Муниципаль районнар Теләче муниципаль районы

ЯҢАЛЫКЛАР

февраль, 2015 ел

пәнҗешәмбе

19 -21 нче февральдә укучыларыбыз район данын яклап, Алексеевскида укучылар арасында үткәрелгән X спартакиаданың зона туры волейбол ярышында катнашып, егетләр командасы 3 нче урын алып кайттылар.

23 февральдә Ватанны саклаучылар көнендә Алан хоккей мәйданчыгында авыл эшмәкәре Габдрахманов Р.Х. призына хоккей турниры уздырылды.

Турнирда 4 авыл уенчылары көч сынашты.

Урта Мишә сыйныф остаханәсендә без яраткан әтиләргә, бабайларга Ватанны Саклаучылар көне уңаеннан бүләкләр ясадык, котлау сүзләре яздык.

Барлык армия сафларында булып кайткан, хәзерге көндә хезмәт итүче ир-егетләребезне бәйрәм белән котлыйбыз!

февраль, 2015 ел

якшәмбе

Иске Җөри балалар бакчасында Ватанны саклаучылар көненә багышланган бәйрәм булып узды.

Бәйрәмгә балаларның әтиләре һәм бабайлары чакырылган иде. Балалар шигырьләр, җырлар, биюләр аша килгән кунакларыбызны бәйрәм белән котладылар.

7 февраль көнне Теләченең беренче номерлы балалар бакчасында герой – шагыйрь Муса Җәлилнең иҗатына багышланган ачык шөгыль үтте.

Әлеге шөгыль барышында балалар шагыйрьнең тормыш юлы һәм иҗатына багышланган презентация карадылар. Балаларга шагыйрь турында кызыклы мәгъүматлар бирелде: аның балачакта зирәк, акыллы, кызыксынучан булуы, мәдрәсәгә йөргән вакытта ук инде иптәшләренә яттан Г.Тукай шигырьләрен сөйләве, оста итеп рәсем ясарга яратуы турында балалар кызыксынып тыңладылар.

21 февраль көнне мәктәбебездә Низаметдинова В.Ә. һәм Афзалова Г.Җ. җитәкчелегендә Халыкара туган тел көненә багышланган кичә уздырылды.

Кичәдә 5-8 сыйныф укучылары катнашты, бәйрәмдә туган телгә багышланган җырлар һәм шигырьләр яңгырады. Кичә ахырында барлык укучылар һәм укытучылар бергәләп “Туган тел” җырын башкардылар. Ә 20нче февраль көнне 5-6 сыйныф укучылары өчен “Ягез әле, егетләр!” кичәсе булды.

19-21 февраль көннәрендә Теләче муниципаль районы "Батыр" спорткомплексында Бөтен Рәсәй күләмендә IXнче көрәш турниры узды.

Барлыгы 118 катнашучы көрәште.

21-23 февраль көннәрендә 1999-2000 елда туган егетләр арасында милли татар-башкорт көрәше буенча Татарстан Республикасы беренчелеге булып үтте.

Безнең спорт мәктәбе укучылары да тренерлары Әскәров В.И.,Залялиев Ф.Ф. җитәкчелегендә катнашты.

2015 елның 19-21 февралендә Алексеевск районында волейбол буенча Х Спартакиада булып үтте.

Безнең районнан Зәкиев А.Х., Габделхаев Р.Х., Шәяхметов Ш.А.,Гаязов М.Г. җитәкчелегендә Олы Нырсы, Шәтке, Лесной мәктәбе укучылары да катнашты.

Әбде урта мәктәбендә “Халыкара туган тел”көне уңаеннан 2-8 сыйныф укучылары өчен ачык чара үткәрелде.

Әлеге чараның максаты -укучыларда туган телгә мәхәббәт,горурлык хисләре тәрбияләү иде. Чараны татар теле һәм әдәбияты укытучысы Хәсәнова Р.М. үткәрде.Укучылар туган тел турында шигырьләр сөйләделәр, Г.Тукайның “Туган тел”җырын башкардылар.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ