ЯҢАЛЫКЛАР

14 март көнне Теләче урта мәктәбендә укучыларның X спартакиада район этабы, Бөек Ватан сугышының 70 еллыгына багышланган 2000-2001 нче елгы кызлар арасында баскетбол ярышы узды.

Ярышта безнең мәктәп кызалары да катнашты.Җитәкчеләре физкультура укытучысы Назипов Р.Р.Безнең кызлар бик яхшы күрсәткеч күрсәтеп Алан һәм Үзәк мәктәпләреннән генә калышып 3 урынны яуладылар.Кызларны җиңүләре белән котлыйбыз.Алга таба да җиңүләр телибез.

Аҗаган – 2015 кә әзерлек.

16 мартта Алан урта гомумбелем бирү мәктәбендә ТИН укытучысы Хисмәтуллин И.М. җитәкчелегендә “Аҗаган – 2015” район конкурсына әзерлек эшләре башланды. Әзерлек барышында 7-9 сыйныф егетләре һәм кызлары граната атарга, автоматны сүтеп җыярга, медицина ярдәме күрсәтергә өйрәнделәр. 

Бакчабызда " Гайлә бәйрәме".

Безнең Олы Нырсы балалар бакчасында -14 март көнне " Гайлә бәйрәме" уздырылды.Ул "Безнең гайлә - тату гайлә" дигән исем астында узды. Бәйрәмебездэ барлык әти-әниләр һәм балалар катнашты. 

Кул эшләнмәләреннән бүләкләр ясыйлар.

Балалар иҗат үзәгенең “Тегү иле” түгәрәгенә йөрүче укучылар, өстәмә белем бирү педагогы Шаипова Р.И. җитәкчелегендә, Кече Кибәхуҗа мәктәбендә узачак, Бөек Ватан сугышы ветераннарын котлау максатыннан уздырылучы кичәгә үзләренең өлешләрен кертеп, кул эшләнмәләреннән бүләкләр ясыйлар. 

Лесной балалар бакчасында “Әти,әни һәм мин- без тату гаилә” дип исемләнгән бәйрәм кичәсе булып узды.

Балалар әтиләренә, әниләренә изге теләкләр теләделәр. Матур җырлар, шигырьләр, биюләр башкардылар. Әти-әниләр үзара тапкырлыкта, җитезлектә, осталыкта көч сынаштылар. Кичә ахырында балалар үз куллары белән ясаган  бүләкләрен иң кадерле кешеләренә тапшырдылар.

Бүген Югары Кибәхуҗа урта мәктәбенең , башлангыч сыйныф укучылары, “Янгын куркынычсызлыгы” исеме астында узган рәсем конкурсында катнаштылар.

Балалар янгын вакытында нәрсә эшләргә кирәклеген үзләренең рәсемнәрендә чагылдырдылар. Хәзерге вакытта, янгыннар бик күп булып тора. Әлеге конкурс янгыннарны булдырмый калу максатыннан уздырыла.

Тыл ветераннары белән очрашу оештырылды.

15 март көнне Казаклар авыл китапханәсендә клуб белән берлектә, Бөек җиңүнең 70 еллыгы уңаеннан «Сугыш урлаган балачак” исеме астында тыл ветераннары белән очрашу оештырылды.  

Илебезгә җиңү таңын алып килгән Бөек Җиңү якынлаша.

Бу нисбәттән,  укучылар арасында төрле иҗат конкурслары әледән әле уздырылып  тора.  Балалар иҗат  үзәгендә узган «Родные лица Победы» дип аталган конкурста катнашып,    Олы Мишә урта мәктәбе  укучылары - Борханетдинова Ризәлә, Мингазова Динә, Сафиуллина Алия мактаулы грамоталар белэн буләкләнделәр. Кызлар,  сезгә унышлар телибез!

Үзбәя формалаштыру.

13 март көнне Кече Кибәхуҗа төп мәктәбендә башлангыч сыйныф укытучыларының "Кече яшьтәге мәктәп балаларында үзбәя формалаштыру"дигән темага куст методик берләшмәсе семинары булып үтте.

2015 елның 12-15 март көннәрендә Башкортстан Республикасының Югары Татышлы авылында 18-20 яшьлек егет һәм кызлар арасында билбау көрәше буенча Россия беренчелеге булып үтте.

Барлыгы Россиянең 22 регионнан 250 көрәшче катнашты.Безнең районнан Татарстанның җыелма  командасы  составында 3 егет көрәште: Кәримуллин Динар, Камалиев Искәндәр, Бәширов Самир.