ЯҢАЛЫКЛАР

Март ае безгә беренче яз бәйрәмен – Халыкара хатын-кызлар көне - 8 Мартны алып килә.

Бәйрәм  уңаеннан  Олы  Саурыш  башлангыч  мәктәбендә  “Ягез әле, әниләр!” дигән кичә үткәрелде. Әниләр  ике командага  бүленделәр  һәм  үзләренең  һөнәрләрен  күрсәттеләр: җырладылар, биеделәр, мода   күрсәттеләр, салат әзерләделәр, күзне  бәйләп  бәрәңге җыйдылар, сикергеч  белән  сикерделәр. 

Бөек Җиңүнең 70 еллыгына ике айдан да кимрәк вакыт калып бара.

Яңа стендлар эшләнә, булганнары яңартыла. Башлангыч сыйныф  укучылары җырлар, шигырьләр өйрәнсә, 5-7 сыйныф укучылары рәсем ясыйлар,ветеран-нарга котлау открыткалары әзерлиләр. Укытучылар коллективы укучылар белән берлектә сугыш һәм тыл ветераннарына концерт куярга әзерләнә. 

9 нчы сыйныф укучылары өчен консультацияләр.

Лесной төп гомумбелем бирү мәктәбенең 9 нчы сыйныф укучылары ныклап имтиханга әзерләнәләр. 

Йомгаклау аттестациясенә әзерлек.

Эчке мәктәп контроле планы буенча 9,11 сыйныф укучыларының математика, рус теле фәннәре буенча белемнәре тикшерелә. 

9 март көнне Максабаш мәдәният йортында "Ягез әле кызлар, киленнәр"дип исемләнгән кичә үткәрелде.

Кичәдә  югары классларда укучы кызлар белән, инде ике-өч бала тәрбияләп үстерүче киленнәр көч сынашты. Кызларыбыз, киленнәребез бик җитезләр дә, тапкырлар да иде.

8 март көнне Шәтке мәдәният йортында "Сезнең гүзәллеккә баш иябез" дип исемләнгән бәйрәм концерты үткәрелде.

Концертта балалар да өлкәннәр дә катнашты. Шулай ук китапханә белән бергә оештырылган "Ак калфак" хатын-кызлар берләшмәсе дә “Аулак өй” күренешен күрсәтте. 

8 март көнне Максабаш башлангыч мәктәбендә бик зур бәйрәм булды.

Монда әниләр һәм аларның кызлары төрле спорт ярышларында көч сынаштылар.Ярышлар мәдәният йортында эшләп килүче берләшмәләр чыгышы белән үрелеп барылды. Мәдәният йортында эшләүчеләр белән берлектә оештырылган әлеге бәйрәм катнашучыларга да, ярышны карарга килгән тамашачыларга да бик ошады.

Ямбулат авыл клубында, 8 Март халыкара хатын-кызлар көненә багышланган тамаша-шоу уздырылды.

Хатын-кызларны котларга кояшлы Үзбәкстаннан "Ялла" төркеме, мөселман дөньясының комигы Хуҗа Насретдин үзенең мәзәкләре белән килсә, "Авыл әбиләре" үзләренең киленнәре белән килделәр. 

8 март көнне Олы Тиләҗе авыл клубында “Кояш гомере телим мин – әнием сиңа” дип исемләнгән музыкаль кичә уздырылды.

Кичәдә Әниләр турында җырлар, шигырьләр сөйләнде, биюләр башкарылды. 

8 март көнне Олы Мишә мәдәният йортында “Халыкара хатын-кызлар” көненә багышланган “Зур бәйрәм кичәсе” үткәрелде.

 Бу кичәдә әбиләргә, әниләргә, кызларга багышланган иде. Алар өчен җырларның иң матуры, биюләрнең иң дәртлеләре куелды.