккан музыка җитәкчебез Хамитова Розиля Шамильевна Балтачта үткәрелгән "Ел тәрбиячесе -2015" зона ярышында катнашып,  иҗади презентацияне күрсәтеп уңышлы чыгыш ясады, белем бирү эшчәнлеген күрсәтте.

18 март көнне «Батыр» спорткомплексында Xнчы укучылар Спартакиадасына әзерләну максатыннан бадминтон буенча ярышлар булып узды.

Әлеге ярыш 1999-2001 нче  елгы малайлар хэм кызлар арасында уткәрелде. 

18 март көнне Югары Кибәхуҗа урта мәктәбендә Бөек җиңүнең 70 еллыгына багышланган тантана узды.

Бу тантанада 1941-1945 елларда сугышта катнашкан ветераннарга юбилей медальлэре тапшырылды. Бу чарада муниципаль район башлыгы урын басары А.Г.Фатхуллин, җаваплыгы чикләнгән “Газпром – Таттрансгаз – Казань” җәмгыять җитәкчесе Рәфкать Кантюковның ярдәмчесе Гүзәлия Минкина һәм социаль яклау идарәсе җитәкчесе Ф.М.Галимова катнашты.

Укучыларга патриотик тәрбия бирү.

Укучыларга патриотик тәрбия бирү Татарстан Республикасында  спорт һәм физик культураны үстерү буенча дәуләт программасының төп юнәлешләреннән берсе  булып тора.