ЯҢАЛЫКЛАР

18
март, 2015 ел
чәршәмбе
Өченче чирек ахырына якынлаша
Алда –язгы каникуллар.Уку чирегенең соңгы көннәре. Барлык сыйныфларда мәктәп планы буенча контроль эшләре бара.Барлык укучыларга да югары һәм яхшы күрсәткечләргә  ирешүләрен телибез.
Баландыш авыл китапханәсендә “Китапханә + ин күп китап укучы бала”дигән акция дәвам итә.

Узган февраль аеның нәтиҗәлэре буенча  1 нче сыйныф укучысы Мухаметшина Рәзилә җиңүче дип табылды.Аңа грамота белән истәлекле бүләк тапшырылды.
Югары Кибәхуҗа урта мәктәбенең 2,3 сыйныфларында табигать бәла – казаларыннан мәсәлән, “Су басу күренешләреннән ничек сакланырга” дигән темага сыйныф сәгате үткәрелде.

Укучылар су  басу куркынычы булган очракта  гаиләңне, күршеләреңне кисәтү, аларга  булышу, кирәкле документларны алу, үз – үзеңне тоту кагыйдәләре белән презентация аша таныштылар.

 
16 март көнне Теләче урта мәктәбендә Крымның Россиягә кушылуына багышланган гомуми линейка булып узды. Линейкада Крым Республикасы һәм Севастополь шәһәре турында үткән елның тарихи вакыйгаларын искә алдылар.
Россия Федерациясенең геополитик һәм геоэкономик урынында Крым Республикасының тоткан роле турында сөйләделәр.
17 март көнне Теләче урта гомумбелем мәктәбендә Татарстан Республикасы Дәүләт алкоголь инспекциясенең һәм Роспотребнадзор территориаль бүлекнең экспертлары белән очрашу булды.
Алар чыгарылыш сыйныф укучыларына үзләре эшләгән оешмаларның  эшчәнлеге, кулланучыларның хокуларын яклау нигезләре турында сөйләделәр. Соңыннан укучылар үзләрен кызыксындырган сорауларга  җаваплар алдылар.
17
март, 2015 ел
сишәмбе
Бөтенроссия конкурсы йомгаклары.
Бөтенроссия конкурсы нәтиҗәләре билгеле булды. «КИТ – компьютерлар, информатика, технологияләр» конкурсында катнашучы 6 укучы Сертификат һәм кечкенә бүләкләр алдылар. “Рус аюы -2014” конкурсында 4 укучы катнашты. 
Китап- укучыларның укуда иң зур ярдәмчесе.
Китаплар да кешеләр кебек авырып китәләр: битләре төшә,төпләре куба, ертыла , таушала. Бүген Олы Мишә урта мәктәбе  китапханәсендә  “Мин-китап докторы ” дигән китапханә дәресе үткәрелде. 
«Юл йөрү әлифбасы».
" Татарстан Республикасының Юл хәрәкәте иминлеге мәгариф һәм фәнни программаларын финанслау дирекциясе" ДКУсенең Арча филиалы тарафынан безнең Теләче 3 нче балалар бакчасына “Автокласс” бирелде. 
Без экскурсиядә.

Безнең Шәтке авылында,бик матур  балалар бакчасы төзи башладылар, без балалар белән төзелеш янына экскурсиягә бардык.Балалар төзүчеләр белән аралаштылар,киләсе уку елына яңа бакчада йөриячәкләрен белеп бик шатландылар.
2015 елның 13-15 март көннәрендә Питрәчтә 2000-2001 елда туган егетләр арасында милли көрәш буенча Х укучылар Спартакиадасы ярышлары булып үтте.
Барлыгы 14 команда,130 яшь көрәшче катнашты. Теләче командасы составында Олы Нырсы,Олы Мишә,Лесной,Иске Җөри,Олы Мәтәскә,Югары Кибәхуҗа,Шәтке мәктәбе укучылары көрәште.
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International