ЯҢАЛЫКЛАР

6
март, 2015 ел
җомга
Соревнование по биатлону
Кичә Иске Җөри урта мәктәп базасында  Татарстан Республикасы укучыларының бадминтон буенча  Х Спартакиадасының муниципаль туры булып узды. Сәламәт яшәү рәвеше алып бару һәм хәзерге тормышның тискәре якларыннан арынып тору -  бу ярышның төп бурычы булып тора. 
Бөек Җиңүнең 70 еллыгына багышланган «Җиңүгә илткән юллар» исемле фестивале старт алды.
Беренчеләрдән булып Теләче урта мәктәбе коллективы  уңышлы гына чыгыш ясады. Хор,вокаль ансамбелләр, халык инструментлары ансамбельләренеә чыгышы тамашачы тарафыннан бик җылы кабул ителде. Балаларның да чыгышлары үзенчәлекле итеп эшләнелгән иде. 
5 март көнне уртанчы сыйныф укучылары сыйныф җитәкчеләре Власова Н.Н һәм педагог-оештыручы Әхмәтҗанова А.И. белән берлектә сугыш ветераны Никитин П.П. янына бардылар.

Ветеран укучыларга үзенең  хәрби хезмәт юлы,армиядән соңгы тормышы  турында сөйләде.Укучылар ветеран сүзләрен зур кызыксыну белән тыңладылар,үзара фикер алыштылар. Ахырда Петр Павел улы укучыларга укуларында уңышлар  һәм сәламәтлек теләп калды,ә укучылар үз чиратында ветеранга әңгәмә өчен рәхмәт әйтеп саубуллаштылар.
5 март көнне мәктәбебез укучылары: Ибрагимов Раушан, Гайбадуллин Илмир, Сагдеев Марсель, Шалканов Артур Иске Җөри мәктәбе базасында якташыбыз –Ильшат Хәйруллин истәлегенә багышланган биатлон ярышында катнаштылар.
Укучыларыбыз бик матур уен күрсәттеләр. Алдагы ярышларда да укучыларыбызга уңышлар телибез.
Максабаш авылы китапханәсендә Җиңүнең 70 еллыгына карата материаллар туплау өстендә эш алып барыла.
Максабаш авылы китапханәсендә, шушы авылда яшәүче тыл ветераннарының фото сүрәтләрен барлап, “Онытырга хакыбыз юк” дип исемләнгән стенд эшләнде.
5 март көнне Олы Мәтәскә авылы китапханәчесе Хузиахметова З.Г һәм мәдәният йорты директоры Гимранова Г.Х укучы кызлар белән авырту тыл ветераннарының өйләренә бардылар.
Аларның хәлләрен белделәр, 16 мартта медаль бирергә килүләре турында хәбәр иттеләр, ветераннарның килә алулары , килә алмаулары белән кызыксындылар. Садыкова Фәүзия апа сугыш чорында үзләренең нәрсәләр эшләгәннәрен, ниләр күргәннәрен кыскача сөйләп үтте
Бөек җиңүнең 70 еллыгы якынлашкан көннәрдә һәрбер авылда ветераннарны хөрмәтләү чаралары үткәрелә.
Шул уңайдан, 5 март көнне ветераннарга юбилей медальләре бирү тантанасында Айдар авылы китапханәсе мәдәният йорты, башлангыч мәктәп, балалар бакчасы, авыл җирлеге белән берлектә "Алар даны мәңгелек" исемле концерт программасы күрсәтте, күргәзмә һәм чәй табыны әзерләде.
"Әнием - күз нурым" исеме астында бәйрәм кичәсе үткәрелде.
Безнең Югары Кибәхуҗа балалар бакчасында бүген "Әнием - күз нурым" исеме  астында бәйрәм кичәсе үткәрелде. Балалар әниләрен, дәү әниләрен, әбиләрен шигъри юллар, җыр, бию аша якынлашып килүче 8 март - Халыкара хатын-кызлар көне белән котладылар, иң матур теләкләрен җиткерделәр. 
Тиздән 8 нче март - Халыкара - хатын-кызлар бәйрәме җитә.
Бакчабызда тәрбияләнүче балалар бу бәйрәмне көтеп алалар. Алар инде әзерлек эшләрен башладылар. Әниләренә дип шигырьләр, җырлар, биюләр һәм бүләккә үз куллары белән открытка әзерләделәр.
Бүләкләр ясыйбыз.
Тиздән 8 Март, Халыкара хатын-кызлар бәйрәме җитә. Ә бәйрәмнәр бүләксез үтми. Әниләр өчен баланың үз кулы белән ясалган бүләктән дә кадерлерәк бүләк юктыр. Безнең Иске Җөри балалар бакчасында 8 Март бәйрәменә әзерлекләр башланды. 
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International