ЯҢАЛЫКЛАР

2
март, 2015 ел
дүшәмбе
"Алтын куллы ханымнар".
Субаш авыл китапханәсендә эшләп килүче "Алтын куллы ханымнар" берләшмәсе даими рәвештә үз эшен дәвам итә. 28 февраль көнне берләшмәнең чираттагы очрашуы булды. 
“Наркомания - төпсезлеккә бер адым”.
1нче март –наркоманиягә каршы көрәш көне уңаеннан Баландыш авыл китапханәсендә мәдәният хезмәткәре белән берлектә түгәрәк өстәл артында яшьләр  белән “ Наркомания - төпсезлеккә бер адым” дигән әңгәмә уздырылды. 
Чана шууны оештырды.
Сәламәт яшәү рәвешен пропагандалау максатыннан 27 февраль көнне Олы Мәтәскә авылы китапханәчесе Хузиахметова З.Г. балаларга чана шууны оештырды. 
«Тел - күңел көзгесе».
27 февраль көнне 3 нче номерлы “Шатлык” балалар бакчасында тәрбияләнүче нәниләр, Үзәк балалар китапханәсе хезмәткәрләре тарафыннан әзерләнгән “Тел – күңел көзгесе” дип исемләнгән презентация белән таныштылар. 
Олы Мәтәскә балалар бакчасында тәрбияләнүче балалар белән һәркөнне саф һавага чыгалар
    
Олы Мәтәскә урта мәктәбендә, 22 нче тапкыр Әфган җирләрендә башын салган якташыбыз - М. Ногманов истәлегенә көрәш ярышлары уздырылды
Бүгенге көрәш ярышында барлыгы 140 ка  якын  көрәшче егет  бил алышты.  Бәйге тантанасында Теләче муниципаль район башлыгы Зарипов Илдус Фатихович, Миннегали Ногмановның сугышчан хезмәттәше Шайдуллин Илһам Рахимович,  районыбызның башка күп кенә оешма җитәкчеләре, М.Ногмановның бертуган абыйлары  катнашты. Алар яшь көрәшчеләргә уңышлар теләп, бәйгене ачып җибәрделәр. Ярыш оешкан һәм матур үтте.
26 февраль көнне Татарстан Фәннәр академиясендә фәлсәфә фәннәре докторы , академик, якташыбыз, авылдашыбыз Яхъя Абдуллинның тууына 95 ел тулуга карата "Заманыбыз агымында татар иҗтимагый фикере мәсьәләләре" дигән темага түгәрәк өстәл утырышы үтте.
Чараны фәннәр Академиясе  һәм Ш.Мәрҗәни исемендәге тарих Институты үткәрде.Түгәрәк өстәлдә Кече Кибәхуҗа төп мәктәбенең  татар теле һәм әдәбияты укытучысы Закирова Г.М. да катнашты. Катнашучылар Я.Абдуллинның татар иҗтимагый фикерен өйрәнүгә керткән өлеше мәсьәләләре турында чыгыш ясадылар.
Югары Кибәхуҗа урта мәктәбендә хәрби – патриотик айлыкка йомгак ясалды

Айлык барышында  “Иң актив класс”, “Иң актив укучы” линейкада билгеләп үтелде. 28 февраль көнне  педагог организатор Гинатуллина Г.Н. җитәкчелегендә тимурчылар  Илфинә, Фирсинә, Миләүшә  Төрек  - Тәмте авылында яшәүче сугыш ветераны    Шакирҗанов Нургали   абыйның хәлен белеп кайттылар.

 
27 февраль көне Теләче мәктәбендә Бөек җиңүнең 70 еллыгына багышланган 2000-2001 нче елгы малайлар арасында баскетбол ярышлары үткәрдек.
 Ярышта 7 мәктәп катнашты, барысы 63 укучы. Нәтиҗәләр буенча 1 урын – Үзәк мәктәбе, 2 урын – Теләче мәктәбе, 3 урын – Олы Нырсы мәктәбе яулады.
25 февральдә Теләче урта мәктәбенең 3В сыйныфында әтиләр өчен Ватанны саклаучылар көненә багышланган бәйрәм булып үтте.
 Бәйрәмгә балалар концерт, әтиләр өчен кызыклы конкурслар әзерләделәр. Һәрбер әти бик теләп үзләренең уңганлыкларын, җитезлекләрен күрсәтте. Бәйрәмнең ахырында балалар әтиләренә үз куллары белән әзерләгән бүләкләрен тапшырдылар.
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International